SUWE BIBL YƆƆDƲƲ?

Ɛzɩ Ɛsɔ welisiɣ adɩma tɩŋa na?

ŊMAƔZƖƔ SE . . .

• Ɛsɔ welisiɣ ɛyaa tɩŋa adɩma

• Ɛsɔ welisiɣ nabɛyɛ adɩma ɖeke

• Ɛsɔ eewelisiɣ nɔɔyʋ adɩma

NDƲ BIBL YƆƆDƲƲ YƆ

Yehowa wɛ “mba payaɣ-ɩ yɔ pɔ-cɔlɔ kpam, mba payaɣ-ɩ tʋtʋyɛ taa yɔ.”​—Keɣa 144:18.

TƆM NDƲ ÐƆÐƆ BIBL WƖLƖƔ-ÐƲ?

• Ɛsɔ eewelisiɣ mba pakaɖɩɣnɩ-ɩ yɔ, pa-adɩma. (Izaayii 1:15) Ɛlɛ, papɩzɩɣ nɛ pɛlɛɣzɩ pa-lakasɩ nɛ pa nɛ Ɛsɔ pɛ-hɛkʋ taa ñɔɔzɩ.​—Izaayii 1:18.

• Pʋcɔ nɛ Ɛsɔ welisi ɖa-adɩma lɛ, pɩpɔzʋʋ se ala nɔɔ kʋɖʋmaɣ nɛ ɛ-paɣtʋ ndʋ tɩwɛ Bibl taa yɔ.​—1 Yohanɛɛsɩ 5:14.

Pɩpɔzʋʋ se ɖɩwɛɛ wɛtʋ natʋyʋ taa pʋcɔ nɛ ɖɩtɩmnɩ Yehowa?

NABƐYƐ MAƔZƖƔ se pɩpɔzʋʋ se paa ɛzɩmtaa lɛ, poluŋ pa-nʋmbɔla yɔɔ yaa poluzi pa-ñʋʋ yaa pɛkpɛndɩ pe-nesi pʋcɔ nɛ patɩmnɩ Ɛsɔ. Suwe ñamaɣzɩɣ?

NDƲ BIBL YƆƆDƲƲ YƆ

Paa ɛyʋ ‘ɛcaɣaa,’ ‘ɛkʋyaa’ yaa ‘eluŋaa’ yɔ, Ɛsɔ welisiɣ ɛ-adɩma. (3 Awiya 17:16; 4 Awiya 30:27; Ɛsdrasɩ 10:1; Tʋma Labʋ 9:40) Ɛɛpɔzʋʋ-ɖʋ se ɖɩwɛɛ wɛtʋ natʋyʋ taa fayɩɩɩ pʋcɔ nɛ ewelisi ɖa-adɩma.

TƆM NDƲ ÐƆÐƆ BIBL WƖLƖƔ-ÐƲ?

• Ɛsɔ welisiɣ mba poluzuu pa-tɩ yɔ, pa-adɩma. ​—Keɣa 137:6.

• Ŋpɩzɩɣ nɛ ŋtɩmɩ paa kʋnʋŋ ŋgʋ kɩ-taa yaa ñe-liu tɛɛ.​—4 Awiya 6:32, 33; Nehemiya 2:1-6.