Se Kwa u Nga Bona Nthu u Nga ku Fanila mu Ndobolo

1-2. (a) Bakirisiti ba si mu ndobolo ba ka fanila lingani ba sathu ba ka dana? (b) Ku “dana” ko dwiwani? (Bona ndebo i noti “Tlhaloso.”)

A O BATLA motho yo o ka nyalanang le ene? Boammaaruri ke gore lenyalo ga se lone le le dirang gore motho a itumele. Mme gone, bakaulengwe le bokgaitsadi ba le bantsi, ba ka tswa ba godile kgotsa ba le basha, ba batla motho yo ba ka nyalanang le ene. Ka jalo, pele o ka ratana le mongwe o tshwanetse go atamalana le Jehofa, go ikitse sentle le go nna le madi a a tla go thusang gore o diragatse maikarabelo a gago mo lenyalong.a (1 Bakor. 7:36) Fa o dirile jalo, o tla kgona go itumela mo lenyalong.

² Ka dinako dingwe, go ka nna thata go bona motho yo o ka nyalanang le ene. (Diane 31:10) Tota le fa o mmona, o ka ipotsa gore o tla mmolelela jang gore o a mo rata.b Mo setlhogong seno, re tla bona gore ke eng se se ka thusang Mokeresete go bona motho yo a ka nyalanang le ene le gore a ka mmolelela jang gore o a mo rata. Gape re tla bona gore ba bangwe mo phuthegong ba ka thusa jang.

KU SHAKA NTHU WA KA KU FANILA

3. Nkirisiti wa ka fanila lingililani ha e kumbulila ku ngina mu ndobolo?

³ Fa e le gore o batla motho yo o ka nyalanang le ene, o tshwanetse go itse gore o batla gore motho yoo a nne le dinonofo dife. Fa o sa itse, o ka simolola go ratana le motho yo a ka dirang gore o se ka wa itumela mo lenyalong. Ke nnete gore o tshwanetse go nyalana le motho yo o kolobeditsweng. (1 Bakor. 7:39) Mme seno ga se reye gore mongwe le mongwe yo o kolobeditsweng a ka go siamela. Ka jalo, ipotse go re: “Ke ipeetse mekgele efe? Ke batla gore motho yo ke tla nyalanang le ene a nne le dinonofo dife? A ke lebeletse gore a dire dilo tse a ka se kgoneng go di dira?”

4. Bangwe ba ka kumbilani mu mitembezelo yabo?

⁴ Ga go pelaelo gore o ile wa bolelela Jehofa gore o batla motho yo o ka nyalanang le ene. (Bafil. 4:6) Gone ke boammaaruri gore Jehofa ga a go solofetse gore o tla go naya motho yo o ka nyalanang le ene. Mme gone, o a go kgathalela e bile o tla go thusa. Ka jalo, tswelela o mmolelela gore o ikutlwa jang le gore ke dilo dife tse o di batlang. (Pes. 62:8) Mo kope gore a go thuse go nna pelotelele le gore a go neye botlhale. (Jak. 1:5) Mokaulengwe mongwe wa kwa United States yo o bidiwang John,c a re: “Fa ke rapela, ke bolelela Jehofa gore ke dinonofo dife tse ke batlang gore motho yo ke tla nyalanang le ene a nne le tsone. Ke mo kopa gore a nthuse go kopana le motho yo o ntseng jalo. Gape ke mo kopa gore a nthuse go nna le dinonofo tse di tla nthusang gore ke nne monna yo o siameng.” Kgaitsadi mongwe wa kwa Sri Lanka yo o bidiwang Tanya a re: “Fa ke ntse ke batla motho yo nka nyalanang le ene, ke kopa Jehofa gore a nthuse gore ke tswelele ke ikanyega mo go ene le gore ke nne ke itumetse.” Fa e le gore go tsaya nako gore o bone motho yo o ka nyalanang le ene, Jehofa o solofetsa gore o tla tswelela a go rata e bile o tla go naya dilo tse o di tlhokang.​—Pes. 55:22.

5. Bakirisiti ba si mu ndobolo ba nga bona ngayi nthu u no da Jehova? (1 Bakorinta 15:58) (Bona itshwantsho.)

⁵ Baebele e re kgothaletsa gore re nne le “mo gontsi go go dira mo tirong ya Morena.” (Bala 1 Bakorintha 15:58.) Fa o ntse o bereka le bakaulengwe le bokgaitsadi ba ba farologaneng, o tla kgona go nna le ditsala e bile o tla kopana le Bakeresete ba bangwe ba ba iseng ba nyale kgotsa ba nyalwe ba ba ratang Jehofa. Fa o ntse o dira ka natla go itumedisa Jehofa, o tla itumela.

6. Ha Nkirisiti e shaka nkhwinya we ndobolo, wa ka fanila kumbulilani?

⁶ Nna kelotlhoko gore go batla molekane e se ka ya nna selo sa botlhokwa thata mo botshelong jwa gago. (Bafil. 1:10) Lenyalo ga se lone le le dirang gore motho a itumele, go atamalana le Jehofa ke gone go dirang gore motho a itumele. (Math. 5:3) Fa o ise o nyale kgotsa o nyalwe, o ka nna le nako e ntsi ya go direla Jehofa mo go oketsegileng. (1 Bakor. 7:32, 33) Ka jalo, dirisa nako eo sentle. Kgaitsadi mongwe wa kwa United States yo o bidiwang Jessica, o ile a nyalwa a le gaufi le go tshwara dingwaga di le 40. A re: “Le fa ke ne ke batla go nyalwa, ke ile ka tlhoma mogopolo mo tirong ya ga Jehofa, mme seo se ile sa dira gore ke itumele.”

ZWIPE NAKO YE KU ZIBA NTHU

7. Ini ku sheteka kuti u zibe nthu u sathu u ka nlakidza ludo? (Zwiani 13:16)

⁷ O tshwanetse go dira eng fa o akanya gore Mokeresete mongwe o na le dinonofo tse o batlang gore motho yo o nyalanang le ene a nne le tsone? A o tshwanetse go mmolelela ka yone nako eo? Baebele e a re motho yo o botlhale ga a dire dilo a se na kitso. (Bala Diane 13:16.) O tshwanetse go ipha nako ya go itse motho yoo pele o mmolelela gore o a mo rata. Mokaulengwe mongwe wa kwa Netherlands yo o bidiwang Aschwin a re: “O ka kgatlhegela motho, mme maikutlo ao a bo a nyelela ka bonako. Ka jalo, fa o ipha nako ya go itse motho, ga o kitla o potlakela go ratana le ene.” Gongwe e bile fa o ntse o mo ithuta, o ka lemoga gore ga a go siamela.

8. Nthu u nga ziba chini wa a no shaka lobolana naye? (Bona itshwantsho.)

⁸ O ka itse jang motho yo o batlang go ratana le ene? Fa lo le kwa dipokanong kgotsa lo iketlile mmogo le batho ba bangwe, o ka kgona go lemoga gore o atamalane le Jehofa go le kana kang, ke motho yo o ntseng jang le gore o itshwara jang. Leka go bona gore ditsala tsa gagwe ke bomang, ba tlotla ka eng le gore a o na le mekgele e e tshwanang le ya gago. (Luke 6:45) Gape o ka botsa Bakeresete ba ba mo itseng sentle kgotsa bagolwane ba phuthego e a leng kwa go yone gore ke motho yo o ntseng jang le gore o na le dinonofo dife. (Diane 20:18; Ruthe 2:11) Fa o ntse o ithuta motho yono, o se ka wa dira gore a ikutlwe a sa phuthologa, e bile o se ka wa itshunya nko mo dikgannyeng tsa gagwe.

9. Ha u sathu u ka lebesana ne wa u no shaka lobolana naye, wa ka fanila zibani ne kukwe?

⁹ O tshwanetse go tsaya lobaka lo lokae pele o bolelela motho gore o a mo rata? Fa o ka potlakela go mmolelela, o tla akanya gore ga o akanye sentle pele o dira tshwetso. (Diane 29:20) Mme fa o tsaya lobaka lo loleele thata, segolobogolo fa a lemogile gore o a mo kgatlhegela, a ka akanya gore o okaoka go dira ditshwetso. (Mor. 11:4) Nna o gopotse gore pele o bolelela motho gore o a mo rata, ga o ka ke wa itse gore a lo tla nyalana. Mme pele ga o ya kwa go ene, o tshwanetse go tlhatswega pelo gore o batla go nyala kgotsa go nyalwa le gore o tlhophile sentle.

10. Wa ka fanila thamani ha u bona kuti nthu u no ku da ngono i si kwa ka nginilila?

¹⁰ O ka dira eng fa o lemoga gore mongwe o a go kgatlhegela mme wena o sa ikutlwe jalo ka ene? O tshwanetse go bontsha ka tsela e o itshwarang ka yone gore ga o mo kgatlhegele. O ka mo utlwisa botlhoko fa o dira gore a akanye gore o batla go ratana le ene mme go sa nna jalo.​—1 Bakor. 10:24; Baef. 4:25.

11. Mu shango dzi no duma kuti nthu u no shakigwa wa a no lobolana naye, kwa ka fanila kumbuligwa zwithu zwipi?

¹¹ Mo dinageng tse dingwe, batsadi kgotsa bagolo ba bangwe ba tlhophela bana ba bone batho ba ba tla nyalanang le bone. Mme mo dinageng tse dingwe, ba lelapa kgotsa ditsala ba batlela motho, mongwe yo a ka nyalanang le ene, go tswa foo ba bo ba rulaganya gore ba kopane go bona gore a ba ka tshwanelana. Fa e le gore mongwe o go kopile gore o mmatlele mongwe yo a ka nyalanang le ene, itse gore boobabedi ba batla go nyalana le motho yo o ntseng jang. Fa o setse o bone mongwe yo o akanyang gore a ka tshwanela motho yoo, leka go itse gore ke motho yo o ntseng jang, o na le dinonofo dife, mme sa botlhokwa le go feta, o atamalane le Jehofa go le kana kang. Go atamalana le Jehofa go botlhokwa thata go feta gore motho o na le madi, o rutegile kgotsa gore o a itsege. Nna o gopotse gore kgaitsadi le mokaulengwe ba o lekang go ba kopanya, ke bone ba ba tshwanetseng go dira tshwetso ya gore a ba tla nyalana kgotsa nnyaa.​—Bagal. 6:5.

KU TANGISA KU DANA

12. Ha u shaka dana ne nthu, u nga nzibisa chini?

¹² Fa e le gore go na le mongwe yo o mo kgatlhegelang, o ka mmolelela jang gore o a mo rata?d O ka nna wa mo kopa gore lo bue mo lefelong le go nang le batho gone kgotsa ka founu. Mmolelele o sa potapote gore o a mo rata le gore o batla go mo itse botoka. (1 Bakor. 14:9) Mo neye nako ya go akanya ka kgang eo fa go tlhokega. (Diane 15:28) Mme fa e le gore ga a go kgatlhegele, amogela seo.

13. U nga zwibata chini ha nthu e lakidza kuti u no ku da? (Bakolosa 4:6)

¹³ O ka dira eng fa mongwe a go bolelela gore o a go rata? Bua le ene sentle e bile o mo tlotle ka gonne a ka tswa a ile a tshwanelwa ke go nna pelokgale gore a go bolelele gore o ikutlwa jang. (Bala Bakolosa 4:6.) Fa e le gore o tlhoka nako ya go akanya ka se a se buileng, mmolelele mme o se ka wa diega go mmolelela gore o ikutlwa jang. (Diane 13:12) Mme fa o sa mo kgatlhegele, mmolelele o sa potapote, mme o bue le ene sentle. Mokaulengwe mongwe wa kwa Austria yo o bidiwang Hans a re fa kgaitsadi mongwe a ne a mmolelela gore o a mo rata, ka yone nako eo o ile a mmolelela gore ga a mo kgatlhegele ka gonne a ne a sa batle gore a akanye gore ba ka ratana nako nngwe. Gape a re fa e sa le ka nako eo, o ile a nna kelotlhoko gore o dirisana le ene jang. Mme go tweng fa e le gore o kgatlhegela motho yo o go bolelelang gore o a go rata? O ka mmolelela gore o ikutlwa jang le gore ke eng se o se lebeletseng fa lo ratana. Dilo tse lo di lebeletseng di ka farologana go ikaegile ka ditso tsa lona le mabaka a mangwe.

BANGWE BA NGA BATSHA BAKIRISITI BA SI MU NDOBOLO CHINI?

14. Ti nga shingisa matama a ka tini ku batsha Bakirisiti ba si mu ndobolo?

¹⁴ Re ka kgothatsa jang Bakeresete ba ba iseng ba nyale kgotsa ba nyalwe? Tsela nngwe ke ka go nna kelotlhoko ka se re se buang. (Baef. 4:29) Re ka ipotsa go re: “A ke dira metlae ka bone? Fa ke bona mokaulengwe le kgaitsadi ba ba sa nyalanang ba tlotla, a ke akanya gore ba a ratana?” (1 Tim. 5:13) Mo godimo ga moo, ga re a tshwanela go dira gore Bakeresete ba ba iseng ba nyale kgotsa ba nyalwe, ba akanye gore go na le sengwe se se phoso ka bone. Hans yo re buileng ka ene mo serapeng se se fetileng a re: “Bakaulengwe bangwe ba a tle ba re, ‘O nyala leng? O setse o godile jaanong.’ Seo se ka dira gore batho ba ba iseng ba nyale kgotsa ba nyalwe ba ikutlwe ba se botlhokwa le gore ba ikutlwe ba patelesega go nyala kgotsa go nyalwa.” Go tla bo go le botoka gore re batle dilo tse dintle tse batho ba ba sa nyalang kgotsa ba ba sa nyalwang ba di dirang mme re ba akgole.​—1 Bathes. 5:11.

15. (a) Ku yenda ne nlayontewo u mu na Baroma 15:2, ta ka fanila kumbulilani ti sathu ti ka batsha nthu ku zwishakila nkhwinya we ndobolo? (Bona itshwantsho.) (b) Wa bonani chi nga ku batsha mu vidiyo?

¹⁵ O ka dira eng fa o akanya gore mokaulengwe mongwe le kgaitsadi mongwe ba ka tshwanelana? Baebele e a re re tshwanetse go akanyetsa ba bangwe. (Bala Baroma 15:2.) Bakaulengwe le bokgaitsadi ba le bantsi ga ba batle gore batho ba bangwe ba ba batlele batho ba ba ka nyalanang le bone. Ka jalo, re tshwanetse go tlotla tsela e ba ikutlwang ka yone. (2 Bathes. 3:11) Ba bangwe bone ba ka itumelela gore re ba thuse, le fa go ntse jalo ga re a tshwanela go dira jalo fa ba sa re kopa.e (Diane 3:27) Bakaulengwe le bokgaitsadi bangwe ga ba batle go kopanngwa ka tlhamalalo. Ka sekai, kgaitsadi mongwe wa kwa Germany yo o bidiwang Lydia, a re: “O ka rulaganya gore bakaulengwe le bokgaitsadi ba le mmalwa ba itapolose mmogo gore batho ba o akanyang gore ba a tshwanelana ba kopane. Go tswa foo, ba tla itirela tshwetso ya gore a ba tla ratana kgotsa nnyaa.”

16. Bakirisiti ba si mu ndobolo ba ka fanila kumbulilani?

¹⁶ Rotlhe fela, re ka tswa re nyetse kgotsa re sa nyala, re ka kgona go itumelela botshelo. (Pes. 128:1) Ka jalo, fa e le gore o batla go nyala mme ga o ise o bone motho yo o ka nyalanang le ene, tlhoma mogopolo mo tirelong ya ga Jehofa. Kgaitsadi mongwe wa kwa Macao yo o bidiwang Sin Yi a re: “Nako e o e fetsang o ise o nyale kgotsa o nyalwe gone jaanong, e khutshwane tota fa e bapisiwa le nako e o tla e fetsang le motho yo o tla nyalanang le ene kwa Paradaiseng. Ka jalo, dirisa nako e o nang le yone gone jaanong sentle.” Mme go tweng fa e le gore go na le motho yo o mo kgatlhegelang e bile lo setse lo simolotse go ratana? Mo setlhogong se se latelang, re tla bona gore lo ka dira ditshwetso tse di siameng jang fa lo ntse lo ratana.