Ɛsɩdrasɩ lakasɩ ha samtʋ Yehowa

Ɛsɩdrasɩ yekaɣ nɛ Ɛsɔ tɔm tukuuni ɛ-laŋɩyɛ nɛ tɩwɛɣnɩ ɖoŋ e-wezuu caɣʋ yɔɔ (Ɛsd 7:10; w00 1/10 14 § 8)

Ɛsɩdrasɩ kaasɩnɩ lalaa nɛ pana se Ɛsɔ lɔŋsɩnɖɛ wayɩ fɛyɩ (Ɛsd 7:25; si 75 § 5)

Ɛsɩdrasɩ kaaluzi ɛ-tɩ Ɛsɔ tɛɛ pʋyɔɔ ɛ-taa kaatɛma se ɛlɛ kaɣ-ɩ ɖiyuu nɛ ɛkandɩyɩ ɛ-yɔɔ ɖɔɖɔ (Ɛsd 8:21-23; it-1 1155 § 8)

Ɛsɩdrasɩ kaawɛnɩ Ɛsɔ lɔŋsɩnɖɛ; pʋyɔɔ lɛ, wiyaʋ kaata-ɩ liu nɛ ɛha-ɩ wala sɔsɔna. Ɛzɩ Ɛsɩdrasɩ yɔ, ɖɩpɩzɩɣ nɛ ɖɩtɩŋnɩ ɖe-wezuu caɣʋ yɔɔ nɛ ɖɩha Yehowa samtʋ.

PƆZƖ ÑA-TƖ SE: «Ɛzɩ mba paasɛɣ Yehowa yɔ, pañaŋɩ-m mbʋ pʋyɔɔ yɔ panawa se mɔnɖɔŋ Yehowa paɣtʋ yɔɔ?»