THUTO 46

Ini wa ka Fanila ku Zwipa ne ku Dubikiwa?

Ya ka Tshambisiwa

Ku zwipa mu na Jehova ko dwa ku nthembesa ne ntembezelo kuti u nowo namata iye koga ne ku thama kuti ibe iye u no zha takhwa mu buchilo gugo. (Pisalema 40:8) Shule kwe ku zwipa, u no dubikiwa. Ha u thama u jalo, u nowo be u lakidza kuti wa zwipa mu Ndzimu. Ku zwipa kwedu mu na Jehova i chithu chi no tolegwa pezhugwi kwazo ku pindisa zose zwa ti nga shalula. Ini chi nga thama kuti u shalule ichechi chi nowo shandula buchilo gugo?

1. Ini chi no thama kuti nthu a zwipe mu Ndzimu?

Ludo go thama kuti ti zwipe mu na Jehova. (1 Johani 4:10, 19) Baibili i no ti kumbuludza iti: “Ida She Ndzimu uwo nge moyo uwo wose nenge meya iyo yose nenge nkumbulo uwo wose nenge masimba awo wose.” (Mako 12:30) To lakidza kuti to da Ndzimu isini koga ne cha ti no leba, ngono ne mishingo yedu. Koga se nlume ne nkadzi ba no dana be lobolana, ludo gwedu mu na Jehova go thama kuti ti zwipe mu nli ne ku dubikiwa.

2. Jehova u no batsha Bafakazi babe ba ka dubikiwa chini?

Ha u dubikiwa u nowo be nngwe we be nsha wa Jehova wa ka shatha. Jehova u nowo ku lakidza ludo ne zila dzinjinji kakale u nowo be pejo naye ku pindisa ngwenu. (Bala Malaki 3:16-18.) Pezhugwi kwe kuti Jehova a be Tate babo, nowo be mu nsha we bazwalani ne dziazwadzi mu shango yose ba no da Ndzimu kakale be ku da. (Bala Mako 10:29, 30.) Ngono, ku na zwithu zwa wa ka fanila ku thama u sathu u ka dubikiwa. Wa ka fanila ku zwidiya ne kwa Jehova, ku nda, ne ku be ne dumilo mu Nkololo uwe. Ku bupelo, wa ka fanila ku pa Jehova buchilo gugo. Ha u thama zwithu izwezwi u be u dubikiwa, u nowo be uli mu zila i no yesa ku kushathila buchilo cha chose. Dama le Ndzimu likati: “Kudubikiwa [ko] mutjidza ngwenu.”—1 Pita 3:21.

ZWIDIYE KWA KA NGINILILA

Bona kuti ini wa ka fanila ku tolela pezhugwi ku zwipa mu na Jehova ne ku dubikiwa.

3. Tose ta ka fanila ku shalula kuti to shingila yani

Ku Iziraela wa ntolo, bathu bangwe ba ka be be kumbula kuti ba nga namata Jehova ne ndzingwana u noyi Bhaale. Ngono Jehova wa ka tumilila mporofiti Elija ku baakanya nkumbulo iwoyo u sa ka lulwama. Bala 1 Boshe 18:21, mu be mu lebesana ne kwe buzo i no tobela:

Baiziraela ba ka be ba ka fanila ku shalula ku thamani?

Se Baiziraela, naswibo ta ka fanila ku shalula kuti towo shingila yani. Bala Luka 16:13, mu be mu lebesana ne kwe buzo dzi no tobela:

Ini ku si ngake ku ka khoneka ku namata Jehova ne nngwe, kene chingwe chi poga?
Ti nga lakidza Jehova chini kuti ta shalula ku nnamata?

4. Kumbulila mu kati kwazo ne se kwa Jehova a no ku da

Zwitshwantsho: Nlume e kumbula cha a no piwa na Jehova. 1. Ludo, gu no lakidziwa ne mme mu ngwana wabo. 2. Zojiwa zwi no zipa, zwa ka lakidziwa ne michelo ne milibo ya ka siyasiyana. 3. Baibili. 4. Chibayilo cha Jesu che ku tengunula.

Jehova wa ka ti pa zwipo zwi no shathisa zwinjinji. Ini cha ti nga mpa? Zana VIDIYO.

VIDIYO: Ku Dusila Ndzimu Zwipo Zwizo (3:04)

Jehova wa ka lakidza kuti u no ku da ne zila dzipi? Bala Pisalema 104:14, 15 na 1 Johani 4:9, 10, mu be mu lebesana ne kwe buzo dzi no tobela:

I zwipo zwipi zwi no dwa ku na Jehova zwa u no bokela kwazo?
Zwipo izwezwi zo thama kuti u zwiwe chini ne kukwe?

Ha ti amuchila chipo cha ti no da kwazo, to shaka ku lakidza wa ka ti pa icho kuti to boka. Bala Ditironomi 16:17, mu be mu lebesana ne kwe buzo i no tobela:

Ku lingisisa zose zwa wa ka thamigwa na Jehova ko ku batsha kuti u thameni?

5. Ha u zwipa mu na Jehova, u nowo ku batsha ne zila dzinjinji

Bathu banjinji ba no dumila kuti ku zibgwa, ku be ne nshingo wa ka tini, kene ku be ne mari kowo thama kuti ba shathe. A ichecho malebeswa? Zana VIDIYO, mu be mu lebesana ne kwe buzo dzi no tobela.

VIDIYO: Bola ya ka be Ili Iyo Zila Yangu ye Buchilo (5:45)

Zwitshwantsho: Zwi no dwa mu vidiyo ‘Bola ya ka be ili iyo libaka gwangu gwe ku chila.’ 1. Andrey u no tangisa ku zwidiya Baibili. 2. Andrey e rera ne ngwana uwe.

Nenguba nlume u mu vidiyo a ka be e da ku zana bola, ini a ka i lecha?
Wa ka shalula ku zwipa isini mu bola ngono mu na Jehova. A no kumbula kuti wa ka shalula zwibuyanana? Ini u jalo?

Ha mposotolo Paulo a sathu a ka be Nkirisiti, wa ka be e thama nshingo we mamo a pezhugwi. Wa ka zwidiya nlayo we Chijuta, ku dwa mu nlume u no zibgwa kwazo. Ngono wa ka lechedza nshingo iwoyo kuti a be Nkirisiti. A Paulo wa ka zwisola? Bala Bafilipi 3:8, mu be mu lebesana ne kwe buzo dzi no tobela:

Ini Paulo a ka leba eti cha a ka be e thama a sathu a ka be Nkirisiti ya ka be ili “ndashikilo,” kene shambga?
Wa ka pelela e amuchilani mu bumo gwa ichecho?
A ku shingila Jehova ku nga fanana ne zila ingwe ipoga ye buchilo?

Zwitshwantsho: 1. Saulo wa ka pelela e dangwa Paulo, Nfarasayi u no zwibona a ka lulwama. 2. Paulo mpositolo u no thembeka u no kwalila Bakirisiti naye likwalo. — Ha Paulo e tangisa ku be Nkirisiti, wa ka be ne kunjinji ku pindisa kwa a ka lecha

BATHU BANGWE BA KATI: “A ku to hwikala ku pa buchilo gugo mu Ndzimu.”

Ini u kumbula kuti ko hwikala ku zwipa mu na Jehova??

CHA WA ZWIDIYA

Ludo go thama kuti ti zwipe mu na Jehova ne ku dubikiwa.

U Nga Tini?

Ini Jehova e fanigwa ne ku diwa ne ku namatiwa ne mimoyo yedu yose?
Jehova u no ruela chini Bafakazi babe ba ka dubikiwa?
A u nga da ku zwipa mu na Jehova?

Thuto ya pela ne:

Zwimisile

Kuti ha u baakanyila thuto i no tobela, u zwibuzwe kuti ini chi no ku dzibila ku zwipa mu Ndzimu.

Ne:

Your other goal

SHAKISISA

Bona kuti ini nkadzi u no mba ne nlume u no zana bola, ba ka shalula ku pa Jehova machilo abo.

Batshwa ba no Buzwa—Ndowo Thamani ne Buchilo Gwangu?—Ku Lingilila Shule (6:54)

Bona mabaka a ka paphidzika e ku zwipa mu Ndzimu.

“Ini wa ka Fanila ku Zwipa mu na Jehova?” (Thungamakole, January 15, 2010)

Mu vidiyo ye nlidzo i no tobela, bona kuti ibabo ba no zwipa mu na Jehova ba no shatha chini.

Ndo mu Pa Buchilo Gwangu (4:30)

Mu mbiko i noti “Nda Gala Ndi Zwibuzwa Kuti, ‘Ini ti Chila?’” bona kuti ini cha ka batsha nkadzi nngwe ku lingisisa cha a no tolela pezhugwi.

“Baibili i no Shandula Machilo” (Thungamakole, November 1, 2012)