THUTO 11
Ku Bala Baibili ku Nga ku Batsha Chini?
A wa ka tongo zwiwa wa ka tshambilidzigwa ha u kumbula ku tangisa nshingo nkulu? Ku thama kuti u si ku simile, pangwe wa ka tangisa ne ku u thubukanya. Ichecho malebeswa ne ha ku zha mu ku bala Baibili. U ngana u ka zwibuzwa, ‘Ndo tangisa poni?’ Mu thuto iyeyi, towo lingilila zwithu zwingwe zwi sa ka sima zwa u nga thama kuti u shathile ku bala ne ku zwidiya Baibili.
1. Ini ta ka fanila ku zwipa chibaka che ku bala Baibili?
Nthu u no zwipa chibaka che ku bala Baibili, kene “nlayo wa Yahwe [Jehova],” u nowo shatha kakale buchilo gugwe gowo yenda zwibuyanana. (Bala Pisalema 1:1-3.) U nga tangisa ne ku i bala kusi ku ngapani zhuba ne zhuba. Ha u dwilila u paphidza luzibo gugo ne kwe Dama le Ndzimu, u nowo shathila ku bala Baibili.
2. Ini cha u nga thama kuti ku bala Baibili ku ku batshe?
Kuti ku bala Baibili ku ti batshe ta ka fanila ku zwipa chibaka che ku kumbula ne kwe cha ti no bala. Ta ka fanila kuti “[ti i] bale siku ne sikati” ne ku kumbulila mu kati. (Joshua 1:8) Ha u ibala, zwibuzwe buzo dzi nonga: ‘Ichechi cho ndi diyani ne kwa Jehova? Ndi nga chi shingisa chini mu buchilo gwangu? Ndi nga shingisa ndimana idzedzi chini ku batsha bangwe?’
3. U nga thamani kuti u be ne chibaka che ku bala Baibili?
A u no simigwa ne ku bona chibaka che ku bala Baibili? Bunji gwedu ti na buthatha igogu. Gwisa ku “shingisa zubuyanana tjibaka tjimwe ne tjimwe” cha u na cho. (Baefeso 5:16) U nga thama ichecho ne ku zwibigila nako ye ku bala Baibili zhuba ne zhuba. Bathu bangwe ba no zwibigila nako ye ku bala Baibili maphakela kwazo. Bangwe ba no thama ichecho mu masikati, pangwe ne nako yabo ye ku phumula. Bangwe ibo ba no bala Baibili madekwana ba sa thu ba ka no yizela. Iwe i nako ipi ya ka ku lulwamila?
ZWIDIYE KWA KA NGINILILA
Zwidiye se kwa u nga shathila kwazo ku bala Baibili. Bona se kwa u nga baakanyila zwibuyanana thuto iyo ye Baibili kuti u zwidiye kunjinji.
Koga se kwa ti nga tangisa ku shathila zojiwa zwa ka siyasiyana, ti nga khona ku zwidiya ku shathila ku bala Baibili
4. Zwidiye ku shathila ku bala Baibili
Pangwe ku nga ku simila ku tangisa ku bala Baibili. Ne kwa ka jalo, ti nga be ne ku yemula ku “shaka” ku thama ichecho, koga se kwa u nga tangisa ku shathila zojiwa zwa u sathu u ka tongo ja. Bala 1 Pita 2:2, mu be mu lebesana ne kwe buzo i no tobela:
A u no kumbula kuti ku bala Baibili zhuba ne zhuba, i nga be chingwe cha u nga shathila ku chi thama?
Zana VIDIYO ku bona kuti bangwe ba ka thamani kuti ba shathile ku bala Baibili. Ku dwapo mu be mu lebesana ne kwe buzo dzi no tobela.
Mu vidiyo iyeyi, bachechana ba ka khona ku mililana ne dzindiko dzipi?
Ini cha ka ba batsha kuti ba batilile mu mazwimisilo abo e ku bala Baibili?
Ba ka thama chini kuti ku bala Baibili kwabo ku ba shathise?
Zwa u nga thama ku ku batsha ku tangisa:
Shalula shandulilo ye Baibili i no thembeka i no shingisa ndebo ya ngwenu. Lika New World Translation.
Tangisa ku bala mu Baibili pa u no bona kuti u nga ku shathila kwazo. Ku bona kuti u nga thama ichecho chini, lingilila chart ye “Tangisa ku Bala Baibili.”
Tshwaya pa wa ka ma. Shingisa chart ye “Ndongoloso Iyo ye ku Bala Baibili” i mu tshambiso iyeyi.
Shingisa JW Library® app. Mu ili, u nga bala Baibili kene ku teedza mbalo wayo u li pangwe ne pangwe u shingisa founi, tablet kene chingwe cha ka jalo.
Shingisa Dzi-appendix dzi mu New World Translation. Dzi na dzimmapa, dzi-chart, ne glossary dzi nga ku batsha kuti u shathile mbalo uwo we Baibili.
5. Baakanyila thuto iyo ye Baibili
Bala Pisalema 119:34, mu be mu lebesana ne kwe buzo i no tobela:
Ini ili chithu chi kulu kuti u tembezele u sathu u ka bala Baibili kene ku baakanyila thuto iyo ye Baibili?
U nga thama chini kuti u zwidiye kunjinji mu thuto ingwe ne ingwe? Ha u baakanyila thuto mu zwidiyo izwezwi, lika ku thama zwi no tobela:
Bala dzipharagrafo (paragraphs) dze kutanga dze thuto.
Bala dzindimana ngono u bone kuti dzo yendidzana chini ne cha u no bala.
Tshwaya matama a no dabila buzo ingwe ne ingwe; ichecho chowo ku batsha kuti u khone ku lebesana ne u no ku diya Baibili.
A wa gala u ziba?
Bafakazi ba Jehova ba ka shingisa dzishandulilo dze Baibili dza ka siyasiyana. Ne kwa ka jalo to bokela kwazo New World Translation of the Holy Scriptures ne kuti i na malebeswa dumbu, i no hwikala, kakale i no shingisa zina le Ndzimu.—Bona Web article i noti “A Bafakazi ba Jehova ba na Baibili Yabo?”
BATHU BANGWE BA KATI: “Baibili ya ka sima. Ha ndina nako ye ku zwidiya iyo.”
Iwe u ka tini?
CHA WA ZWIDIYA
Kuti u batshiwe ne cha u no zwidiya mu Baibili, zwipe nako ye ku i bala, tembezelela kuti u hwisise cha u no bala, kakale u baakanyile thuto iyo ye Baibili.
U Nga Tini?
Ini cha u nga thama kuti u batshiwe ne Baibili?
U nga zwipa nako lini ku bala ne ku zwidiya Baibili?
Ini ili chithu cha ka lulwama ku baakanyila thuto iyo ye Baibili?
SHAKISISA
Buyilila ingwe ye mikumbulo i nga thama kuti u batshiwe ne ku bala Baibili.
“Se Kwa u Nga Zwidiya Kwa ka Paphidzika ku Dwa mu Baibili” (Thungamakole No. 1 2017)
Zwidiye zila dzili thatu dze ku bala Baibili.
“Ku Bala Baibili ku Nga Ndi Batsha Chini?—Ipithu 1: Ku Shakisisa Baibili Iyo” (Web article)
Bona se kwa u nga shathila ku bala Baibili.
Bona zila dzingwe dzi no batsha ku dwa mu na ba ka bala Baibili makole manjinji.