Watchtower LAIBURARI I MU INTERNET
Watchtower
LAIBURARI I MU INTERNET
Kalanga (Botswana)
  • BAIBILI
  • DZITSHAMBISO
  • ZWIDIYO ZWE GUBUNGANO
  • w25 August z. 2-7
  • Se Kwa Jehova e ti Batsha ku Dzikitadza

Vidio ya wa shalula ha ipo.

U ti zwibatigwe, vidio ha izo ngina zwibuyanana.

  • Se Kwa Jehova e ti Batsha ku Dzikitadza
  • Thungamakole i no Zibisa Bushe gwa Jehova (Ye ku Zwidiya)—2025
  • Mishogwana
  • Zwino Yendidzana
  • NTEMBEZELO
  • DAMA LE NDZIMU
  • BAZWALANI NE DZIAZWADZI
  • THEMBO YEDU
  • Ziba Kuti Jehova I “Ndzimu u no Chila”
    Thungamakole i no Zibisa Bushe gwa Jehova (Ye ku Zwidiya)——2024
  • Amuchila Kuti ha u Nga Zibe Chingwe ne Chingwe
    Thungamakole i no Zibisa Bushe gwa Jehova (Ye ku Zwidiya)—2025
  • Likwalo gu Nga ti Batsha ku Dzikitadza ta ka Simisa ku no ti ku Bupelo
    Thungamakole i no Zibisa Bushe gwa Jehova (Ye ku Zwidiya)——2024
  • Jehova u no Podza “ba ka Nyalamoyo”
    Thungamakole i no Zibisa Bushe gwa Jehova (Ye ku Zwidiya)——2024
Bona Zwingwe
Thungamakole i no Zibisa Bushe gwa Jehova (Ye ku Zwidiya)—2025
w25 August z. 2-7

NSHOLO WE ZWIDIYO 32

LUMBO 38 O Tla go Nonotsha

Se Kwa Jehova e ti Batsha ku Dzikitadza

“Ndzimu we ngoni dzose . . . unowomuthama bakapelela, ukamubaka, ukamusimisa.”​—1 PIT. 5:10.

CHA KU NOWO LEBGWA NE KWACHO

Re tlile go tlotla ka dilo tse Jehofa a re neileng tsone go re thusa go itshoka le gore re ka di dirisa jang.

1. Ini ku sheteka kuti ti dzikitadze, ngono ti nga batshiwa neni? (1 Pita 5:10)

MO MALATSING ano a bofelo, batho ba Modimo ba tlhoka go itshoka. Bangwe ba na le malwetse a a sa foleng. Ba bangwe ba tlhokafaletswe ke mongwe yo ba neng ba mo rata thata. Mme ba bangwe bone ba bogisiwa ke ba malapa a bone kgotsa balaodi. (Math. 10:18, 36, 37) Tlhatswega pelo gore Jehofa o tla go thusa go itshokela mathata ape fela a o ka tswang o lebana le one.​—Bala 1 Petere 5:10.

2. Bukhoni gwedu gwe ku dzikitadza se Bakirisiti go dwa ngayi?

2 Go itshoka go kaya go ikanyega mo go Jehofa le go mo direla re itumetse le fa gone re lebana le mathata, re bogisiwa kgotsa re raelesega go dira boleo. Gore re kgone go itshoka, gape re tshwanetse go dumela gore dilo di tla nna botoka. Re kgona go itshoka fela ka gonne Jehofa a re naya “maatla a a sa tlwaelegang.” Ntle le ene, re ka se kgone go itshoka. (2 Bakor. 4:7) Mo setlhogong seno, re tlile go tlotla ka dilo tse nnê tse Jehofa a re neileng tsone tse di tla re thusang go itshoka. Gape re tla bona gore re ka di dirisa jang gore di kgone go re tswela mosola.

NTEMBEZELO

3. Ini ti nga ti ntembezelo i zila i no chenamisa ye ku lebesana?

3 Jehofa o dirile kgakgamatso e e re thusang gore re kgone go itshoka. O dirile gore re kgone go bua le ene le fa gone re le baleofi. (Baheb. 4:16) Ka sekai, re kgona go bua le Jehofa ka thapelo ka nako nngwe le nngwe le ka mathata ape fela a re ka tswang re lebana le one. O kgona go re utlwa le fa re ka tswa re bua puo efe, re le kwa lefelong lefe, re le kgakala le batho kgotsa re le kwa kgolegelong. (Jona 2:1, 2; Dit. 16:25, 26) Fa re tshwenyegile thata e bile re sa kgone go bolelela Jehofa tsela e re ikutlwang ka yone, ene o kgona go tlhaloganya se re batlang go mmolelela sone. (Bar. 8:26, 27) Ruri thapelo ke kgakgamatso!

4. Ini ti nga ti mitembezelo yedu ye ku dzikitadza i no dumana ne ku da kwa Jehova?

4 Jehofa o dirisa Lefoko la gagwe go re tlhomamisetsa gore “sepe fela se re se kopang go dumalana le thato ya gagwe, o a re utlwa.” (1 Joh. 5:14) A re ka kopa Jehofa gore a re thuse go itshoka? Ee! Go dira jalo go dumalana le thato ya gagwe. Goreng re rialo? Ka gonne fa re itshokela mathata, Jehofa o tla kgona go araba Satane. (Diane 27:11) Mo godimo ga moo, Baebele e a re Jehofa o swegaswega pelo ‘go bontsha maatla a gagwe ka go thusa batho ba ba mo direlang ka pelo yotlhe.’ (2 Ditir. 16:9) Ka jalo, tlhatswega pelo gore o batla go re thusa e bile o na le maatla a go dira jalo.​—Isa. 30:18; 41:10; Luke 11:13.

5. Ntembezelo u nga ti gadzikanya nkumbulo chini? (Izaya 26:3)

5 Baebele e a re fa re rapela ka tlhoafalo re bolelela Jehofa se se re tshwenyang, o tla re naya “kagiso e batho ba ka se kgoneng go e tlhaloganya, mme ka tsela eo o tla disa dipelo tsa [rona] le megopolo ya [rona].” (Bafil. 4:7) Akanya gore seo se raya eng. Batho ba ba sa direleng Jehofa le bone ba na le mathata. Bontsi jwa bone ba leka go dirisa mekgwa e e farologaneng gore ba ritibale kgotsa ba lebale mathata a bone. Ka sekai, bangwe ba akanyetsa kwa teng ka boikaelelo jwa go ntsha sengwe le sengwe se se mo mogopolong, go akaretsa le dilo tse di ba tlhobaetsang. Fa motho a dira jalo e bile a sa kgone go laola mogopolo wa gagwe, a ka laolwa ke madimona. Seo se kotsi tota. (Bapisa le Mathaio 12:43-45.) Tota e bile, kagiso e Jehofa a re nayang yone fa re rapela e feta kgakala kagiso e batho ba ka e bonang fa ba dirisa mekgwa mengwe gore ba ritibale. Fa re rapela Jehofa re bontsha gore re mo tshepa ka pelo yotlhe. Go tswa foo, o dira gore re ‘tswelele re na le kagiso.’ (Bala Isaia 26:3.) Tsela nngwe e Jehofa a re nayang kagiso ka yone ke ka go re thusa go gopola ditemana tse di ka re gomotsang. Ditemana tseo di re gopotsa gore o a re rata le gore o batla go re thusa. Ka jalo, re a ritibala.​—Pes. 62:1, 2.

6. U nga shingisa ntembezelo ne zila ya ka pelela chini? (Bona itshwantsho.)

6 Se o ka se dirang. Fa o na le mathata, “latlhela mokgweleo wa gago mo go Jehofa” mme o mo kope gore a go neye kagiso. (Pes. 55:22) Gape mo kope gore a go neye botlhale gore o itse gore o ka dira eng. (Diane 2:10, 11) Mo godimo ga moo, o se ka wa lebala go leboga Jehofa fa o rapela. (Bafil. 4:6) Akanya ka ditsela tse Jehofa a go thusang ka tsone letsatsi le letsatsi gore o itshoke, mme o lebogele go bo a go thusa le go bo a go naya dilo tse dintle. Le fa o ka tswa o boga ka ntlha ya mathata a o lebanang le one, o se ka wa lebala dilo tse dintsi tse Jehofa a setseng a go diretse tsone.​—Pes. 16:5, 6.

Mokaulengwe yo o godileng o ntse mo ntlong e bile o a rapela go le mariga. O beile Baebele mo diropeng, mme gaufi le ene go na le tafole e e nang le lebotlolo la dipilisi.

Fa o rapela, o bua le Jehofa. Fa o bala Baebele, Jehofa o bua le wena (Bona serapa 6)b


DAMA LE NDZIMU

7. Ku zwidiya Baibili ku nga ti batsha chini ku khona ku dzikitadza?

7 Jehofa o re neile Lefoko la gagwe go re thusa gore re itshoke. Baebele e na le ditemana tse dintsi tse di re tlhomamisetsang gore Jehofa o tla re thusa. Ka sekai, Mathaio 6:8 e a re: “Rraalona o itse dilo tse lo di tlhokang le pele ga lo di mo kopa.” Jesu ke ene a neng a bua mafoko ano, e bile o itse Jehofa go feta motho ope fela. Ka jalo, fa re boga ga re belaele gore Jehofa o itse se re se tlhokang le gore o tla re thusa. Go na le ditemana tse dingwe tse dintsi mo Baebeleng tse di tshwanang le eno tse di re bontshang gore Jehofa o tla re naya maatla a re a tlhokang gore re itshokele mathata.​—Pes. 94:19.

8. (a) I nlayontewo upi we Baibili u nga ku batsha ku dzikitadza. (b) Ini chi nga ti batsha ku kumbula milayontewo ye Baibili mu chibaka cha ti no i sheta?

8 Melaometheo ya Baebele e ka re thusa go itshoka. E ka re thusa gore re nne le botlhale jo re bo tlhokang gore re dire ditshwetso tse di siameng. (Diane 2:6, 7) Ka sekai, Baebele e re kgothaletsa gore re se ka ra tlhobaela ka se se tla diregang mo nakong e e tlang, go na le moo re ikaege ka Jehofa letsatsi le letsatsi. (Math. 6:34) Fa re bala Baebele letsatsi le letsatsi e bile re akanyetsa kwa teng ka se re se balang, go tla nna motlhofo gore re gopole melaometheo ya Baebele e e ka re thusang fa re batla go dira tshwetso kgotsa go itse gore re ka itshokela bothata bongwe jang.

9. Chi no legwa ne Baibili chi nga simisa thembo yedu mu na Jehova chini?

9 Gape Baebele e bua ka batho ba ba tshwanang le rona ba ba neng ba tshepa Jehofa, ba a ileng a ba thusa. (Baheb. 11:32-34; Jak. 5:17) Fa re akanyetsa kwa teng ka gore Jehofa o ile a ba thusa jang, re tla tshepa gore le rona o tla re thusa. Jehofa ke “botshabelo le nonofo ya rona, thuso e e bonwang motlhofo ka dinako tsa matshwenyego.” (Pes. 46:1) Fa re akanyetsa kwa teng ka batlhanka ba Modimo ba ba ikanyegang ba mo nakong e e fetileng, re tlhotlheletsega go nna le tumelo le go itshoka fela jaaka bone.​—Jak. 5:10, 11.

10. U nga shingisa Dama le Ndzimu ne zila ya ka pelela chini?

10 Se o ka se dirang. Bala Baebele letsatsi le letsatsi mme o kwale ditemana tse di ka go thusang. Bakaulengwe le bokgaitsadi ba le bantsi ba bala temana ya letsatsi mo mosong, seo se ba thusa gore ba akanye ka sengwe se se kgothatsang letsatsi lotlhe. Kgaitsadi mongwe yo o bidiwang Mariea yo o neng a oka batsadi ba gagwe ba ba neng ba tloga ba tlhokafala o ile a dira jalo. Batsadi ba gagwe ba ile ba tshwarwa ke kankere ka nako e le nngwe. A re: “Letsatsi le letsatsi mo mosong ke ne ke bala temana e e tswang mo bukaneng ya Go Tlhatlhoba Dikwalo ka Malatsi Otlhe ke bo ke akanyetsa kwa teng ka se ke ithutileng sone mo go yone. Seo se ne se nthusa gore letsatsi le letsatsi ke akanye ka Jehofa le ka dilo tse dintle tse a re rutang tsone mo Lefokong la gagwe, go na le go nnela go akanya ka mathata a ke nang le one.”​—Pes. 61:2.

BAZWALANI NE DZIAZWADZI

11. Ini ku ti simisa ku ziba kuti ha te ti li toga mu ku mililana ne dzindiko?

11 Jehofa o re neile bakaulengwe le bokgaitsadi mo lefatsheng lotlhe go re thusa go itshoka. Go a gomotsa go itse gore ‘bakaulengwe botlhe ba rona mo lefatsheng ba boga jaaka re boga.’ (1 Pet. 5:9) Seo se raya gore ba na le mathata a le rona re lebanang le one, mme ba tswelela ba ikanyega mo go Jehofa. Ka jalo, re ka tlhomamisega gore le rona re ka kgona go itshoka!​—Dit. 14:22.

12. Bazwalani ne dziazwadzi ba nga ti batsha chini, ngono ti nga ba batsha neni? (2 Bakorinta 1:3, 4)

12 Bakaulengwe le bokgaitsadi ba ka re thusa go itshoka. Seo ke se se ileng sa diragalela moaposetoloi Paulo. Mo makwalong a a ileng a a kwala, o umaka maina a Bakeresete ba ba ileng ba mo thusa fa a golegilwe mo ntlong, e bile o ile a ba leboga. Bakaulengwe le bokgaitsadi bao ba ile ba mo gomotsa, ba mo kgothatsa ba bo ba mo naya dilo tse a neng a di tlhoka. (Bafil. 2:25, 29, 30; Bakol. 4:10, 11) Le rona gompieno re ka diragalelwa ke se se tshwanang. Bakaulengwe le bokgaitsadi ba ka re thusa e bile le rona re ka ba thusa gore ba itshoke ka dinako tsa mathata.​—Bala 2 Bakorintha 1:3, 4.

13. Azwadzi Maya wa ka batshiwa neni ku dzikitadza?

13 Ka 2020, mapodise a kwa Russia a ile a tsena ka tshoganyetso mo ntlong ya kgaitsadi mongwe yo o bidiwang Maya ba bo ba e phuruphutsha. Go tswa foo, o ile a tshwanelwa ke go ya kwa kgotlatshekelo gore a ye go femela se a se dumelang. Maya a re bakaulengwe le bokgaitsadi ba ile ba mo kgothatsa fa go ne go le thata. A re: “Mo dinakong tseo tse di thata, ke ne ke lapile, ke tlhobaela e bile ke hutsafetse. Mme bakaulengwe le bokgaitsadi ba ne ba nfounela, ba nthomelela melaetsa le makwalo. Seo se ne sa ntlhomamisetsa gore ba ne ba nthata fela thata. Ke ne ke itse gore bakaulengwe le bokgaitsadi ba a nthata e bile re lelapa, mme fa e sa le ka 2020 ke tlhatswegile pelo le go feta ka seo.”

14. Bazwalani ne dziazwadzi ba nga ti batsha chini ku khona ku dzikitadza? (Bona itshwantsho.)

14 Se o ka se dirang. Fa o itshoketse teko nngwe, go botlhokwa thata gore o bue le bakaulengwe le bokgaitsadi le gore o fetse nako le bone. O se ka wa okaoka go kopa bagolwane thuso. Ba ka nna jaaka “lefelo la go iphitlhela phefo, botshabelo fa go le pula ya matsubutsubu.” (Isa. 32:2, ntlh.) Gopola gore bakaulengwe le bokgaitsadi ba bangwe le bone ba itshoketse diteko dingwe. Ka jalo, fa o direla mongwe sengwe se a se tlhokang, o tla itumela e bile seo se tla go thusa gore o itshokele teko e o lebanang le yone.​—Dit. 20:35.

Mokaulengwe yo o godileng yo o mo setshwantshong se se fetileng o ntse mo ntlong ka paka ya dikgakologo, o tlotla le banyalani bangwe le bana ba bone ba babedi ba basetsana. Gaufi le ene go na le thobane le mabotlolo a le mmalwa a dipilisi. Mongwe wa basetsana o mmontsha setshwantsho sa Paradaise se a se toroileng.

Fetsa nako le bakaulengwe le bokgaitsadi (Bona serapa 14)c


THEMBO YEDU

15. Ku be ne thembo kwa ka batsha bathu ba na ku galamoyo chini, kose na Jesu? (Bahebera 12:2)

15 Go itse gore dilo tse Jehofa a re solofetsang tsone di tlile go direga, go re thusa go itshoka. (Bar. 15:13) Gopola gore Jesu o ile a kgona go itshokela maemo a a thata fa a ne a le mo lefatsheng ka gonne o ne a lebile pele go bona Jehofa a dira dilo tse a neng a mo solofeditse tsone. (Bala Bahebera 12:2.) Jesu o ne a itse gore fa a ne a ka tswelela a ikanyega, o ne a tlile go bontsha gore dilo tse Satane a neng a di bua ka Jehofa ke maaka le gore Jehofa o tshwanelwa ke go tlotlomadiwa. Gape Jesu o ne a lebile pele go boela kwa go Rraagwe kwa legodimong, e bile o ne a lebile pele kwa nakong ya fa a ne a tla bo a busa mmogo le bomorwarraagwe ba ba tloditsweng. Ka tsela e e tshwanang, tsholofelo ya go tshelela ruri kwa lefatsheng le lesha e re thusa go itshokela mathata ape fela a lefatshe la ga Satane le re tlisetsang one.

16. Ku galamoyo kwa ka batsha azwadzi nngwe chini ku dzikitadza, ngono u no zwidiyani mu na cha a ka leba?

16 Akanya kafa tsholofelo ya go tshela kwa lefatsheng la paradaise e ileng ya thusa ka gone kgaitsadi mongwe wa kwa Russia yo o bidiwang Anna. Monna wa gagwe o ile a tshwarwa a bo a tsenngwa mo kgolegelong fa a sa ntse a letetse go sekisiwa. Ka nako eo, Anna o ne a re: “Ke rapela Jehofa ka metlha ka tsholofelo e a re neileng yone, e bile ke akanyetsa kwa teng ka bokamoso. Seo se nthusa gore ke se ka ka kgobega marapo thata. Ke a itse gore mathata a ke lebanang le one a tlile go fela. Jehofa o tla fenya baba ba gagwe mme o tla re segofatsa.”

17. Ti nga lakidza chini kuti to bokela thembo ya ti no piwa ne Baibili? (Bona itshwantsho.)

17 Se o ka se dirang. Iphe nako ya go akanyetsa kwa teng ka dilo tse Jehofa a re solofetsang tsone. Leka go ipona o le kwa lefatsheng le lesha o na le ditsala le ba lelapa e bile mongwe le mongwe a itumetse. Diteko tse re lebanang le tsone gone jaanong ke tsa ‘nakwana e bile di motlhofo’ fa di bapisiwa le go tshelela ruri kwa paradaiseng. (2 Bakor. 4:17) Gape dira sotlhe se o ka se kgonang go bolelela ba bangwe ka dilo tse Jehofa a solofetsang gore o tla re direla tsone. Leka go akanya gore botshelo jwa batho ba ba sa direleng Jehofa bo thata go le kana kang ka gonne ba sa itse sepe ka dilo tse Jehofa a reng o tla re direla tsone mo nakong e e tlang. Le fa o ka ba bolelela ka dilo di le mmalwanyana fela, seo se ka ba tlhotlheletsa gore ba batle go itse mo go oketsegileng ka Bogosi Jwa Modimo le ka dilo tse a re solofetsang tsone.

Mokaulengwe yo o godileng o ntse mo ntlong ka paka ya letlhabula e bile o akanya ka setshwantsho sa Paradaise se se mo thaboleteng. Gaufi le ene go na le tshipi e e mo thusang go tsamaya le mabotlolo a le mantsi a dipilisi.

Iphe nako ya go akanya ka dilo tse dintle tse Jehofa a re solofetsang tsone (Bona serapa 17)d


18. Ini ti nga themba cha ti no thembesiwa na Jehova?

18 Fa Jobe a sena go itshokela mathata a le mantsi ka boikanyegi, o ne a raya Jehofa a re: “Jaanong ke a itse gore o kgona go dira dilo tsotlhe e bile ga go na sepe se o akanyang go se dira se se ka go palelang.” (Jobe 42:2) Jobe o ile a lemoga gore ga go na sepe se se ka thibelang Jehofa go dira se a se solofeditseng. Fa le rona re gopola gore Jehofa o tlile go dira se a se solofeditseng le gore o tlile go tlosa mathata a re lebanang le one, seo se tla re thusa gore re itshoke. Ka sekai, a re re mosadi mongwe o kgobegile marapo ka gonne a ile kwa dingakeng tse dintsi mme di sa kgona go mo thusa. Go tswa foo, o bona ngaka e e nang le dingwaga di le dintsi e dira tiro eno e bile e ikanyega. Ngaka eo e mmolelela gore ke eng se se dirang gore a lwale le gore o tla mo thusa. Ka yone nako eo, o a itumela le fa gone go ka tsaya lobaka lo loleele gore a fole. O kgona go itshokela bolwetse jwa gagwe ka gonne a itse gore o tla fola. Ka tsela e e tshwanang, le rona re ka kgona go itshoka ka gonne re itse gore re tla tshela kwa lefatsheng la Paradaise le Jehofa a le solofeditseng.

19. To shetani kuti ti khone ku dzikitadza?

19 Jaaka re bone, Jehofa o re thusa go itshokela mathata ape fela a re ka lebanang le one. O dirisa thapelo, Baebele, bakaulengwe le bokgaitsadi le tsholofelo e re nang le yone. Fa re dira sotlhe se re ka se kgonang go dirisa dilo tseno tse a re nayang tsone, o tla re thusa go itshokela mathata ape fela a re ka tswang re lebane le one, go fitlha ka nako ya fa lefatshe leno la ga Satane le mathata a re nang le one a tla bong a sa tlhole a le teng.​—Bafil. 4:13.

JEHOVA U NO TI BATSHA CHINI E SHINGISA . . .

  • ntembezelo ne Dama lile?

  • bazwalani ne dziazwadzi?

  • thembo yedu?

LUMBO 33 Latlhela Mokgweleo wa Gago mo go Jehofa

a Maina mangwe mo setlhogong seno a fetotswe.

b TLHALOSO YA SETSHWANTSHO: Mokaulengwe yo o godileng o itshoka ka boikanyegi fa dipaka di ntse di feta.

c TLHALOSO YA SETSHWANTSHO: Mokaulengwe yo o godileng o itshoka ka boikanyegi fa dipaka di ntse di feta.

d TLHALOSO YA SETSHWANTSHO: Mokaulengwe yo o godileng o itshoka ka boikanyegi fa dipaka di ntse di feta.

    Tshambiso Dze Ikalanga (2008-2025)
    Buda
    Ngina
    • Kalanga (Botswana)
    • Tumila
    • Zwa u no da
    • Copyright © 2025 Watch Tower Bible and Tract Society of Pennsylvania
    • Milayo ye ku Shingisa
    • Nlayo u no Bakilila
    • Privacy Settings
    • JW.ORG
    • Ngina
    Tumila