Watchtower tɛ INTƐRNƐƐTƖ YƆƆ TAKAYƖSƖ ƉƖZƖYƐ
Watchtower
INTƐRNƐƐTƖ YƆƆ TAKAYƖSƖ ƉƖZƖYƐ
Kabɩyɛ
ŋ
  • ɛ
  • ɩ
  • ŋ
  • ñ
  • ɔ
  • ʋ
  • ɣ
  • BIBL
  • TAKAYƖSƖ
  • KEDIƔZISI
  • wp22 No. 1 h. 12-13
  • 4 | Yele nɛ Ɛsɔ sɩnɩ-ŋ nɛ ŋwa paɖɩyɛ

Video nakʋyʋ fɛyɩ hɔɔlʋʋ kʋnɛ kɩ-taa.

Hayɩ, pɩcaɣ mabʋ video ɛlɛ nabʋyʋ tɩɖɔ camɩyɛ.

  • 4 | Yele nɛ Ɛsɔ sɩnɩ-ŋ nɛ ŋwa paɖɩyɛ
  • Feŋuu Tilimiye Susuu Yehowa Kewiyaɣ Tɔm (Samaɣ)—2022
  • Tɔm ñʋŋ cikpeŋ
  • Tɩ-yɔɔ tɔm lɛɛtʋ
  • Tɔm ndʋ Bibl wɩlɩɣ yɔ:
  • Pʋ-tɔbʋʋ lɛ se:
  • Mbʋ ŋpɩzɩɣ ŋla yɔ:
  • Ɛbɛ ɖɩpɩzɩɣ ɖɩla nɛ paɖɩyɛ sɩɩ tɩnaɣ?
    Feŋuu Tilimiye Susuu Yehowa Kewiyaɣ Tɔm (Samaɣ)—2022
  • Ðɩpɩzɩɣ nɛ ɖɩwa paɖɩyɛ!
    Feŋuu Tilimiye Susuu Yehowa Kewiyaɣ Tɔm (Samaɣ)—2022
  • Ɛbɛ yɔɔ paɖɩyɛ tɔyɩ siŋŋ mbʋ?
    Feŋuu Tilimiye Susuu Yehowa Kewiyaɣ Tɔm (Samaɣ)—2022
  • Alɩwaatʋ ndʋ paɖɩyɛ ɛɛtasɩɣ wɛʋ paa ññɩɩ yɔ!
    Feŋuu Tilimiye Susuu Yehowa Kewiyaɣ Tɔm (Samaɣ)—2022
Pɩna nɛ pɩkɩlɩ mbʋ
Feŋuu Tilimiye Susuu Yehowa Kewiyaɣ Tɔm (Samaɣ)—2022
wp22 No. 1 h. 12-13
Ɛyaa wɛɛ nɛ pɔɖɔŋ nɛ powoki Bibl ŋgʋ pokuli-kʋ wamm nɛ kɩ-mintʋsʋʋ ñandɩɣ-wɛ yɔ kɩ-cɔlɔ. Pa-kɩlɛmɩŋ wɩlɩɣ paɖɩyɛ lakasɩ nzɩ palakaɣ yɔ.

ƐBƐ ÐƖPƖZƖƔ ÐƖLA NƐ PAÐƖYƐ SƖƖ TƖNAƔ

4 | Yele nɛ Ɛsɔ sɩnɩ-ŋ nɛ ŋwa paɖɩyɛ

Tɔm ndʋ Bibl wɩlɩɣ yɔ:

“Piyele nɛ piye nɖɩ fezuu lʋlʋʋ yɔ, nɖɩ yɔ sɔɔlɩm, taa leleŋ, laŋhɛzɩyɛ, suuɖu, camɩyɛ lakasɩ, kɩbandʋ labʋ, tisuu, hɛɛɛ wɛtʋ, tɩ ɖɔkʋʋ.”​—GALAATII MBA 5:22, 23.

Pʋ-tɔbʋʋ lɛ se:

Ðɩpɩzɩɣ nɛ ɖɩwa paɖɩyɛ ye ɖiyeba nɛ Ɛsɔ sɩnɩ-ɖʋ yɔ. E-fezuu kiɖeɖeu pɩzɩɣ nɛ kiyele nɛ ɖɩwɛɛnɩ wɛtʋ kɩbandʋ ndʋ ɖa-maɣmaɣ ɖɩɩpɩzɩɣ se ɖɩwɛɛnɩ-tʋ ɖa-tɩ yɔɔ yɔ. Pʋyɔɔ lɛ, mbʋ ɛzɩ ɖɩɩñaɣ pana se ɖa-maɣmaɣ ɖɩwa paɖɩyɛ ɖo-ɖoŋ taa lɛ, pɩwɛɣ ɖeu se ɖɩpɔzɩ Ɛsɔ nɛ ɛsɩnɩ-ɖʋ. Ye ɖɩlabɩ mbʋ yɔ, pɩkaɣ-ɖʋ labʋ ɛzɩ pɩɩlabʋ apostoloo Pɔɔlɩ yɔ. Ɛmawa se: “Pɩtɩŋa payɩ pɩ-taa lɛ, mɛwɛnɩ ɖoŋ pɩtɩŋnɩ weyi ɛhaɣ-m ɖoŋ yɔ ɛ-yɔɔ.” (Filiipi mba 4:13) Nɛ ɖɩkaɣ pɩzʋʋ nɛ ɖɩyɔɔdɩ se: “Man-sɩnʋʋ lɩɣnɩ [Yehowa] cɔlɔ.” —Keɣa 120:2.

Mbʋ ŋpɩzɩɣ ŋla yɔ:

“Yehowa yeba nɛ ma weyi maakɛ puuyaɣ tʋ yɔ, manpɩsɩ laŋhɛzɩyɛ tʋ.”—WALDO

Tɩmnɩ Yehowa, nɛ ŋpɔzɩ-ɩ nɛ ña-laŋɩyɛ pilim se ɛha-ŋ e-fezuu kiɖeɖeu. (Luka 11:13) Pɔzɩ-ɩ se ɛsɩnɩ-ŋ nɛ ŋwɛɛnɩ wɛtʋ kɩbandʋ ñe-wezuu caɣʋ taa. Bibl yɔɔdʋʋ wɛtʋ kɩbandʋ ndʋ tɩkaɖɩɣnɩ paɖɩyɛ lakasɩ yɔ tɩ-tɔm; tɩ-taa natʋyʋ lɛ sɔɔlɩm, laŋhɛzɩyɛ, suuɖu nɛ tɩ ɖɔkʋʋ. Kpɛlɩkɩ nɛ ŋtɩlɩ wɛtʋ ndʋ tɩ-yɔɔ tɔm. Ñɩnɩ nʋmɔŋ weyi ɩ-yɔɔ ŋpɩzɩɣ ŋtɩŋna nɛ ŋwɛɛnɩ wɛtʋ kɩbandʋ ndʋ ñe-wezuu caɣʋ taa yɔ. Ðʋ taabalɩyɛ nɛ ɛyaa mba pañakɩ pana se pɛwɛɛnɩ wɛtʋ kɩbandʋ ndʋ yɔ. Ɛyaa mba, papɩzɩɣ pasɩnɩ-ŋ nɛ peseɣti-ŋ nɛ ‘ŋwɛɛnɩ sɔɔlɩm nɛ ŋla tʋma kɩbana.’—Ebree mba 10:24.

Mbʋ pɩlabɩ e-wezuu caɣʋ taa toovenim taa yɔ​—WALDO

Ɛwabɩ paɖɩyɛ nɖɩ ɖɩ-taa nɛ puuyaɣ lakasɩ yɔ

Waldo.

Wezuu caɣʋ kaawɛ Waldo kaɖɛ siŋŋ kpaɣnɩ ɛ-pɩjatʋ taa nɛ halɩ ɛkɔɔ ɛpaɣlɩ, piyeba nɛ ɛwɛɛnɩ paɖɩyɛ lakasɩ. Ɛkɛdaa se: “Ðoŋ ɖoŋ lɛ, mansʋwaɣ tabakʋʋyaɣ pɛdɩyaa ɛgbɛyɛ naɖɩyɛ taa nɛ ma nɛ wɛ ɖɩlakɩ puuyaɣ lakasɩ habɩyɛ yɔɔ . . . Kɩyakʋ nakʋyʋ lɛ, ɛtɛlɛmwaa mba paka- ɖaɣnɩ-ɖʋ yɔ pa-taa lɛlʋ hɛyɩ liidiye abalʋ nɔɔyʋ se ɛkʋ-m, ɛɛwɛ niye kpem ɛyaa kʋʋ taa; elomi-m sɩɣa tam kʋɖʋm lɛ, mañaɣ pana nɛ mense.”

Waldo taa taawɛɛ leleŋ alɩwaatʋ ndʋ ɛ-halʋ nɛ Yehowa Aseɣɖe Tɩnaa papaɣzɩ Bibl kpɛlɩkʋʋ yɔ. Ɛyɔɔdaa se: “Manpaɖaɣ Aseɣɖe Tɩnaa, nɛ moholi pɔ-yɔɔ tam sakɩyɛ nɛ mantʋʋ-wɛ. Ɛlɛ paa ɛzɩmtaa lɛ, pocosaɣ-m nɛ nɔɔ kɩbaŋa.”

Alɩwaatʋ natʋyʋ wayɩ lɛ, Waldo ɖɔɖɔ paɣzɩ Bibl kpɛlɩkʋʋ. Ɛyɔɔdaa se: “Pɩtaawɛɛ kɛlɛʋ se mankpaɣ ndʋ mɛnkpɛlɩkaɣ yɔ nɛ malabɩnɩ tʋmɩyɛ. Mamaɣzaɣ se maakaɣ pɩzʋʋ kpa nɛ meyele pana kɔʋ kadadayaɣ nɛ puuyaɣ lakasɩ nzɩ malakaɣ yɔ.” Ɛlɛ ɛkpɛlɩkɩ tɔm natʋyʋ Bibl taa nɛ tɩsɩnɩ-ɩ nɛ ɛlɛɣzɩ kpem.

Waldo yɔɔdaa se: “Kɩyakʋ nakʋyʋ Alejandro weyi ɛkpɛlɩkaɣnɩ-m Bibl yɔ, eheyi-m se mankalɩ Galaatii mba 5:22, 23. . . . Alejandro lɩzɩ pɩ-taa se maakaɣ pɩzʋʋ nɛ mɛwɛɛnɩ wɛtʋ kɩbandʋ ndʋ ma-maɣmaɣ mon-ɖoŋ taa, ɛlɛ Ɛsɔ fezuu kiɖeɖeu pɩzɩɣna kɩsɩnɩ-m nɛ mɛwɛɛnɩ-tʋ. Toovenim tɔm ndʋ tiyeba nɛ mɛlɛɣzɩ lɩmaɣza wena maawɛna yɔ!”

Waldo yeba nɛ Ɛsɔ sɩnɩ-ɩ lɛ, ɛpɩzaa nɛ eyele paɖʋʋ lalaa. Ɛyɔɔdaa se: “Pɩɩwɛ kaɖɛ mɔ-hɔʋ taa mba nɛ man-taabalaa kɩbɩma se petisi se malabɩnɩ lɛɣzɩtʋ kpem mbʋ yɔ.” Ɛtasɩ yɔɔdʋʋ: “Yehowa yeba nɛ ma weyi maakɛ puuyaɣ tʋ yɔ, manpɩsɩ laŋhɛzɩyɛ tʋ.”

Kalɩ Waldo wezuu caɣʋ yɔɔ tɔm lɛɛtʋ 1er octobre 2013 tɛ Feŋuu Tilimiye (Fransɩɩ taa) hɔɔlʋʋ 12-13.

    Kabɩyɛ Takayɩsɩ (1982-2025)
    Lɩɩ
    Sʋʋ pɩ-taa
    • Kabɩyɛ
    • Tayɩ
    • Ɛzɩma ŋsɔɔlaa se pɩla yɔ
    • Copyright © 2025 Watch Tower Bible and Tract Society of Pennsylvania
    • Ɛzɩma pɩwɛɛ se pala tʋmɩyɛ yɔ
    • Tɔm kɩmɛsɩtʋ yɔɔ paɣtʋ
    • Paramètres de confidentialité
    • JW.ORG
    • Sʋʋ pɩ-taa
    Tayɩ