A Nshingo u no Thamiwa ne Makhuta a Nonga United Nations u Nga Thama Kuti ku be ne Mbakiso mu Shango?

Ko na ngwa dzi no dwilila dzi gwewa mu shango yedu. I checho cho pelela chi thama kuti be United Nations ne makhuta angwe ba thame nshingo u no batsha kuti ku be ne mbakisoa, be thusana ne bamilili be ndawo dzi na ngwa mu dzili. Ba no themba kuti ba nowo thama kuti chimo chi lulwame mu ndawo idzedzi dzi na ngwa. UN Secretary-General António Guterres a kati be “United Nations” ba buthokwa kwazo mu mazwimisilo e du e ku thama kuti ku be ne mbakiso mu shango.

Mu makole a ka pida, makhuta a no thama kuti kube ne mbakiso a ka tongo khona. A ti lakidzila, ba ka sireletsa bathu ne ku gwilidza bathu ba ka tihila ku dzingwe shango, ku shango dza ba no dwa ku dzili, ku yisa zojiwa dzi no sheteka kose ne zwingwe, ne ku batsha zwichaba ku pa bathu babo zwithu zwe ntewo. Ngono bathu ba no batsha kuti ku be ne mbakiso, ba ka lingisana ne mathata ma njinji a no thama kuti ba si khone ku thama cha ka thembiwa ne bathu kuti ba no chi thama. A kuna chingwe chi nowo thama kuti ku be ne mbakiso ye malebeswa mu shango? I dabilo dzipi dzi no piwa ne Baibili?

Mathata a no thama kuti ku sibe ne mbakiso Baibili i kati a nowo pedzisa chini

Mathata: ku sa shingidzana zwibuyanana. A te kuli mothufu ku thama kuti makhuta a ka siyasiyana, masole ne bathu ba si masole, ba no dwa mu shango dzi singa fanane ba shingidzana zwibuyanana. Mu zwibaka zwingwe makhuta a no nga iyawa a to khona ku shingidzana zwibuyanana, ne kuti kuna ku sa hwisisana kakale bana zwithu zwa bano shaka thama zwi singa fanane.

Baibili i kati a nowo pedzisa chini: “Ndzimu we kudzimu unobamba mbuso . . . Unowokunda mibuso iyeyo yose ukailobesa [bohurumente be bathu], koga iwo unowogalila tjatjose.”​—Daniele 2:44.

Mathata: Ku thaela kwe dzitsumpelo ne bukhoni. Mishingo ye ku batsha kuti ku be ne mbakiso ka njinji i no thayela bashingi, mari kene dzitsumpelo dzingwe ichechi chi be chi thama kuti dzi sitongo khona ku shinga zwibuyanana. Bashingi ba no batsha kuti ku be ne mbakiso ba no shingila mu zwimo zwa ka sima kakale zwi li ngozi.

Baibili i kati a nowo pedzisa chini: “Ndzimu wa She wedu Jesu Kirisiti . . . waka gadza [Jesu] ku luboko gwawo gwe luji mu magalo e ku dzimu, pezhugwi kwe babusi bose ne balauli ne masimba.”​—Baefesiya 1:17, 20, 21.

Ndzimu we masimba wose, Jehova,b wa ka pa She ya ka shalugwa Jesu chingwe ne chingwe cha a no sheta kuti a khone ku busa. (Daniele 7:13, 14c) Ndzimu wa ka pa Jesu masimba makulu, luzibo, buchenjedu ne hwesiso​—ku pinda hurumente ungwe ne ngwe kene makhuta. (Izaya 11:2) Kakale Jesu u na baengele ba na basimba ba njinji ba a nga shingisa. (Zumbunulo 19:14) A kuna chimo cha ka sima kwazo chinga nkona.

Mathata: ku dzibiligwa kwe chinlayo. Mu zwibaka zwingwe bathu ba no shinga mu makhuta a no batsha kuti ku be ne mbakiso ha ba to khona thama chi no sheteka kuti ba chi thame ne kuti a ba zo piwa dzindaulo dzi no hwikala zwibuyanana kuti ba no dumiligwani kene kwa ka lingiligwa kuti ba thamani kene be dzibiligwa ne nlayo. Zwithu izwezwi zo thama kuti ba si khone ku sireletsa bangwe kene ku thama mazwimisilo abo ne bushalo.

Baibili i kati a nowo pedzisa chini: “Simba lose kudzimu ne mu shango la ka piwa imi [Jesu].”​—Matewu 28:18.

Ndzimu wa ka pa Jesu ndaulo dzi no hwikala kuti a thame kuti ku be ne mbakiso mushango ne ku npa masimba a ka pelela e ku thama. (Johani 5:22) Jesu ha ngake e ka thama ne zila i sa ka lulwana kene ku zwibata ne zila i saka lulwama. (Izaya 11:3-5) Ndizo wale ku wikala kuti, Baibili i dane Jesu iti “She we Mbakiso,” Bushe gugwe gwa ka tewa mu “lebeswa ne mu ndulamo.”​—Izaya 9:6, 7.

Bushe gwe Ndzimu​—go hisa mbakiso ye malebeswa

Makhuta e bathu ba no batsha kuti ku be ne mbakiso a nga na a ka thama kuti zwithu zwi tebame ne ku thama kuti ngwa e pele mu ntuthu. Ngono ha anga khone ku dusa dumbu icho chino thama kuti ku be ne ngwa.​—ku benga bathu bangwe.

“Bano batsha ku thama kuti ku be ne mbakiso ba na buthatha gwe ku thama mbakiso ne kuti a i zo to ngo be yapo ku tanga.”​—Dennis Jett, former U.S. ambassador.

Ne kwa ka jalo Bushe gwe Ndzimu igo go na masimba e ku thama kuti ku be ne mbakiso ye malebeswa, ne kuti go batsha bathu kuti ba mise ku bengana. A ti lakidzila Jesu wa kati a le mushango wa ka diya batobeli babe ne cha a no leba kose ne chilakidzilo chiche kuti ba nga be ne mbakiso chini kose ne ku da bangwe:

Kakale Jesu wa kati ba nowo busiwa ne Bushe gwe Kudzimu ba no bongwa ne ludo gwa ba no da bangwe na go. Baibili i no lakidza zwibuyanana kuti bathu ba ka benga bangwe a ba towo busiwa ne Bushe gwe Ndzimu:

Jehova Ndzimu iye wa ka bumba bathu bose u no ziba zila i no pinda dzose​—iyo koga zila​—i nga thama kuti ku be ne mbakiso mu shango. Bushe gugwe go khona thama cha ka kona ku thamiwa ne bathu, ne ba no shinga mu makhuta a no batsha ku ti ku be ne mbakiso.