Anɩ ŋkaɣ lɩzʋʋ se ɛkɛ ña-ñʋʋdʋ?—Suwe Bibl yɔɔdʋʋ?

Kpɩtaŋ weyi ɩkɔŋ yɔ ɩ-taa, ɛyaa kaɣ ɖʋzʋʋ takayɩsɩ ajɛɛ ndɩ ndɩ taa kedeŋa kpeekpe yɔɔ. Pakaɣ kpaɣʋ lɩmaɣza sɔsɔna pɩlɩɩnɩ mba pɩwɛɛ se palɩzɩ nɛ peɖiyi-wɛ yɔ pɩ-yɔɔ.

Suwe Bibl yɔɔdʋʋ?

Ɛyaa mba pɛkɛ ñʋndɩnaa yɔ po-ɖoŋ wɛnɩ kamaɣ

Bibl wɩlɩɣ se ɛyaa mba pɛkɛ ñʋndɩnaa yɔ pa-tɩŋa po-ɖoŋ wɛnɩ kamaɣ.

• «Taaɖʋ ñe-lidaʋ awumbiya yɔɔ yaa ɛyʋ pɩyalʋ yɔɔ, ɛnʋ weyi ɛɛpɩzɩɣ nɛ ɛya nɔɔyʋ ñʋʋ yɔ. E-fezuu lɩɣ, nɛ ɛɖaɣnɩ pɩsʋʋ tɛtʋ; puwiye maɣmaɣ ɛ-lɩmaɣza ɖʋʋ lɩm.»—Keɣa 146:3, 4, pɩ-tɛɛ tɔm.

Halɩ paa ñʋʋdʋ nɔɔyʋ ɛwɛnɩ lɛɣtʋ nɛ ɖoŋ siŋŋ yɔ, ɛkaɣ sɩbʋ. Nɛ ɛɛpɩzɩɣ nɛ ɛla nabʋyʋ se pɩsa nɛ weyi ɛlɛɣzɩɣ e-lone taa yɔ ɛlabɩnɩ tʋmɩyɛ ɖʋtʋ kɩbandʋ ndʋ ɛɛlaba yɔ.—Eklezɩyasɩtɩ 2:18, 19.

Toovenim taa lɛ, Bibl wɩlɩɣ se patɩlɩzɩ ɛyaa se peɖiyi pa-tɩ.

• «Ɛyʋ weyi eɖiɣni ɖɔm yɔ, pɩtɩkɛ ɛ-maɣmaɣ pɩwɛɛ se eɖiyi ɛ-nɩŋgbanzɩ.»—Yereemii 10:23.

Nɔɔyʋ wɛɛ se ɛpɩzɩɣ nɛ ɛkɛ ñʋʋdʋ kɩbanʋ ɖa-alɩwaatʋ tʋnɛ tɩ-taa?

Ñʋʋdʋ weyi Ɛsɔ lɩzaa yɔ

Bibl wɩlɩɣ se Ɛsɔ lɩzɩ ñʋʋdʋ weyi yɔ, ɛwɛ lɛɣtʋ, ɛmʋna nɛ ɖɩpɩzɩɣ ɖɩtaa-ɩ liu. Ɛnʋ lɛ Yesu Krɩstʋ. (Keɣa 2:6) Yesu kɛnɩ Ɛsɔ Kewiyaɣ Wiyaʋ pʋ-tɔbʋʋ se komina ŋgʋ kɩwɛ ɛsɔdaa yɔ.—Maatiyee 6:10.

Ŋtisiɣ se Yesu ɛkɛ ña-ñʋʋdʋ na? Bibl wɩlɩɣ mbʋ pʋyɔɔ pɩcɛyaa se ŋtisi nɛ eɖiyi-ŋ yɔ.

• «Ɩɖʋ pɩyalʋ hɩɖɛ, pɩtɩkɛ mbʋ yɔ, Ɛsɔ taa kaɣ wɩʋ nɛ ɛkaɣ-mɩ ɖɩzʋʋ nɛ ɩɩtasɩɣ wɛʋ nʋmɔʋ taa, mbʋ pʋyɔɔ yɔ Ɛ-pana ɛɛlaɣzɩɣ kpaʋ. Koboyaɣ tɩnaa lɛ mba payɩ paɖʋʋ-ɩ kʋyʋʋ yɔ.»—Keɣa 2:12.

Lɛɛlɛɛyɔ pɩwɛɛ se ŋsɛtɩ ña-tɩ tɔm. Bibl taa natʋ tɔm wɩlɩɣ se Yesu paɣzɩ tɔɔʋ kewiyitu pɩnaɣ 1914 nɛ pɩkazɩ pazɩ lɛ, Ɛsɔ Kewiyaɣ lɛɣzɩɣ ɛyaa kominawaa tɩŋa lone taa.—Danɩyɛɛlɩ 2:44.

Ye ŋsɔɔlaa se ŋtɩlɩ ɛzɩma ŋpɩzɩɣ nɛ ŋɖʋ nesi Yesu kewiyitu tɔɔʋ nɛ pɩkɩlɩ yɔ, kalɩ tɔm ñʋʋ «Lɩzɩ se ŋɖʋʋ nesi Ɛsɔ Kewiyaɣ lɛɛlɛɛyɔ!»