A u no “Ziba Mabaka e ku” Shathila Cha u Nacho?

1. Ku shathila cha u nacho ko dwani, ngono ha ku to dwiwani?

A O KGOTSOFALELA se o nang le sone? Motho yo o kgotsofalelang dilo tse dintle tse Jehofa a mo nayang tsone, o a itumela e bile o nna le kagiso. Ga a hutsafale e bile ga a galefe ka gonne a se na dilo dingwe. Le fa go ntse jalo, seno ga se reye gore fa motho a kgotsofetse, ga a kgathale ka se se diregang mo botshelong jwa gagwe. Ka jalo, ke selo se sentle fa Mokeresete a batla go dira mo go oketsegileng mo tirong ya ga Jehofa. (Bar. 12:1; 1 Tim. 3:1) Mme gone, ga a felelwe ke boitumelo fa a sa newe ditshiamelo tse a di batlang ka nako e a e solofetseng.

2. Ini ku sa shathila cha u nacho ku nga ku longa mu mathatha?

² Fa o sa kgotsofalele se o nang le sone, o ka nna wa simolola go dira ditshwetso tse di sa siamang. Ka sekai, bangwe ba ba sa kgotsofaleleng se ba nang le sone, ba ka bereka diura tse dintsi thata gore ba reke dilo tse tota ba sa di tlhokeng. Ka maswabi, Bakeresete bangwe ba ile ba utswa madi le dilo dingwe tse ba di eletsang. Ba ka tswa ba ne ba ipolelela go re, ‘Selo seno se a ntshwanela,’ ‘Ga ke bolo go se batla,’ kgotsa ‘Ke tla busa madi ano moragonyana.’ Mme gone, fa motho a utswa le fa e ka tswa e le ka lebaka lefe, ga a itumedise Jehofa e bile o a mo tlontlolola. (Diane 30:9) Bangwe ba ile ba kgobega marapo ka gonne ba sa newa ditshiamelo tse ba neng ba di batla, mo ba ileng ba tlogela go direla Jehofa. (Bagal. 6:9) Go ka tla jang gore motlhanka wa ga Jehofa a dire selo se se ntseng jalo? Bothata e ka tswa e le gore ka bonya ka bonya o ile a se ka a kgotsofalela se a nang le sone.

3. I malebeswa api a no gadzikanya moyo a ti no zwidiya ne kwawo mu na Bafilipi 4:11, 12?

³ Re ka kgona go kgotsofala. Moaposetoloi Paulo o ile a tlhalosa gore o ne a “ithutile go kgotsofala . . . mo maemong ape fela” a a leng mo go one. (Bala Bafilipi 4:11, 12.) Fa a ne a kwala mafoko ao, o ne a le kwa kgolegelong. Mme seo ga se a ka sa dira gore a felelwe ke boitumelo. O ne a ‘ithutile go kgotsofalela’ se a nang le sone. Fa e le gore go thata gore re kgotsofale, se Paulo a se buileng le se se mo diragaletseng, se re tlhomamisetsa gore le rona re ka kgona go kgotsofalela se re nang le sone. Ga re a tshwanela go akanya gore go tla nna motlhofo fela gore re kgotsofalele se re nang le sone. Go na le moo, re tshwanetse go ithuta go kgotsofala. Re ka dira seo jang? Mo setlhogong seno, re tla tlotla ka dilo tse di ka re thusang go kgotsofala.

BOKELA CHA U NACHO

4. Ku bokela cha ti nacho ko ti batsha chini ku shathila cha ti nacho? (1 Bathesalonika 5:18)

⁴ Go le gantsi motho yo o lebogang o kgotsofalela se a nang le sone. (Bala 1 Bathesalonika 5:18.) Ka sekai, fa re lebogela gore re na le dilo tse re di tlhokang, re ka se tshwenyege thata ka dilo tse re di batlang. Fa re lebogela ditshiamelo tse re nang le tsone gone jaanong, re tla dira sotlhe se re se kgonang mo dikabelong tseno go na le go nna fela re akantse ka gore re ka bona jang tshiamelo e nngwe e re e batlang. Ke gone ka moo Baebele e re kgothaletsang gore re leboge Modimo fa re rapela. Go leboga go re thusa gore re nne le kagiso e ‘Modimo a re nayang yone e batho ba ka se kgoneng go e tlhaloganya.’​—Bafil. 4:6, 7.

5. Ini Baiziraele ba ka be ba ka fanila bokela cha ba ka be ba nacho? (Bona itshwantsho.)

⁵ Akanya ka se se ileng sa diragalela Baiseraele. Ka makgetlo a le mantsi ba ne ba ngongorega mo go Jehofa gore ga ba na dijo tse ba neng ba di ja kwa Egepeto. (Dipa. 11:4-6) Boammaaruri ke gore botshelo bo ne bo se motlhofo fa ba ne ba le kwa nageng. Ke eng se se neng se ka ba thusa gore ba kgotsofalele se ba nang le sone? Ba ne ba ka thusiwa ke go akanya ka dilo tse Jehofa a neng a setse a ba neile tsone ba bo ba di lebogela. Ba ne ba tshwanetse go gopola gore fa e ne e le makgoba kwa Egepeto e bile ba tshwerwe makgwakgwa, Jehofa o ile a itaya Baegepeto ka dipetso tse di lesome gore a ba golole. Fa ba tswa kwa Egepeto, Jehofa o ile a ba thusa gore ba ‘gapele Baegepeto dithoto tsa bone,’ e leng selefera, gauta le diaparo. (Ekes. 12:35, 36) Fa ba ne ba gaeletswe fa gare ga masole a ga Faro le Lewatle le Lehibidu, Jehofa o ile a kgaoganya metsi a lewatle leo. Fa ba le mo nageng, Jehofa o ne a ba naya mana letsatsi le letsatsi. Ka jalo, goreng Baiseraele ba ne ba ngongorega? Bothata e ne e se gore ba ne ba se na dijo, mme e ne e le gore ba ne ba sa lebogele se Jehofa a neng a setse a ba diretse sone.

6. Ti nga bokela cha ti nacho ne zila dzipi dzingwe?

⁶ Ke eng se se ka re thusang go lebogela se re nang le sone? Sa ntlha, letsatsi le letsatsi iphe nako ya go akanya ka dilo tse dintle tse o di itumelelang. E bile o ka nna wa kwala dilo tse pedi kgotsa tse tharo tse o di lebogelang. (Dikhu. 3:22, 23) Sa bobedi, bolelela ba bangwe gore o lebogela dilo tse ba go direlang tsone. Mo godimo ga moo, leboga Jehofa letsatsi le letsatsi. (Pes. 75:1) Sa boraro, tlhopha ditsala tse di lebogang. Fa ditsala tsa rona e se batho ba ba lebogang e bile ba nna fela ba ngongorega, le rona re tlile go nna jalo. Mme fa e le gore ke batho ba ba lebogang, seo se tla dira gore le rona re nne batho ba ba lebogang. (Dute. 1:26-28; 2 Tim. 3:1, 2, 5) Fa re leka go batla dilo tse re ka di lebogelang, re ka se hutsafadiwe ke gore ga re na dilo tse re di batlang.

7. Aci wa ka lakidza kuti u no bokela cha a nacho chini, ngono ku ka pelela neni?

⁷ Akanya ka se se diragaletseng Aci, yo o nnang kwa Indonesia. A re: “Ka nako ya bolwetse jwa COVID-19, ke ile ka simolola go bapisa maemo a ke neng ke le mo go one le a bakaulengwe le bokgaitsadi ba bangwe. Seo se ile sa dira gore ke se ka ka kgotsofala.” (Bagal. 6:4) Ke eng se se mo thusitseng go fetola tsela e a akanyang ka yone? Aci a re: “Ke ile ka simolola go akanya ka dilo tse dintle tse Jehofa a nnayang tsone letsatsi le letsatsi. Gape ke ile ka akanyetsa kwa teng ka dilo tsotlhe tse ke nang le tsone ka gonne ke le mo phuthegong ya ga Jehofa. Go tswa foo, ke ile ka leboga Jehofa ka ntlha ya dilo tseno. Seo se ile sa nthusa gore ke kgotsofale.” Fa e le gore ga o kgotsofale ka ntlha ya maemo a o leng mo go one, leka go dira se Aci a se dirileng gore o simolole go lebogela se o nang le sone.

LINGA ZWITHU NE ZILA YA KA FANILA U ZWIYESA PASI

8. Baruke wa ka zwilechedzela ku wila mu mathatha api?

⁸ Baruke e ne e le mokwaledi wa ga moporofeti Jeremia. Nako nngwe o ile a simolola go sa kgotsofalele se a nang le sone. Kabelo ya gagwe e ne e se motlhofo. O ne a thusa Jeremia go bolelela Baiseraele se se neng se tla ba diragalela ka gonne ba sa ikobele Jehofa. Go na le gore a tlhome mogopolo mo dilong tse Jehofa a neng a batla gore a di dire, Baruke o ile a simolola go akanya thata ka dilo tse ene a neng a batla go di dira. Jehofa o ile a dirisa Jeremia go raya Baruke a re: “O ipatlela dilo tse dikgolo. Tlogela go batla dilo tse di ntseng jalo.” (Jer. 45:3-5) Ka mafoko a mangwe Jehofa o ne a raya Baruke a re: “Kgotsofalela se o nang le sone.” Baruke o ile a reetsa Jehofa a bo a tswelela a atamalane le ene.

9. Ku yenda ne 1 Bakorinta 4:6, 7, ku zwiyesa pasi kowo thama kuti ti zibeni? (Bona zwitshwantsho.)

⁹ Ka dinako dingwe motlhanka wa ga Jehofa a ka nna a akanya gore o tshwanetse go nna le tshiamelo nngwe. A ka tswa a na le bokgoni bongwe, a dira ka natla kgotsa a na le lobaka lo loleele a direla Jehofa. Mme gone, tshiamelo e a batlang go nna le yone, e ka nna ya newa batho ba bangwe. Ke eng se se ka mo thusang gore a se ka a hutsafala? A ka thusiwa ke go akanya ka mafoko a moaposetoloi Paulo a ileng a a kwala mo go 1 Bakorintha 4:6, 7. (E bale.) Bokgoni kgotsa ditshiamelo dipe fela tse re nang le tsone di tswa kwa go Jehofa. Jehofa ga a re neye dilo tseno ka gonne re le botlhokwa go feta ba bangwe. Go na le moo o re naya tsone ka ntlha ya bopelonomi jwa gagwe jo bogolo.​—Bar. 12:3, 6; Baef. 2:8, 9.

10. Ti nga lakidza chini kuti to zwiyesa pasi?

¹⁰ Re ka kgona go ikokobetsa fa re akanyetsa kwa teng ka se Jesu a ileng a se dira. Akanya ka se se ileng sa direga mo bosigong jo Jesu a ileng a tlhapisa baaposetoloi ba gagwe dinao. Moaposetoloi Johane o ile a re: “E re ka Jesu a ne a itse [1] gore Rara o ne a tsentse dilo tsotlhe mo diatleng tsa gagwe le [2] gore o ne a tswa kwa Modimong e bile [3] o ne a ya kwa Modimong, o ne a . . . simolola go tlhapisa dinao tsa barutwa ba gagwe.” (Joh. 13:3-5) Jesu o ne a ka tsaya gore baaposetoloi ba gagwe ke bone ba tshwanetseng go mo tlhapisa dinao. Mme gone, fa Jesu a ne a le mo lefatsheng, ga a a ka a akanya gore o tshwanetse go nna le ntlo ya mabono, go nna le madi a le mantsi kgotsa go tshela botshelo jwa manobonobo ka gonne e le Morwa Modimo. (Luke 9:58) Jesu o ne a ikokobeditse e bile a kgotsofetse. O re tlhometse sekao se sentle tota.​—Joh. 13:15.

11. Ku zwiyesa pasi kwa ka batsha Dennis chini ku shathila cha a nacho?

¹¹ Dennis wa kwa Netherlands, o ile a leka go nna boikokobetso jaaka Jesu mme go ne go se motlhofo gore a dire jalo. A re: “Ka dinako dingwe ke a hutsafala fa mongwe a newa tshiamelo e ke e batlang. Fa seo se direga, ke ithuta ka nonofo ya boikokobetso. Ke itiretse tag ya ditemana tse di buang ka boikokobetso mo JW Library^® gore ke di bone ka bonako mme ke di bale gape. Gape ke downloudile dipuo dingwe tse di buang ka boikokobetso mo founong e bile ke di reetsa gangwe le gape.a Ke ithutile gore dilo tsotlhe tse ke di direlang Jehofa, di tshwanetse go galaletsa ene, e seng nna. Tiro epe fela e Jehofa a e nayang mongwe le mongwe wa rona, ke ene a dirang gore e atlege.” Fa o simolola go sa itumele ka gonne o sa newe tshiamelo e o e batlang, dira dilo tse di tla go thusang gore o nne boikokobetso. Seo se tla dira gore o atamalane le Jehofa le gore o kgotsofale.​—Jak. 4:6, 8.

KUMBULILA ZWITHU ZWI CHOWO SHINGIKALA

12. I zwithu zwipi zwi chowo shingikala zwi no ti batsha ku shathila cha ti nacho? (Izaya 65:21-25)

¹² Fa re akanyetsa kwa teng ka dilo tse dintle tse Jehofa a solofetsang gore o tla re direla tsone mo nakong e e tlang, re a kgotsofala. Mo bukeng ya Isaia, Jehofa o re bolelela gore o a tlhaloganya gore re lebana le mathata a le mantsi e bile o solofetsa gore o tla a tlosa. (Bala Isaia 65:21-25.) Re tlile go nna le matlo a mantle. Gape re tlile go nna le ditiro tse di kgotsofatsang le dijo tse di monate e bile di na le dikotla. Mo godimo ga moo, rona mmogo le bana ba rona re tla nna re sireletsegile. (Isa. 32:17, 18; Esek. 34:25) Re ka tlhatswega pelo gore dilo tsotlhe tse Jehofa a solofetsang gore o tla re direla tsone mo nakong e e tlang, di tla direga.

13. Ndi mu zwimo zwipi kwa ta ka fanila gala ta ka kumbula zwi chowo ti shingikalila?

¹³ Gone jaanong go feta le fa e le leng pele, re tshwanetse go akanyetsa kwa teng ka tsholofelo e re nang le yone. Goreng? Ka gonne re tshela mo “malatsing a bofelo,” e bile rotlhe re lebana le “dinako tse di thata.” (2 Tim. 3:1) Letsatsi le letsatsi Jehofa o a re kaela, o a re nonotsha e bile o re ema nôkeng gore re kgone go itshoka. (Pes. 145:14) Mo godimo ga moo, tsholofelo e re nang le yone e ka re thusa fa re lebana le mathata. Gongwe o humanegile e bile o dira ka natla gore o tlamele ba lelapa la gago ka dijo, diaparo le lefelo le ba ka nnang mo go lone. A maemo a gago a tla nna jalo go ya go ile? Nnyaa, le e seng! Jehofa o go solofetsa gore o tla go naya se o se tlhokang, tota le dilo tse dingwe tse dintsintsi kwa Paradaiseng. (Pes. 9:18; 72:12-14) Gongwe o ka tswa o le mo ditlhabing, o tshwenyega thata mo maikutlong kgotsa o tshwerwe ke bolwetse bongwe jo bo sa foleng. A botshelo jwa gago bo tla nnela ruri jalo, go se na tsholofelo ya gore o tla nna botoka? Nnyaa, le e seng! Go tla bo go se na bolwetse le loso kwa lefatsheng le lesha. (Tshen. 21:3, 4) Tsholofelo e re nang le yone e re thusa gore re kgotsofale le gore re se ka ra hutsafala kgotsa ra galefa ka ntlha ya dilo tse di re diragalelang gone jaanong. Re ka kgotsofala tota le fa re sa tshwarwe sentle, re tlhokafaletswe, re lwala kgotsa re lebana le diteko tse dingwe. Goreng? Ka gonne le fa go ka nna thata jang, re a itse gore ‘diteko tsa rona ke tsa nakwana’ le gore ga re kitla re tlhola re boga gape kwa lefatsheng le lesha.​—2 Bakor. 4:17, 18.

14. Ti nga simisa thembo yedu chini?

¹⁴ E re ka tsholofelo e re nang le yone e re thusa gore re kgotsofale, ke eng se se ka re tlhatswang pelo gore Jehofa o tla dira dilo tse a solofetsang gore o tla re direla tsone mo nakong e e tlang? Fela jaaka motho yo o sa kgoneng go bona sentle a ka tlhoka digalase tsa matlho gore a kgone go bona dilo tse di kgakala, le rona re tshwanetse go tsaya matsapa gore re akanyetse kwa teng ka dilo tse Jehofa a tla re direlang tsone. Ka sekai, fa re tshwenyega thata ka gonne re se na madi a go itlamela ka dilo tse re di tlhokang, re ka thusiwa ke go akanya gore botshelo bo tla bo bo ntse jang mo nakong e e tlang fa re tla bo re sa tlhole re tlhoka madi e bile go se na ope yo o humanegileng. Fa re kgobegile marapo ka gonne re sa kgone go nna le ditshiamelo tse re di batlang, re ka thusiwa ke go akanya gore dilo tseo ga di botlhokwa thata fa di bapisiwa le botshelo jo bo monate jo re tla bong re bo tshela re se na boleo e bile re direla Jehofa ka dingwaga di le dintsintsi. (1 Tim. 6:19) Boammaaruri ke gore kwa tshimologong go ka nna thata go akanyetsa kwa teng ka gore botshelo bo tla bo bo ntse jang mo nakong e e tlang go na le go tlhoma mogopolo mo mathateng a re nang le one. Mme gone, fa re nna re akanya ka dilo tse dintle tse Jehofa a tla re direlang tsone mo nakong e e tlang, go tla nna motlhofo gore re tlhome mogopolo mo go tsone go na le go o tlhoma mo mathateng a re nang le one.

15. U nga zwidiyani mu na cha ka legwa na Christa?

¹⁵ Akanya kafa tsholofelo e re nang le yone e thusitseng Christa e bong mosadi wa ga Dennis yo re tlotlileng ka ene mo dirapeng tse di fetileng. A re: “Ke tshwerwe ke bolwetse jo bo dirang gore mesifa ya me e koafale thata mo ke tshwanelwang ke go dirisa wheelchair le go fetsa nako e ntsi ke le mo bolaong. Ga go na letsatsi lepe le le fetang ke se mo ditlhabing. Bosheng jaana, ngaka e ne ya mpolelela gore nka se fole. Mme ka yone nako eo, ke ile ka ipolelela go re, ‘Ga re lebe dilo ka go tshwana.’ Nna ke na le tsholofelo e e dirang gore ke ritibale. Gone jaanong ke itshoketse mathata a le mantsi, mme ke a itse gore ke tla bo ke tshela monate kwa lefatsheng le lesha!”

“BA NO CHA JEHOVA HA BA TO SHETA CHINGWE”

16. Ini She Dafite a ka leba matama a noti ba no cha Jehova ha ba to “sheta chingwe”?

¹⁶ Tota le fa re kgotsofetse, re sa ntse re tla lebana le mathata. Baebele e umaka bana ba le bararo ba ga Kgosi Dafide ba ba ileng ba tlhokafala. Batho bangwe ba ile ba mo latofatsa ka gore o dirile dilo tse di sa siamang mme go sa nna jalo, ditsala tsa gagwe di ile tsa mo tlhanogela e bile Kgosi Saulo o ile a mo tsoma ka dingwaga a batla go mmolaya. Le fa a ne a lebane le mathata ao, o ile a bua jaana ka Jehofa: “Ba ba mmoifang ga ba tlhoke sepe.” (Pes. 34:9, 10) Goreng a ne a rialo? Ka gonne le fa gone re sa solofela gore re tla tshela botshelo jo bo se nang mathata, re tlhatswegile pelo gore Jehofa o tla re naya se re se tlhokang. (Pes. 145:16) Gape re tlhatswegile pelo gore Jehofa o tla re thusa go itshokela mathata otlhe a re lebanang le one. Ka jalo, re a ritibala e bile re a itumela le fa re ka tswa re lebana le mathata afe.

17. Ini wa ka zwimisila ku ziba mabaka e ku shathila cha u nacho?

¹⁷ Jehofa o batla gore o kgotsofale. (Pes. 131:1, 2) Ka jalo, dira sotlhe se o ka se kgonang gore o kgotsofale. Fa o dirisa dilo tse Jehofa a go nayang tsone, o tlhomama e bile o ikokobetsa, gape o akanyetsa kwa teng ka dilo tse Jehofa a solofetsang gore o tla re direla tsone, o tla kgona go re, ‘ruri ke kgotsofetse.’​—Pes. 16:5, 6.