NSHOLO WE ZWIDIYO 30
LUMBO 97 Lefoko la Modimo le Naya Botshelo
A u Nga Dwilila u Zwidiya mu Zwidiyo Zwe Kutanga Zwe Baibili?
“Ndizo ndakazwimisila kumukumbuludza misi yose ngekwe zwithu zwakajali, nenguba muzwiziba kakale mushinga nge buzhalo malebeswa amunawo.”—2 PIT. 1:12.
CHA KU NOWO LEBGWA NE KWACHO
Re tlile go bona gore dilo tse re ileng ra di ithuta fa re ne re simolola go ithuta Baebele di sa ntse di ka re tswela mosola jang gompieno.
1. Zwidiyo zwe Baibili zwa ka ku ama chini ha u tangisa u zwidiya malebeswa?
DITHUTO tsa ntlha tse re ileng ra di ithuta fa re ne re simolola go ithuta Baebele di ile tsa fetola matshelo a rona. Ka sekai, fa re sena go ithuta gore leina la Modimo ke Jehofa, re ile ra simolola go atamalana le ene. (Isa. 42:8) Fa re sena go ithuta gore go direga eng ka motho fa a sena go tlhokafala, ga re a ka ra tlhola re tshwenyega ka gore batho ba re ba ratang ba ba tlhokafetseng ba a boga. (Mor. 9:10) Gape fa re sena go ithuta gore Modimo o solofetsa gore o tla dira lefatshe Paradaise, ga re a ka ra tlhola re tshwenyega ka bokamoso. Re ne re tlhatswegile pelo gore ga re kitla re tlhola re tshela lobaka lo lokhutshwane lwa dingwaga di le 70 kgotsa 80, go na le moo re tla tshelela ruri.—Pes. 37:29; 90:10.
2. 2 Pita 1:12, 13 i no lakidza chini kuti ne Bakirisiti ba chi be ne chibaka chi lefu mu gubungano na ibo ba no sheta zwidiyo zwe Hwalo zwe kutanga?
2 Ga re a tshwanela go tsaya dithuto tsa ntlha tse re di ithutileng mo Baebeleng lotsatsa. Lekwalo la bobedi le moaposetoloi Petere a ileng a le kwala, o ne a le kwalela Bakeresete ba ba neng ba “ngangatletse boammaaruri.” (Bala 2 Petere 1:12, 13.) Mme gone, ka nako eo go ne go na le barutisi ba maaka mo phuthegong ba ba neng ba batla go faposa bakaulengwe mo boammaaruring. (2 Pet. 2:1-3) Petere o ne a batla go nonotsha bakaulengwe le bokgaitsadi gore ba itshireletse mo maakeng a a neng a rutiwa ke batho bao. Ka jalo, o ne a ba gopotsa dithuto dingwe tse ba neng ba setse ba di ithutile. Dithuto tseo di ne di tla ba thusa gore ba tswelele ba ikanyega go fitlha kwa bokhutlong.
3. Lakidza se kwa Bakirisiti bose ba ka fanila dwilila be kumbulila zwidiyo zwe kutanga zwe Baibili
3 Tota le fa re feditse dingwaga di le dintsi re direla Jehofa, dithuto tsa ntlha tse re di ithutileng mo Baebeleng di sa ntse di ka re tswela mosola. Ka sekai, motho yo o itseng go apaya le yo o ithutang go apaya ba ka newa dijo tse di tshwanang gore ba di apeye. Mme gone, motho yo o itseng go apaya o ile a fetsa lobaka lo loleele a ithuta go apaya dijo tseo ka ditsela tse di farologaneng gore di nne monate. Ka tsela e e tshwanang, batho ba ba feditseng dingwaga di le dintsi ba direla Jehofa, ba ka ithuta dilo tse di farologaneng mo ditemaneng tse batho ba ba simololang go ithuta Baebele ba di ithutang. Seo se ka direga jang? Fa re sena go kolobediwa, maemo a rona a ka tswa a ile a fetoga kgotsa re ka tswa re ile ra newa ditshiamelo dingwe mo tirelong ya ga Jehofa. Fa re akanya ka dithuto tse re ileng ra di ithuta mo nakong e e fetileng, re ka bona ditsela tse disha tse re ka di dirisang mo maemong a re lebanang le one. A re boneng gore batho ba ba feditseng lobaka lo loleele ba direla Jehofa ba ka ithuta eng mo dithutong tsa ntlha tse tharo.
JEHOVA NDIYE MBUMBI
4. Ku ziba kuti Jehova ndyei Mbumbi kwa ka ti ama chini?
4 Re a itse gore lefatshe le dilo tse di mo go lone, di bopilwe ke Mmopi yo o botlhale thata e bile a na le maatla. Baebele e a re: “Dilo tsotlhe di dirilwe ke Modimo.” (Baheb. 3:4) Mme gone, re ka ithuta go le gontsi mo kgannyeng eno. E re ka Jehofa a re bopile, o itse sengwe le sengwe ka rona. Gape o a re kgathalela e bile o itse se se re siametseng. Ka jalo, go itse gore Jehofa o bopile sengwe le sengwe go ile ga fetola botshelo jwa rona ka ditsela tse dintsi e bile go ile ga re thusa go itse gore re tshelela eng.
5. Malebeswa api a nga ti batsha kuti ti zwiyesa pasi? (Izaya 45:9-12)
5 Gape go itse gore Jehofa o bopile sengwe le sengwe go re ruta gore re tshwanetse go nna boikokobetso. Ka sekai, ka nakwana Jobe o ile a bua dilo tse di seng boammaaruri ka Jehofa. Ga a ka a tlhoma mogopolo mo dilong tse di neng di le botlhokwa, go na le moo o ile a leka go ipuelela gore ga go na sepe se se phoso se a se dirileng. Mme gone, Jehofa o ile a mo gopotsa gore ke ene Mothatayotlhe e bile o bopile sengwe le sengwe. (Jobe 38:1-4) Seo se ile sa thusa Jobe gore a lemoge gore sengwe le sengwe se Jehofa a se dirang, ka metlha se siame. Moragonyana moporofeti Isaia o ile a re batho ga ba a tshwanela go akanya gore ba botlhale go feta Mmopi wa bone.—Bala Isaia 45:9-12.
6. Ndi lini kwa ti nga kumbulila bumo gwa Jehova gu pezhugwi se Mbumbi wedu? (Bona zwitshwantsho.)
6 Fa motho a feditse dingwaga di le dintsi a direla Jehofa, a ka nna a simolola go ikaega thata ka se a se akanyang go na le go kopa Jehofa gore a mo thuse le go batla kgakololo mo Lefokong la Gagwe. (Jobe 37:23, 24) Mme gone, go akanyetsa kwa teng ka gore Jehofa ke Mmopi yo o botlhale thata le gore o na le maatla a magolo go ka mo thusa jang? (Isa. 40:22; 55:8, 9) Thuto eno ya botlhokwa e ka mo thusa gore a nne a ikokobeditse le gore a lemoge gore tsela e Jehofa a akanyang ka yone e botlhokwa thata go feta e ene a akanyang ka yone.
Ke eng se se ka re thusang go gopola gore tsela e Jehofa a akanyang ka yone e gaisa e rona re akanyang ka yone? (Bona serapa 6)d
7. Rahela wa ka thamani kuti a shandule zila ya a no linga zwithu nayo?
7 Go akanya gore Jehofa o bopile sengwe le sengwe go thusitse Rahela yo o nnang kwa Slovenia gore a amogele phetogo e ileng ya dirwa mo phuthegong. A re: “Ka dinako dingwe go ne go se motlhofo go amogela ditshwetso tse bakaulengwe ba ba re etelelang pele ba di dirileng. Ka sekai, tota le fa ke sena go lebelela Pego ya Bo8 e e Tswang Kwa Setlhopheng se se Laolang ya 2023, e e neng e tlhalosa gore bakaulengwe ba ka tlogela ditedu, ke ne ke sa ntse ke sa tlwaele go bona bakaulengwe ba neela dipuo ba sa beola ditedu. Ka jalo, ke ile ka kopa Jehofa gore a nthuse go amogela phetogo eo.” Rahela o ile a lemoga gore ka metlha Jehofa o itse tsela e e siameng ya go kaela phuthego ya gagwe ka gonne o bopile sengwe le sengwe. Fa e le gore o thatafalelwa ke go tlhaloganya kgotsa go amogela kaelo nngwe e re e newang, iphe nako ya go akanyetsa kwa teng ka gore Jehofa ke Mmopi yo o botlhale thata le gore o na le maatla a magolo.—Bar. 11:33-36.
LIBAKA GWE KU BE NDZIMU E DUMILILA KU DZIYIDZIKA
8. Ku ziba libaka gwe ku be Ndzimi e dumilila ku dziyidzika kwa ka ti batsha chini?
8 Goreng Modimo a letla batho gore ba boge? Batho ba ba sa itseng karabo ya potso eno ba galefela Modimo kgotsa ba dumela gore ga a yo! (Diane 19:3) Mme gone, wena o ithutile gore Jehofa ga se ene a dirang gore re boge. Go na le moo, boleo jo re bo ruileng ke jone jo bo dirang gore re lwale, re tsofale re bo re swe. Gape re boga ka ntlha ya dilo tse batho ba ba nang le boleo ba di dirang. Mo godimo ga moo, o ithutile gore Jehofa o pelotelele gore batho ba le bantsi ba kgone go mo itse le gore ba ithute gore o tlile go fedisa pogo jang. (2 Pet. 3:9, 15) Dithuto tseno di ile tsa go kgothatsa e bile di ile tsa dira gore o atamalane le Jehofa.
9. I zwimo zwipi zwa ti nga bona mabaka e ku be Jehova a ka dumilila ku dziyidzika?
9 Re tshwanetse go nna pelotelele fa re ntse re letetse Jehofa gore a fedise pogo. Mme gone, fa mongwe yo re mo ratang a tlhokafala kgotsa fa mongwe mo lelapeng a nna le mathata kgotsa a sa tshwarwe sentle, re ka nna ra hutsafala ka gonne re tsaya gore Jehofa o diega go fedisa pogo. (Hab. 1:2, 3) Mo maemong ao, go tla bo go le molemo gore re akanye ka mabaka a go bo Jehofa a letlelela batho ba ba siameng gore ba boge.a (Pes. 34:19) Gape re tshwanetse go gopola gore Jehofa o ikaeletse go fedisa pogo.
10. Anne wa ka mililana chini ne lufu gwa mmeyabe?
10 Go itse lebaka la go bo re boga go ka re thusa go itshoka. Anne yo o nnang kwa Mayotte kwa setlhaketlhakeng sa Indian Ocean, a re: “Ke ne ke utlwile botlhoko tota mo dingwageng di le mmalwa tse di fetileng fa Mama a ne a tlhokafala. Mme gone, ke nna ke ikgopotsa gore Jehofa ga se ene a dirang gore re boge. O batla go fedisa pogo e bile o tlile go tsosa batho ba re ba ratang ba ba tlhokafetseng. Go akanya ka dithuto tseno go nthusitse gore ke ritibale e bile go nkgothaditse.”
11. Mabaka e ku be Jehova a ka dumilila ku dziyidzika a nga ti batsha chini ku dwilila ti rera?
11 Go itse lebaka la go bo Modimo a letleletse batho gore ba boge go ka re rotloetsa gore re tswelele re rera. Fa Petere a sena go tlhalosa gore Jehofa o pelotelele ka gonne a batla gore batho ba ikwatlhaye le gore ba bolokwe, o ne a re: “Elang tlhoko gore lo tshwanetse go nna batho ba mofuta ofe! Lo tshwanetse go dira ditiro tse di boitshepo e bile tsela e lo itshwarang ka yone e tshwanetse go bontsha gore lo ineetse mo Modimong.” (2 Pet. 3:11) Sengwe sa dilo tse re ka di dirang go bontsha gore re “ineetse mo Modimong” ke go rera. Fela jaaka Rraarona, re rata batho. Re batla gore le bone ba tshele mo lefatsheng le lesha le Modimo a le solofeditseng. Jehofa o naya batho ba mo lefelong la lona tshono ya gore ba mo obamele. Ka jalo, o na le tshiamelo e e itumedisang ya go dira mmogo le Jehofa le go thusa batho ba le bantsi kafa go ka kgonegang ka gone pele bokhutlo bo tla!—1 Bakor. 3:9.
TO CHILA MU “MAZHUBA E BUPELO”
12. Ku ziba kuti to chila mu “mazhuba e bupelo” kwa ka ti batsha chini?
12 Baebele e opa kgomo lonaka fa e tlhalosa tsela e batho ba neng ba tla itshwara ka yone “mo malatsing a bofelo.” (2 Tim. 3:1-5) Fa re leba batho ba re tshelang le bone, re a lemoga gore se Baebele e se buang se boammaaruri. Re a bona gore tsela e batho ba itshwarang ka yone e nna maswe le go feta, seno se dira gore re tshepe Baebele.—2 Tim. 3:13-15.
13. Ku yendidzana ne chifaniso cha Jesu chi mu na Luka 12:15-21, ti nga zwibuzwa buzo dzipi?
13 Gape go itse gore re tshela mo malatsing a bofelo go ka re thusa gore re dirise nako ya rona sentle. Setshwantsho sa ga Jesu se se mo go Luke 12:15-21 (E bale.), se ka re thusa go bona lebaka la go bo go dira jalo go le botlhokwa. Goreng monna yo o humileng a ne a bidiwa “seeleele”? O ne a sa bidiwe jalo ka gonne a ne a humile, go na le moo o ne a bidiwa “seeleele” ka gonne a ne a sa dirise nako ya gagwe sentle. O ne a ipolokela “letlotlo mme a sa huma mo matlhong a Modimo.” Go dira jalo go ne go sa siama ka gonne o ne a saletswe ke nako e khutshwane fela. Modimo o ile a mo raya a re: “Mo bosigong jono o tlile go swa.” Setshwantsho seno se ka re thusa jang? Le rona re saletswe ke nako e khutshwane fela pele bokhutlo bo tla. Ka jalo, go botoka gore re ipotse go re: ‘A mekgele e ke ipeetseng yone e bontsha gore ke dirisa nako ya me ka botlhale? Ke mekgele efe e ke thusang banake gore ba ipeele yone? A ke dirisa maatla, nako le dilo tse ke nang le tsone go ipolokela matlotlo mo lefatsheng leno kgotsa go ipolokela matlotlo kwa legodimong?’
14. Se kwa ku lakidziwa mu na cha ka shingikalila Miki, ini kwa ka fanila kuti ti kumbulile mabaka e Hwalo e kuti to chila mu mazhuba e bupelo?
14 Go akanyetsa kwa teng ka gore re tshela mo malatsing a bofelo, go ka re thusa go dira ditshwetso tse di siameng. Seo ke se kgaitsadi mongwe yo o bidiwang Miki a ileng a se dira. A re: “Fa ke fetsa sekolo, ke ne ke batla tiro e e neng e tla dira gore ke nne ke ithuta ka diphologolo, gape ke ne ke batla go nna mmulatsela wa ka metlha le go direla kwa go neng go tlhokega baboledi gone. Bakaulengwe le bokgaitsadi bangwe mo phuthegong ya rona ba ile ba nkopa gore ke akanyetse kwa teng ka gore a ke tla kgona go dira tiro eo mme gape ke bo ke nna mmulatsela kgotsa ke direla kwa go tlhokegang baboledi gone. Ba ile ba nkgopotsa gore go ise go ye kae, lefatshe leno le tlile go fedisiwa le gore kwa lefatsheng le lesha ke tla nna le nako e ntsi ya go ithuta ka diphologolo tse di farologaneng. Ka jalo, ke ile ka dira tshwetso ya go dira khoso e e sa tseyeng lobaka lo loleele. Khoso eo e ile ya dira gore ke bone tiro e e neng ya nthusa gore ke kgone go nna mmulatsela wa ka metlha le gore ke fudugele kwa Ecuador, kwa go neng go tlhokega baboledi gone.” Gone jaanong Miki le monna wa gagwe ba mo tirong ya potologong kwa nageng eo.
15. Bathu ba nga na ba ka dwilila be linga ndebo mbuya ne zila ya ka tini? Lakidzila. (Bona zwitshwantsho.)
15 Ga re a tshwanela go kgobega marapo fa batho ba sa reetse molaetsa wa dikgang tse di molemo. Batho ba ka fetoga. Akanya ka se se ileng sa diragalela monnawe Jesu e bong Jakobe. O godile le Jesu, a mmona fa e nna Mesia le fa a ne a ruta ka tsela e go seng motho ope a ka rutang ka yone. Go ile ga feta dingwaga Jakobe e se morutwa wa ga Jesu, mme fa Jesu a sena go tsosiwa, o ile a nna morutwa wa gagwe. Tota e bile, e ne e le morutwa yo o matlhagatlhaga!b (Joh. 7:5; Bagal. 2:9) Go botlhokwa thata gore re se ka ra tlhoboga ba masika a rona ba ba iseng ba amogele molaetsa wa Bogosi, e bile re tshwanetse go nna re rerela batho ba ba ileng ba gana go re reetsa. Nna o gopotse gore re tshela mo malatsing a bofelo, ka jalo tiro ya go rera e potlakile. Fa nako e ntse e tsamaya, batho ba ka nna ba akanya ka se re neng re ba bolelela sone ba bo ba se dirisa. Gongwe e bile seo se ka direga fa pitlagano e kgolo e sena go simologa.c
Ke eng se se ka re thusang gore re se ka ra tlhoboga ba masika a rona ba e seng Basupi? (Bona serapa 15)e
DWILILANI MU SHATHILA NDAWULO DZA JEHOVA
16. Wa ka batshiwa chini ne ku hwilila ndawulo ya Jehova? (Bona box li noti “Di Dirise go Thusa Batho ba Bangwe.”)
16 Tshedimosetso nngwe e re e rutiwang e diretswe batho ba ba sa itseng go le kalo ka Baebele. Ka sekai, dipuo tsa phatlalatsa tse di neelwang beke le beke, ditlhogo le dibidio dingwe tse di mo jw.org mmogo le dimakasine tsa batho botlhe, di diretswe batho ba e seng Basupi. Le fa go ntse jalo, le rona di re tswela mosola. Di dira gore re rate Jehofa le go feta, re tswelele re tshepa Baebele e bile di re thusa go tokafatsa tsela e re rutang ba bangwe ka yone.—Pes. 19:7.
17. Ndi mu mabaka api kwa u nga kumbulila zwidiyo zwe Baibili zwe kutanga?
17 Re itumela tota fa tsela e re neng re tlhaloganya dithuto dingwe tsa Baebele e tokafadiwa. Mme gape re lebogela dithuto tsa botlhokwa tse re di ithutileng fa re simolola go ithuta Baebele e bile di re thusitse gore re atamalane le Jehofa. Jaaka re bone, dithuto tseno di sa ntse di ka re thusa le gone jaanong. Fa re newa kaelo nngwe mo phuthegong mme re akanya gore tsela e re dirang dilo ka yone ke yone e e siameng, re a ikokobetsa fa re gopola gore Jehofa, yo e leng Mmopi yo o botlhale thata e bile a na le maatla a magolo ke ene a kaelang phuthego ya gagwe. Go akanya ka mabaka a go bo Jehofa a letlelela batho gore ba boge, go thusa rona le batho ba re ba ratang go nna pelotelele gore re kgone go itshokela diteko. Fa re gopola gore re tshela mo malatsing a bofelo, re tla dirisa nako le dilo tse re nang le tsone ka botlhale. E kete dikgakololo tse Jehofa a re nayang tsone di ka tswelela di dira gore re nne botlhale le go re thusa gore re nne re mo direla ka boikanyegi.
LUMBO 95 Lesedi le Phatsimela Pele
a Bala setlhogo se se reng, “Lebaka La go Bo Pogo Yotlhe e Tloga e Fela” se se mo makasineng wa Tora ya Tebelo wa May 15, 2007, ts. 21-25.
c Bala setlhogo se se reng, “Goreng re sa Belaele Gore Jehofa o Tla Atlhola Sentle?” se se mo makasineng wa Tora ya Tebelo wa May 2024 ts. 8-13.
d TLHALOSO YA DITSHWANTSHO: Setlhopha sa bagolwane ga se dumalane le kakantsho e mogolwane mongwe a e buileng. Moragonyana, fa mogolwane yoo a sena go leba dinaledi, o a lemoga gore tsela e Jehofa a lebang dilo ka yone e botlhokwa go feta e ene a lebang dilo ka yone.
e TLHALOSO YA SETSHWANTSHO: Fa kgaitsadi a ntse a ithuta a le nosi, o sekaseka bosupi jo bo bontshang gore re tshela mo malatsing a bofelo. Seno se mo rotloetsa gore a founele ausi wa gagwe, mme a mo rerele.