Ɛyaa mba pɔsɔɔlaa se pɔ-tɔm ɛkɛdɩnɩ Yehowa yɔ, pakpakɩɣ lɩmaɣza kɩbana

Kalɩ Kiɖe Tɛɛ Tɔm 25:​29-34 nɛ ŋna se lɩmaɣza wena Ezaawuu nɛ Yakɔɔb pakpaɣaa yɔ, akɛ kɩbana yaa kɩdɛkɛda.

Ñɩnɩ nɛ ŋtɩlɩ tɔm ndʋ tɩcɔ kɛdaɣ ŋga nɛ tɩta yɔ tɩ-yɔɔ tɔm nɛ pɩkɩlɩ. Ɛbɛ laba pʋcɔ nɛ pɩtalɩ kɛdaɣ ŋga? (Kiɖe 25:​20-28) Ɛbɛ labɩ pʋwayɩ?—Kiɖe 27:​1-46.

Ñɩnɩ kɛdaɣ ŋga kɔ-yɔɔ tɔm tete. Alɩwaatʋ ndʋ tɩ-taa, wala nɛ sʋʋtʋ ndʋ kajalaɣ pɩɣa kaawɛna?—Kiɖe 18:​18, 19; w10-F 1/5 13.

• Ɛzɩ pɩɩcɛyaa se ɛyʋ ɛkɛ kajalaɣ pɩɣa pʋcɔ nɛ ɛpɩsɩ Mesiya cɔzɔ? (w17.12 14-15)

Ñɩnɩ nɛ ŋna lɔŋ weyi kɛdaɣ ŋga kɛkpɛlɩkɩɣ-ŋ yɔ nɛ ŋɖɔ ɩ-yɔɔ. Ɛbɛ yɔɔ kajalaɣ pɩɣa kɛʋ waɖɛ tɔm kaacɛyɩ Yakɔɔb ɛsɩndaa nɛ pɩkpaɖɩ ɛzɩma ɖɩ-tɔm kaacɛyɩ Ezaawuu ɛsɩndaa yɔ? (Ebr. 12:​16, 17; w03-F 15/10 28-29) Suwe Yehowa maɣzaɣ Ezaawuu nɛ Yakɔɔb pɔ-yɔɔ, nɛ ɛbɛ yɔɔ? (Mal. 1:​2, 3) Ɛbɛ Ezaawuu pɩzaɣ se ɛla nɛ ɛkpaɣ lɩmaɣza kɩbana?

• Pɔzɩ ña-tɩ se: ‘Maalakɩ kpɩtaʋ taa ɖʋtʋ lɛ, mɛnkpɛndɩɣnɩ fezuu taa ɖʋtʋ ɛzɩ hɔʋ taa Ɛsɔ sɛtʋ ɖʋtʋ mbʋ yɔ nɛ pɩwɩlɩ se Yehowa sɛtʋ mʋ ñɩm siŋŋ mɛ-ɛsɩndaa?’