Shingani ne Ntungamili Wedu Jesu

1. Ku da kwa Jehova ini ngwenu?

MODIMO o batla gore dikgang tse di molemo tsa Bogosi di rerwe mo lefatsheng lotlhe gompieno. (Mar. 13:10; 1 Tim. 2:3, 4) Tiro eno ya go rera ke ya gagwe, e bile e botlhokwa thata jaana mo a tlhophileng Morwawe yo o rategang gore e nne ene a e kaelang. E re ka tiro eno e kaelwa ke Jesu, ga re belaele gore e tla wediwa pele bokhutlo bo tla fela jaaka Jehofa a batla.—Math. 24:14.

2. Towo zwidiyani mu chidiyo ichechi?

² Mo setlhogong seno, re tla bona kafa Jesu a dirisang “motlhanka [wa gagwe] yo o boikanyego le yo o botlhale” ka gone go naya balatedi ba gagwe kaelo e e tswang mo Lefokong la Modimo, le go ba rulaganya gore ba nne le seabe mo tirong e kgolo ya go rera. (Math. 24:45) Gape re tla bona se mongwe le mongwe wa rona a ka se dirang go ema Jesu le motlhanka yo o boikanyego nôkeng.

JESU U NO TUNGAMILA NSHINGO WE KU RERA

3. Jesu wa ka piwa ndawulo ipi?

³ Jesu o kaela tiro ya go rera. Goreng re ka tlhatswega pelo ka seo? Nakwana pele Jesu a tlhatlogela kwa legodimong, o ne a kopana le bangwe ba balatedi ba gagwe ba ba ikanyegang kwa thabeng ya Galalea. O ne a ba raya a re: “Ke neilwe taolo yotlhe kwa legodimong le mo lefatsheng.” Ela tlhoko se a neng a ba bolelela sone morago ga moo. O ne a re: “Ka jalo, yang kwa bathong ba ditšhaba tsotlhe.” (Math. 28:18, 19) Seno se raya gore Jesu o neilwe boikarabelo jwa go kaela tiro ya go rera.

4. Ini chi no thama kuti ti dume kuti Jesu u cha ka tungamila nshingo we ku rera?

⁴ Jesu o ne a re tiro ya go rera le ya go dira barutwa e ne e tla dirwa mo ‘ditšhabeng tsotlhe’ le gore o ne a tla nna le balatedi ba gagwe “malatsi otlhe go fitlha kwa bokhutlong jwa lefatshe leno.” (Math. 28:20) Mafoko ao a bontsha gore Jesu o ne a tla kaela tiro ya go rera go tla go fitlha gompieno.

5. Ti na gobe lipi mu ku shingikadziwa kwa Pisalema 110:3?

⁵ Jesu o ne a sa tshwenyege ka gore badiri ba ne ba tla tlhaela ka nako ya bokhutlo. O ne a itse gore mafoko ano a boporofeti a mopesalema a neng a a bua a ne a tla diragadiwa: “Batho ba gago ba tla ithaopa ka go rata mo letsatsing la mophato wa gago wa sesole.” (Pes. 110:3) Fa e le gore o rera dikgang tse di molemo, o a bo o ema Jesu le motlhanka yo o boikanyego nôkeng e bile o thusa gore boporofeti jono bo diragadiwe. Boammaaruri ke gore tiro eno ya go rera e a dirwa, mme gone go na le dikgwetlho.

6. Ba no rera ne kwe Bushe gwe Ndzimu ba no lingisana ne mathatha api ngwenu?

⁶ Kgwetlho nngwe e batho ba ba rerang ka Bogosi ba nnang le yone ke gore ba a ganediwa. Batlhanogi, baeteledipele ba bodumedi le boradipolotiki ba boleletse batho ba le bantsi maaka ka tiro ya rona. Fa e le gore ba masika, batho ba bangwe ba re ba itseng le ba re berekang le bone ba dumela tshedimosetso eo ya maaka, ba ka nna ba re pateletsa gore re tlogele go direla Jehofa le gore re tlogele go rera. Mo dinageng tse dingwe, baba ba rona ba tshosetsa bakaulengwe le bokgaitsadi, ba a ba tlhasela, ba a ba tshwara e bile ba ba isa kgolegelong. Ga re gakgamale go bo batho ba re tshwara ka tsela eo. Jesu o ne a bolelela pele jaana: “Ditšhaba tsotlhe di tla lo tlhoa ka gonne lo le balatedi ba me.” (Math. 24:9) Fa re tlhoilwe, seo se re bontsha gore Jehofa o a re amogela. (Math. 5:11, 12) Diabolo ke ene a tlhotlheletsang batho gore ba re bogise. Le fa go ntse jalo, Jesu o na le maatla a a fetang a ga Satane. E re ka Jesu a re ema nôkeng, re kgona go rerela batho ba ditšhaba tsotlhe dikgang tse di molemo. A re sekasekeng bosupi jwa seo.

7. I busupi gupi gwa u no bona gu no lakidza kuti Zumbunulo 14:6, 7 i no shingikadziwa?

⁷ Kgwetlho e nngwe e re nnang le yone fa re rera ke gore re kopana le batho ba ba buang dipuo tse di farologaneng. Mo ponatshegelong e moaposetoloi Johane a neng a e bona, Jesu o ile a bolelela pele gore mo motlheng wa rona dikgang tse di molemo di ne di ka se ka tsa thibelwa ke kgwetlho eo. (Bala Tshenolo 14:6, 7.) Seo se ne se tla direga jang? Gompieno re naya batho ba le bantsi kafa re ka kgonang ka gone tshono ya go amogela molaetsa wa Bogosi. Batho mo lefatsheng lotlhe ba kgona go bala dikgatiso tse di theilweng mo Baebeleng tse di mo websaeteng ya rona ya jw.org, ka dipuo di feta 1 000. Setlhopha se se Laolang se ne sa letla gore kgatiso e re e dirisang fa re dira batho barutwa e leng buka ya Itumelele go Tshelela Ruri!, e ranolwe ka dipuo di feta 700. Gape go na le dibidio tse di rekotilweng le dikgatiso tsa mokwalo wa difofu tse di theilweng mo Baebeleng tse di diretsweng go thusa batho ba ba sa utlweng le ba ba sa boneng. Re bona kafa boporofeti jwa Baebele bo diragadiwang ka gone. Batho ba ba “tswang mo dipuong tsotlhe tsa ditšhaba” ba ithuta go bua “puo e e itshekileng” ya boammaaruri jo bo mo Baebeleng. (Seka. 8:23; Sefa. 3:9) Dilo tseno tsotlhe di a kgonega ka gonne Jesu Keresete o kaela tiro eno.

8. Belelo le nshingo wedu we ku rera la ka be ni ku swikila ngwenu?

⁸ Gompieno go na le Basupi ba ga Jehofa ba feta 8 000 000 mo dinageng di le 240, e bile ngwaga le ngwaga batho ba le diketekete ba a kolobediwa. Le fa go ntse jalo, selo sa botlhokwa thata ke gore barutwa bao ba basha ba ile ba nna le “botho jo bosha” e leng dinonofo tse Bakeresete ba tshwanetseng go nna le tsone. (Bakol. 3:8-10) Batho ba le bantsi ba ne ba tlogela boitsholo jo bo sa siamang, go nna dikgoka, go tlhaola batho ka morafe le go rata naga. Boporofeti jo bo mo go Isaia 2:4 bo a diragadiwa ka gonne ga ‘ba tlhole ba ithuta ntwa.’ E re ka re leka ka natla go apara botho jo bosha, re ngokela batho mo phuthegong ya Modimo e bile re bontsha gore re latela molebedi wa rona e bong Keresete Jesu. (Joh. 13:35; 1 Pet. 2:12) Dilo tseno ga di a itiragalela fela. Jesu ke ene yo o re thusang ka go re naya se re se tlhokang.

JESU U NO BIGA NLANDA

9. Ku yenda na Matewu 24:45-47, ini cha ka lebegwa mbeli ne kwe misi ye bupelo?

⁹ Bala Mathaio 24:45-47. Jesu o ile a bolelela pele gore mo motlheng wa bofelo, o ne a tla tlhoma “motlhanka yo o boikanyego le yo o botlhale” gore a kaele balatedi ba gagwe a dirisa Lefoko la Modimo. Ka jalo, re ka lebelela gore motlhanka yoo a dire ka natla gompieno. Mme seo ke sone se a se dirang. Molebedi wa rona o dirisitse setlhopha se sennye sa banna ba ba tloditsweng gore ba neye batho ba Modimo le batho ba ba kgatlhegang “dijo ka nako e e siameng.” Banna bano ga ba itseye ba laola tumelo ya ba bangwe. (2 Bakor. 1:24) Go na le moo, ba a itse gore Jesu Keresete ke “moeteledipele le molaodi” wa batho ba gagwe.—Isa. 55:4.

10. I buka dzipi dzi mu itshwantsho dzi no thama kuti u dume kuti u no yenda mu zila i no yesa ku buchilo gu singapele?

¹⁰ Fa e sa le ka 1919, motlhanka yo o boikanyego o ntse a gatisa dikgatiso tse di farologaneng tse di nayang batho ba ba kgatlhegang tshono ya gore ba simolole go ithuta boammaaruri jo bo mo Lefokong la Modimo. Ka 1921, motlhanka o ne a gatisa buka ya The Harp of God go thusa batho ba ba kgatlhegang gore ba ithute boammaaruri jo bo mo Baebeleng. Fa nako e ntse e ya, go ne ga gatisiwa dikgatiso tse di oketsegileng. Ke kgatiso efe e e go thusitseng gore o itse Rraarona yo o kwa legodimong le gore o mo rate? A e ne e le ya “Let God Be True,” Boamarure jo bo Isang Botshelong jo Bosakhutleng, O Ka Tshelela Ruri mo Lefatsheng la Paradaise, Kitso E E Isang Botshelong Jo bo Sa Khutleng, Totatota Baebele e Ruta Eng?, Baebele e re Ruta Eng? kgotsa kgatiso e e sa tswang go gatisiwa ya Itumelele go Tshelela Ruri!? Dikgatiso tseno tsotlhe di gatisitswe ka nako e e tshwanetseng.

11. Ini kwa ka fanila kuti tose ti amuchile zojiwa zwe bundzimu?

¹¹ Batho ba ba sa tswang go ithuta Baebele ga se bone fela ba ba tlhokang go nna le kitso e e tseneletseng ka Jehofa le ka Baebele. Rotlhe re tlhoka go dira jalo. Moaposetoloi Paulo o ne a kwala jaana: “Dijo tse di tiileng ke tsa batho ba ba nang le tumelo e e nonofileng.” Gape Paulo o ne a re fa re dirisa se re ithutang sone mo Baebeleng re tla kgona “go farologanya se se siameng le se se sa siamang.” (Baheb. 5:14) Gompieno go ka nna thata gore re ikobele melao ya ga Jehofa ya boitsholo ka gonne batho ba le bantsi ba itumelela go dira boitsholo jo bo sa siamang. Le fa go ntse jalo, Jesu o re naya kaelo e re e tlhokang gore re kgone go nonotsha tumelo ya rona. Kaelo eo e tswa mo Lefokong la Modimo e leng Baebele. Jesu ke ene a kaelang motlhanka yo o boikanyego gore a re neye tshedimosetso e re e tlhokang.

12. Sa Jesu koga, ta ka linga zina le Ndzimu chini?

¹² Fela jaaka Jesu, le rona re dirile gore leina la Modimo le galalediwe jaaka go tshwanetse. (Joh. 17:6, 26) Ka sekai, ka 1931 re ne ra simolola go bidiwa Basupi ba ga Jehofa, e leng leina le le tswang mo Baebeleng. Seo se ne se bontsha gore re tsaya leina la Modimo le le botlhokwa le gore re ne re batla go bidiwa ka lone. (Isa. 43:10-12) Fa e sa le ka October 1931, leina la Modimo le ntse le tlhagelela mo khabareng ya makasine mongwe le mongwe wa Tora ya Tebelo. Mo godimo ga moo, Baebele ya Thanolo ya Lefatshe le Lesha e buseditse leina la Modimo mo le neng le tlhaga gone kwa tshimologong. Dikereke tse di ipitsang tsa Bokeresete tsone di dirile se se farologaneng ka gonne di ntshitse leina la ga Jehofa mo dithanolong tse dintsi tsa Dibaebele tsa tsone.

JESU U NO LONGOLODZA BALANDA BABE

13. Ini chi no thama kuti u dume kuti Jesu u no shingisa “nlanda unogagwabgwe, wakatjenjela” ngwenu? (Johani 6:68)

¹³ Jesu o ne a dira gore go nne le phuthego e e rotloetsang kobamelo e e itshekileng mo lefatsheng a dirisa “motlhanka yo o boikanyego le yo o botlhale.” O ikutlwa jang ka phuthego eno? Gongwe o ikutlwa ka tsela e moaposetoloi Petere a neng a ikutlwa ka yone fa a ne a raya Jesu a re: “Re tla ya kwa go mang? Wena o bua mafoko a a nayang botshelo jo bo sa khutleng.” (Joh. 6:68) Tota re ka bo re le kae gompieno fa re ka bo re se karolo ya phuthego ya ga Jehofa? Keresete o dirisitse phuthego eno go tlhomamisa gore re nna le sengwe le sengwe se re se tlhokang gore re tswelele re ikanyega mo Modimong. Gape o re katisa gore re kgone go dira bodiredi jwa rona ka tsela e e molemo. Mo godimo ga moo, o re thusa gore re apare “botho jo bosha” gore re itumedise Jehofa.—Baef. 4:24.

14. Wa ka bona mbayilo upi mu ku be nngwe we gubungano la Jehova mu chibaka che COVID-19?

¹⁴ Jesu o re naya kaelo e e botlhale ka nako ya mathata. Re bone kafa kaelo eo e leng molemo ka gone fa bolwetse jwa leroborobo jwa COVID-19 bo simologa. Fa batho ba le bantsi mo lefatsheng ba ne ba sa itse gore ba dire eng, Jesu o ne a tlhomamisa gore re newa kaelo e e utlwalang sentle e e re thusang gore re nne re babalesegile. Re ne ra kgothalediwa gore re tsenye di-mask fa re le mo mafelong a batho botlhe le gore re se ka ra atamalana thata. Bagolwane ba ne ba gopodiwa gore ba nne ba ikgolaganya le botlhe mo phuthegong le gore ba itse gore ba tlhoka eng gore ba nne ba sireletsegile, ba sa lwale e bile ba atamalane le Jehofa. (Isa. 32:1, 2) Re ne ra newa dikaelo tse dingwe ra bo ra kgothadiwa ke dipego tse di tswang kwa Setlhopheng se se Laolang tse di mo jw.org/tn.

15. I ndawulo ipi ya ka dusiwa ne kwe ku bata zwidiyo zwe gubungano ne kwe ku shinga nshingo we ku rera mu chibaka che pandemic, ne belelo lipi?

¹⁵ Kaelo e nngwe e e utlwalang sentle e re neng ra e newa ka nako ya bolwetse jwa leroborobo, ke ya gore re tshware dipokano jang le gore re rere jang. Ka bonako fela, re ne ra simolola go tshwara dipokano le dikopano tse dinnye le tse dikgolo re dirisa Internet. Gape re ne ra simolola go rera ka makwalo le ka founu. Jehofa o segofaditse maiteko a re a dirileng. Makala a le mantsi a ne a nna le palo e e oketsegileng ya baboledi. Tota e bile, ba le bantsi ba ile ba nna le maitemogelo a a kgothatsang ka nako eo.—Bona lebokoso le le reng “Jehofa o Segofatsa Tiro ya Rona ya go Rera.”

16. Ti nga be ne thembo ipi?

¹⁶ Bangwe ba ka nna ba akanya gore phuthego ya Modimo e ne e feteletsa dilo fa e bua ka go itshireletsa mo bolwetseng jono jwa leroborobo. Le fa go ntse jalo, nako le nako re ne re lemoga gore kaelo e re neng re e newa e ne e utlwala tota. (Math. 11:19) E bile fa re akanyetsa kwa teng ka tsela e e lorato e Jesu a kaelang batho ba gagwe ka yone, re tlhatswega pelo gore le fa re sa itse gore go tla direga eng mo nakong e e tlang, Jehofa le Morwawe yo o rategang ba tla bo ba na le rona.—Bala Bahebera 13:5, 6.

17. U no zwihwa chini ne ku shinga uli pasi kwe butungamili gwa Jesu?

¹⁷ Ruri re itumelela go bo Jesu a re kaela! Re karolo ya phuthego e e sa kgaoganngwang ke setso, morafe kgotsa dipuo dipe. Re newa kaelo e e tswang mo Lefokong la Modimo. E bile re newa sengwe le sengwe se re se tlhokang gore re kgone go dira tiro ya rona ya go rera. Rotlhe re rutiwa gore re ka apara botho jo bosha jang, e bile re rutiwa go ratana. Ruri re na le lebaka le le utlwalang la go nna motlotlo ka molebedi wa rona e bong Jesu!