Tukuni ɛyaa laŋa

Pɩwɛɛ se paña Ɛsɔ nɛ laŋɩyɛ pilim. (Adu 3:1) Pʋyɔɔ pɩwɛɛ se ɖɩñaɣ pana nɛ ɖitukuni ɛyaa laŋa alɩwaatʋ ndʋ ɖɩwɩlɩɣ-wɛ tɔm yɔ. Ɛzɩma ɖɩpɩzɩɣ nɛ ɖɩla mbʋ?

Taawɩlɩ ñe-Bibl kpɛlɩkɩyʋ toovenim tɔm yem ɛlɛ sɩnɩ-ɩ nɛ ɛmaɣzɩ e-wezuu caɣʋ nɛ ɛ nɛ Yehowa pa-taabalɩyɛ yɔɔ. Sɩnɩ-ɩ nɛ ɛna ɛzɩma Bibl paɣtʋ lɩzɩɣ Ɛsɔ sɔɔlɩm, ɛ-camɩyɛ lakasɩ nɛ e-siɣsiɣ wɛtʋ nɛ tɩwɩlɩɣ yɔ. Pɔzɩ-ɩ tɔm nɛ nɔɔ kɩbaŋa nɛ ŋsɩnɩ-ɩ nɛ ewili ɛ-taa nɛ ɛna se lɩmaɣza wena ɛwɛnɩ tɔm ndʋ ɛkpɛlɩkɩɣ yɔ tɩ-yɔɔ. Sɩnɩ-ɩ nɛ ɛmaɣzɩ nɛ ɛna wazasɩ nzɩ ɛpɩzɩɣ nɛ ehiɣ ye ɛlɔ lɩmaɣza kɩdɛkɛda yaa lakasɩ kɩdɛkɛdɩsɩ yɔ. Ŋpɩzɩɣ ŋhiɣ taa leleŋ nɛ pɩkɩlɩ ye ŋnawa se ñe-Bibl kpɛlɩkɩyʋ sɔɔlɩ Yehowa nɛ ɛ-laŋɩyɛ pilim yɔ.

CƆNƖ VIDEO ÑAƔ PANA NƐ ŊWƐƐ NIYE KPƐLƖKƖYAA LABƲ TƲMƖYƐ TAA NƐ PƖHA-Ŋ TAA LELEŊ—TUKUNI ƐYAA LAŊA, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• 

  Ɛbɛ yɔɔ Neeta pɔzɩ Rose se: “Ŋpɩzaa nɛ ŋmaɣzɩ mbʋ ɖɩkpɛlɩkɩ Hodo wiye yɔ pɩ-yɔɔ?”

• 

  Ɛzɩma Neeta sɩnɩ Rose nɛ ɛna se Bibl paɣtʋ wɩlɩɣ se Yehowa sɔɔlɩ-ɩ?

• 

  Ɛzɩma Neeta wɩlɩ Rose mbʋ ɛpɩzɩɣ ɛla nɛ ɛwɩlɩ se ɛsɔɔlɩ Ɛsɔ yɔ?