Kpɛlɩkʋʋ Yɔɔ Lɔŋ Tasʋʋ
Tɩlɩ mbʋ pɩwɛɛ se ŋcalɩnɩ kpɛlɩkʋʋ yɔ
Ða-tɩŋa alɩwaatʋ ndʋ ɖɩkpakɩɣ nɛ ɖɩkpɛlɩkɩɣnɩ ɖa-tɩ yɔɔ yɔ tɩtɩɖɔɔ. Ɛzɩma ɖɩpɩzɩɣ nɛ ɖɩlabɩnɩ alɩwaatʋ ndʋ tʋmɩyɛ camɩyɛ? Kajalaɣ lɛ, mbʋ ŋkalɩɣ yɔ, kpaɣ alɩwaatʋ sakɩyɛ pɩ-yɔɔ. Ye ŋkpaɣ alɩwaatʋ nɛ ŋkpɛlɩkɩ nabʋyʋ pazɩ yem camɩyɛ yɔ, pɩwɛɣ ɖeu nɛ pɩkɩlɩ se ŋkalɩ tɔm sakɩyɛ lɛɛ lɛɛ.
Pʋwayɩ lɛ, tɩlɩ mbʋ pɩwɛɛ se ŋcalɩnɩ kpɛlɩkʋʋ yɔ pɩ-taa nabʋyʋ. (Efɛz. 5:15, 16) Lɔŋ tasʋʋ nabʋyʋ yɔ:
Kalɩɣ Bibl paa evemiye nɖɩ. (Keɣ. 1:2) Ŋpɩzɩɣ nɛ ŋpaɣzɩnɩ Bibl hɔɔlʋʋ ŋgʋ pahaɣ paa kpɩtaʋ hɛkʋ taa kediɣzaɣ ŋga lɛ ka-taa se ɖɩkalɩ yɔ.
Ñɔɔzʋʋ Feŋuu Tilimiye kpɛlɩkʋʋ nɛ kpɩtaʋ hɛkʋ taa kediɣzaɣ. Ñɔɔzɩ ña-tɩ camɩyɛ nɛ pɩsa nɛ ŋcosi tɔm.—Keɣ. 22:22.
Ñaɣ pana ɖɔɖɔ nɛ ŋkalɩɣ nɛ ŋcɔŋnɩ wondu lɛɛtʋ ndʋ ɛgbɛyɛ lɩzɩɣ yɔ, tɩ-taa natʋyʋ yɔ: Feŋuu Tilimiye samaɣ ñɩnɖɛ nɛ Réveillez-vous! takayɩsɩ, videowaa nɛ wondu lɛɛtʋ ndʋ paɖʋʋ jw.org yɔɔ yɔ.
Kpɛlɩkɩɣ tɔm ndʋ tɩkɛdɩɣnɩ-ŋ yɔ. Ŋpɩzɩɣ nɛ ŋñɩnɩ tɔm pɩlɩɩnɩ kaɖɛ nɖɩ ŋwɛɛ nɛ ŋkatɩɣ yɔ ɖɩ-yɔɔ, tɔm ndʋ ŋwɛɛ nɛ ŋpɔzʋʋ ña-tɩ yɔ tɩ-yɔɔ, yaa Bibl taa tɔm ndʋ tɩ-taa ŋsɔɔlaa se ŋnɩɩ camɩyɛ nɛ pɩkɩlɩ yɔ tɩ-yɔɔ. Pɩsa nɛ ŋna lɩmaɣza naayɛ lɛ, wolo jw.org yɔɔ hɔɔlʋʋ «Explore la Bible!» taa.