Tɔm ñɩnʋʋ yɔɔ lɔŋ tasʋʋ

Tɔm wɩlʋʋ wondu ndʋ tɩsɩɣnɩ piya yɔ

Lʋlɩyaa tʋmɩyɛ lɛ se pawɩlɩ pe-piya Yehowa tɔm, nɛ pɩkɛ tʋmɩyɛ sɔsɔyɛ. (Efɛz. 6:4) Yehowa ɛgbɛyɛ lɩzɩ tɔm ñʋŋ ndɩ ndɩ, videowaa nɛ hendu sakɩyɛ se pɩsɩnɩ lʋlɩyaa. Ɛzɩma ŋpɩzɩɣ nɛ ŋlabɩnɩ tʋmɩyɛ wondu ndʋ nɛ ŋfalɩsɩnɩ ñe-piya?

• Wolo jw.org yɔɔ. JW.ORG yɔɔ, ŋpɩzɩɣ nɛ ŋna wondu ndʋ payɩ palɩzaa se pɩsɩnɩ piya evelisi yɔ, ɛzɩ videowaa nɛ takayɩsɩ nzɩ sɩ-yɔɔ sɩpɩzɩɣ nɛ sɩma tɔm yaa sɩlɩzɩ anjaʋwaa yɔ.a Pɩsa nɛ ŋna wondu ndʋ lɛ, ma «Piya» yaa «Piya evelisi» tɔm ñɩnʋʋ aɖakaɣ taa.

• Lɩzɩ mbʋ pɩpɩzɩɣ nɛ pɩsɩnɩ ña-pɩɣa yɔ. Lɩzɩ wondu ndʋ tɩlɩɣ «Piya» tɛɛ yɔ tɩ-taa takayɩsɩ nzɩ sɩ-yɔɔ pamaɣ tɔm yaa palɩzɩɣ anjaʋwaa yɔ, videowaa nɛ hendu ndʋ tɩpɩzɩɣ nɛ tɩwazɩ ña-pɩɣa yɔ.

• Ña nɛ ñe-piya ɩla kɛdaɣ wondu ndʋ tɩ-yɔɔ. Taaɖʋ video se ña-pɩɣa ɛcɔna nɛ keyebi-ŋ cɛyʋʋ yaa taacɛlɩ-kɛ takayaɣ se kalabɩnɩ tʋmɩyɛ nɛ keyebi-ŋ cɛyʋʋ. Ɛlɛ ña nɛ ña-pɩɣa ɩla kɛdaɣ wondu ndʋ tɩ-yɔɔ nɛ ŋsɩnɩ-kɛ nɛ ka nɛ Yehowa pa-taabalɩyɛ cɛyɩsɩ.