Sɩnɩ ñe-Bibl kpɛlɩkɩyaa nɛ taabalɩyɛ kɩbanɖɛ wɛɛ pa nɛ Yehowa pɛ-hɛkʋ taa

Yehowa sɔɔlaa se ɖɩsɛɛ-ɩ nɛ sɔɔlɩm. (Mt 22:37, 38) Sɔɔlɩm mbʋ Bibl kpɛlɩkɩyaa wɛnɩ Yehowa yɔɔ yɔ, pɩkpazɩɣ-wɛ ɖoŋ se pala lɛɣzɩtʋ ndʋ pɩpɔzʋʋ yɔ nɛ pɔɖɔkɩ ɖɔɖɔ kpam takɩm taa. (1Yo 5:3) Sɔɔlɩm mbʋ pɛwɛnɩ Ɛsɔ yɔɔ yɔ mbʋ seɣtiɣni-wɛ se paha pa-tɩ nɛ pamɩyɩsɩ-wɛ lɩm.

Sɩnɩ ñe-Bibl kpɛlɩkɩyaa nɛ pana se Ɛsɔ sɔɔlɩ-wɛ. Ŋpɩzɩɣ nɛ ŋpɔzɩ-wɛ tɔm ɛzɩ tʋnɛ yɔ: “Ɛbɛ tɔm tʋnɛ tɩkpɛlɩkɩɣ-ŋ Yehowa yɔɔ?” yaa “Ɛzɩma tɔm tʋnɛ tɩwɩlɩɣ se Ɛsɔ sɔɔlɩ-ŋ.” Sɩnɩ pa-taa paa weyi nɛ ɛna ɛzɩma Yehowa sɩɣnɩ-ɩ yɔ. (4Aw 16:9) Ɛzɩma Yehowa kaacosi ña-adɩma naayɛ yɔɔ yɔ, ha pɩ-kɩɖaŋ nɩɩyɩ nɛ ŋseɣti-wɛ se pañakɩ pana nɛ panaɣ ɛzɩma Yehowa cosuu pa-adɩma yɔɔ ɖɔɖɔ yɔ. Alɩwaatʋ ndʋ ŋnaɣ ñe-Bibl kpɛlɩkɩyaa lakasɩ taa se pɔsɔɔlɩ Yehowa nɛ pɔsɔɔlaa se pɛkɛ ɛ-taabalaa yɔ, pɩhaɣ-ŋ taa leleŋ siŋŋ.

CƆNƖ VIDEO SƖNƖ ÑE-BIBL KPƐLƖKƖYAA NƐ TAABALƖYƐ KƖBANÐƐ WƐƐ PA NƐ YEHOWA PƐ-HƐKƲ TAA, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• 

  Kaɖɛ nɖɩ Rose kaakataa?

• 

  Ɛbɛ Neeta laba se ɛsɩnɩ Rose?

• 

  Ɛbɛ sɩnɩ Rose nɛ ɛpɩzɩ nɛ ɛlɩɩ kaɖɛ nɖɩ ɖɩ-taa?