Alɩwaatʋ ndʋ paɖɩyɛ ɛɛtasɩɣ wɛʋ paa ññɩɩ yɔ!
Paa ɖɩkpɛzɩ paɖɩyɛ lɩmaɣza ɖooo ɖa-laŋɩyɛ taa yɔ, ɖɩɩpɩzɩɣ nɛ ɖɩɖaŋ mba pɔcɔ-ɖʋ nɛ pata yɔ se pataala paɖɩyɛ lakasɩ. Ɛyaa woki pɩ-yɔɔ nɛ papaɖɩɣ lalaa ɖulum. Ye mbʋ, apɩzɩɣ eyele nɛ paɖɩyɛ sɩɩ tɩnaɣ tam?
Yehowa Ɛsɔ ɖeke pɩzɩɣna nɛ eyele nɛ paɖɩyɛ lakasɩ nzɩ ɖɩnaɣ sɔnɔ yɔ sɩtɩŋa sɩsɩɩ tɩnaɣ tam. Nɛ Bibl labɩ tamaɣ se mbʋ ɖeyi ɖeyi ɛkaɣ labʋ.—Aduwa 20:22.
ƐSƆ KAƔ YEBU NƐ MBƲ PAYƖ PƖKƆŊNƖ PAÐƖYƐ YƆ PƖSƖƖ TƖNAƔ
1. SATAŊ ELEEU. Sataŋ, tiyuu weyi ɛkʋyɩ Ɛsɔ yɔɔ yɔ ɛnʋ seɣtiɣni paɖɩyɛ lakasɩ sɔnɔ. Ɛsɔ kaɣ ɖɩzʋʋ Sataŋ nɛ mba payɩ papaɖɩɣ lalaa ɛzɩ ɛnʋ yɔ.—Keɣa 36:38; Roma mba 16:20.
2. SATAŊ ƐJAÐƐ KƖDƐKƐDƖYƐ. Ɛsɔ kaɣ ɖɩzʋʋ ɛjaɖɛ ɖɩnɛ ɖɩ-yɔɔ kɩdɛkɛdaa tɩŋa payɩ, pɩkpɛndɩnɩ politiki laɖaa nɛ Ɛsɔ sɛtʋ ñʋndɩnaa mba peseɣtiɣ paɖɩyɛ lakasɩ yɔ. Ɛkaɣ yebu nɛ ɛsa naɣ naɣ lakasɩ pɩkpɛndɩnɩ mulum lakasɩ nzɩ payɩ palakɩ tadɩyɛ nʋmɔʋ taa yɔ sɩsɩɩ tɩnaɣ ɖɔɖɔ. —2 Pɩyɛɛrɩ 3:13.
3. ƐYAA TƐ MANTƖTALƖ PILIM WƐTƲ. Bibl lɩzɩ pɩ-taa se ɛyaa tɩŋa kɛ mantɩtalɩ pilimwaa. Ðoŋ ɖoŋ lɛ pɛwɛnɩ lɩmaɣza kɩdɛkɛdaa nɛ palakɩ mbʋ pɩfɛyɩ ɖeu yɔ. (Roma mba 5:12) Nɛ mbʋ palakɩ nɛ pɩfɛyɩ ɖeu yɔ pɩ-taa nabʋyʋ lɛ se papaɖɩɣ ɛyaa lalaa. Ɛsɔ kaɣ ɛyaa sɩnʋʋ nɛ pawa mantɩtalɩ pilim lɩmaɣza tɩŋa nɛ piyele nɛ paɖɩyɛ sɩɩ tɩnaɣ tam.—Izaayii 54:13.
BIBL LABƖ TAMAƔ SE PAÐƖYƐ ƐƐTASƖƔ WƐƲ ƐJAÐƐ KƖFAÐƐ TAA
1. PAAKAƔ NƆƆYƲ MULUU. Ɛsɔ Kewiyaɣ kaɣnɩ ɖiyuu tɛtʋ kpeekpe. Kakaɣ wɛʋ ɛsɔdaa nɛ kɔtɔɔ kewiyitu tɛtʋ yɔɔ nɛ kɔkɔnɩ siɣsiɣ wɛtʋ tam tam. (Danɩyɛɛlɩ 2:44) Tɛ yɔɔ tɛ yɔɔ lakasɩ nɛ kɩmɩyɛ kpaʋ ɛɛtasɩɣ wɛʋ. Ɛsɔ kaɣ yebu nɛ mulum lakasɩ nzɩ payɩ ɛyaa katɩɣ sɔnɔ yɔ sɩsɩɩ tɩnaɣ.—Luka 18:7.
2. EVERYONE WILL EXPERIENCE PEACE. PAA WEYI ƐKAƔ WƐƲ LAŊHƐZƖYƐ TAA. Puuyaɣ lakasɩ yaa you ɛɛkaɣ yebu nɛ nɔɔyʋ nɩɩ wɩzasɩ. (Keɣa 45:10) Ɛyaa mba pɔsɔɔlɩ laŋhɛzɩyɛ yɔ pe-ɖeke pakaɣnɩ wɛʋ tɛtʋ yɔɔ. —Keɣa 71:7.
3. PAA WEYI ƐKAƔ WEZUU CAƔƲ TAM WƐTƲ NDƲ TƖTALƖ PILIM YƆ TƖ-TAA. Ɛyaa kpeekpe kaɣ ɖama wɩlʋʋ sɔɔlɩm siŋŋ. (Maatiyee 22:39) Nɔɔyʋ ɛɛkaɣ tasʋʋ tɔzʋʋ lɩmaɣza kɩdɛkɛda yaa tɔm kɩdɛkɛdɩtʋ yɔɔ nɛ piyele nɛ ɛnɩɩ wɩzasɩ. (Izaayii 65:17) Alɩwaatʋ ndʋ paɖɩyɛ sɩɣ tɩnaɣ yɔ, ɛyaa kaɣ wɛʋ “tamtam ɖɩhɛzɩyɛ taa.”—Keɣa 36:11.
Ŋsɔɔlaa se ŋcaɣ wezuu ɛjaɖɛ nɖɩ ɖɩ-taa? Halɩ sɔnɔ sɔnɔ, ɛyaa sakɩyɛ wɛɛ nɛ pɔɖɔŋ Bibl paɣtʋ kila yɔɔ nɛ pɩsɩɣnɩ-wɛ se pɛkpɛlɩkɩ ɛzɩma pɔlɔ paɖɩyɛ lakasɩ yɔ. (Keɣsi 36:8) Mbʋ Yehowa Aseɣɖe Tɩnaa miiliyɔɔwaa mba pɛwɛ ɛjaɖɛ kpeekpe yɔɔ yɔ pɛwɛɛ nɛ palakɩ. Paa palɩnɩ ajɛɛ ndɩ ndɩ nɛ sɔnzɩ ndɩ ndɩ taa yɔ, pɛwɛ nɔɔ kʋɖʋmaɣ taa nɛ pɔsɔɔlɩ ɖama.—Izaayii 2:2-4.
Pɩkaɣ kɛdɩnʋʋ Yehowa Aseɣɖe Tɩnaa se pawɩlɩ-ŋ mbʋ pɛkpɛlɩkaa nɛ pɩsɩɣnɩ-wɛ nɛ pɔɖɔkʋʋ pa-tɩ tɛ yɔɔ tɛ yɔɔ lakasɩ nɛ mulum lakasɩ taa yɔ. Mbʋ ŋkaɣ kpɛlɩkʋʋ yɔ, pɩkaɣ-ŋ sɩnʋʋ nɛ pazɩ pazɩ lɛ ŋyele paɖɩyɛ nɛ ŋwɛɛnɩ sɔɔlɩm. Ŋkaɣ kpɛlɩkʋʋ ɛzɩma ŋla ɛyaa kpeekpe kɩbandʋ, halɩ pɩkpɛndɩnɩ mba pɩwɛ ɛzɩ pɛfɛyɩnɩ ɛsɩmɩyɛ yɔ nɛ mba palakɩ paɖɩyɛ lakasɩ yɔ. Piyeki nɛ ŋhiɣ taa leleŋ lɛɛlɛɛyɔ nɛ pɩkpaɖɩ nɛ ña nɛ lalaa mɩ-taabalɩyɛ kaɣ cɛyɩsʋʋ nɛ pɩkpaɖɩ. Kɔzɩ kɔzɩ lɛ, ŋkaɣ kpɛlɩkʋʋ mbʋ pɩwɛɛ se ŋla nɛ ŋcaɣ wezuu Ɛsɔ Kewiyaɣ tɛɛ alɩwaatʋ ndʋ paɖɩyɛ kaɣ sɩʋ tɩnaɣ tam yɔ.—Keɣa 36:29.