Amuchila Ludo Gwa Jehova

1. Ini wa ka pa Jehova buchilo gugo? (Bona itshwantsho.)

A O GOPOLA nako ya fa o ne o ineela mo go Jehofa? O ile wa dira jalo ka gonne o ile wa ithuta ke ene o bo simolola go mo rata. O ne wa mo solofetsa gore go mo direla e tla nna selo sa botlhokwa thata mo botshelong jwa gago le gore o tla tswelela o mo rata ka pelo yotlhe, ka moya otlhe, ka mogopolo otlhe le ka nonofo ya gago yotlhe. (Mar. 12:30) Fa e sa le ka nako eo, tsela e o mo ratang ka yone e ile ya gola. Mme gone, fa mongwe a ne a ka go botsa go re: “A tota o rata Jehofa?” Ga go pelaelo gore o ne o tla mo raya o re: “Ga go na sepe kgotsa ope yo ke mo ratang go feta Jehofa!”

2-3. Jehova u no shaka kuti ti amuchileni, ngono towo zwidiyani mu chidiyo ichechi? (Jeremiya 31:3)

² Mme gone, o ne o ka reng fa mongwe a ne a ka go botsa go re: “A o tlhomamisegile gore Jehofa o a go rata?” A o ne o tla etsaetsega go mo araba, gongwe o akanya gore ga o tshwanelege go ratiwa ke Jehofa? Kgaitsadi mongwe yo o neng a sa ratiwe fa a tla a gola, a re: “Ke rata Jehofa ka pelo ya me yotlhe. Ke tlhatswegile pelo ka seo. Mme go le gantsi ke a tle ke ipotse gore a Jehofa o a nthata.” Jehofa o ikutlwa jang ka wena?

³ Jehofa o batla gore o tlhatswege pelo gore o a go rata. (Bala Jeremia 31:3.) Boammaaruri ke gore Jehofa o go gogetse kwa go ene. Fa o ne o ineela mo go ene o bo o kolobediwa, o ile a go naya mpho e e botlhokwa thata, e leng lorato lwa gagwe lo lo sa kgaotseng. Seo se raya gore o go rata fela thata e bile ga a kitla a go tlogela. E re ka Jehofa a rata batlhanka ba gagwe botlhe ba ba ikanyegang, o ba tsaya e le “thuo e e tseelwang kwa godimo.” Ka jalo, le wena o botlhokwa thata mo go ene. (Mal. 3:17, ntlh.) Jehofa o batla gore o ikutlwe fela jaaka moaposetoloi Paulo. Paulo o ne a tlhatswegile pelo gore Jehofa o a mo rata. Ka jalo, o ile a re: “Ke tlhatswegile pelo gore loso kgotsa botshelo kgotsa baengele kgotsa dipuso kgotsa dilo tse di leng teng gone jaanong kgotsa dilo tse di tla tlang kgotsa maatla kgotsa bogodimo kgotsa boteng kgotsa sebopiwa sepe fela se sengwe, ga di ka ke tsa kgona go dira gore Modimo a se ka a tlhola a re rata ka lorato lo a re bontshitseng lone.” (Bar. 8:38, 39) Mo setlhogong seno, re tla bona gore goreng go le botlhokwa gore re tlhatswege pelo gore Jehofa o a re rata le gore ke eng se se ka re thusang go dira jalo.

LIBAKA GWE KUTI TI AMUCHILE LUDO GWA JEHOVA

4. Ti nga gwisana ne maano a Satani e buchenjedu chini?

⁴ Fa re tlhomamisegile gore Jehofa o a re rata, re tla kgona go emelana le “maano a a boferefere” a ga Satane. (Baef. 6:11) Satane o batla gore re tlogele go direla Jehofa. Ka jalo, o dira sotlhe se a ka se kgonang gore seo se direge. Leano lengwe le a le dirisang, ke go dira gore re akanye gore Jehofa ga a re rate. Mme ao ke maaka a matala! Baebele e tshwantsha Satane le tau. (1 Pet. 5:8, 9) Ditau di rata go tlhasela diphologolo fa di le bokoa e bile di sa kgone go iphemela. Satane le ene o re tlhasela fa re ikutlwa re le bokoa, re lapile kgotsa re hutsafetse ka ntlha ya dilo tse di botlhoko tse di re diragaletseng mo nakong e e fetileng, re na le mathata kgotsa re sa tlhomamisega ka se se tla diregang mo nakong e e tlang. (Diane 24:10) Satane o batla go re koafatsa gore re tlogele go direla Jehofa. Mme gone, re ka kgona go ganetsa Diabolo le ditiro tsa gagwe tse di boferefere ka go dira sotlhe se re ka se kgonang go itlhatswa pelo gore Jehofa o a re rata.​—Jak. 4:7.

5. Ini ti shaka ku diwa ne ku thokomegwa na Jehova?

⁵ Fa re tlhatswegile pelo gore Jehofa o a re rata, re tla atamalana le ene. Goreng re rialo? Jehofa o re bopile re na le keletso ya go ratiwa le go bontsha ba bangwe gore re a ba rata. Fa mongwe a re bontsha gore o a re rata, le rona re tlhotlheletsega go mo rata. Fa re tlhatswegile pelo gore Jehofa o a re rata, re tla mo rata le go feta. (1 Joh. 4:19) Fa tsela e re mo ratang ka yone e gola, le ene o tla re rata fela thata. Baebele e a re: “Atamelang Modimo, mme o tla lo atamela.” (Jak. 4:8) Mme gone, re ka dira eng gore re tlhatswege pelo gore Jehofa o a re rata?

TI NGA BATSHIWA NENI KU AMUCHILA LUDO GWA JEHOVA?

6. Ti nga tembezelani ku amuchila ludo gwa Jehova?

⁶ Nna o kopa Jehofa gore a go thuse go tlhomamisega gore o a go rata. (Luke 18:1; Bar. 12:12) O ka nna wa tlhoka go mo rapela ka makgetlo a le mantsi letsatsi le letsatsi gore a go thuse go itse gore o ikutlwa jang ka wena. Fa o ipona molato, go ka nna thata go dumela gore Jehofa o a go rata. Mme gone, gopola gore Jehofa o mogolo go feta pelo ya gago. (1 Joh. 3:19, 20) O bona dinonofo tse o nang le tsone le fa gone wena o ka tswa o sa di bone. (1 Sam. 16:7; 2 Ditir. 6:30) Ka jalo, o se ka wa etsaetsega go ‘mo tshololela’ maikutlo o mo kopa gore a go thuse gore o tlhomamisege gore o a go rata. (Pes. 62:8) Go botlhokwa gore fa o sena go rapela, o dirise dikakantsho tse re tla tlotlang ka tsone.

7-8. Dzipisalema dzo ti thembesa chini kuti Jehova u no ti da?

⁷ Tshepa se Jehofa a se buang. O ile a naya banna bangwe moya wa gagwe o o boitshepo gore ba kwale Baebele. Ka jalo, o ka tshepa gore se ba se buang ka Jehofa se boammaaruri. Akanya ka tsela e e kgatlhang e Dafide a ileng a tlhalosa Jehofa ka yone. O ile a re: “Jehofa o gaufi le ba ba pelo e phatlogileng; o boloka ba ba kgobegileng marapo.” (Pes. 34:18) Fa o kgobegile marapo, o ka akanya gore ga go na ope yo o tlhaloganyang tsela e o ikutlwang ka yone kgotsa yo o ka go thusang. Mme gone, Jehofa o go solofetsa gore mo dinakong tseo tse di thata o gaufi le wena e bile o a bona gore o mo tlhoka go feta le fa e le leng pele. Mo pesalemeng e nngwe, Dafide o ile a re: “Ke kopa gore o tsenye dikeledi tsa me mo modutwaneng wa gago.” (Pes. 56:8) Jehofa o a go bona fa o utlwile botlhoko. O a go kgathalela e bile ga a rate go go bona o boga. Fela jaaka motho yo o tsamayang mo sekakeng a tsaya metsi a a mo lebotlolong le a tsamayang ka lone a le botlhokwa, Jehofa le ene o tsaya dikeledi tsa gago di le botlhokwa fela thata e bile nako le nako fa o lela ka gonne o utlwile botlhoko, ga a lebale seo. Mo go Pesalema 139:3, Dafide o ile a raya Jehofa a re: “O itse ditsela tsa me tsotlhe.” Jehofa o bona ditsela tsa gago tsotlhe, mme gone o tlhoma mogopolo mo dilong tse dintle tse o di dirang. (Baheb. 6:10) Goreng? Ka gonne o tsaya sengwe le sengwe se o lekang go se dira go mo itumedisa se le botlhokwa.a

⁸ Jehofa o dirisa ditemana tseo tse di kgothatsang tse di mo Baebeleng go go bolelela gore o a go kgathalela le gore o go rata fela thata. Mme gone, re ithutile gore Satane o batla gore o dumele gore Jehofa ga a go rate. Ka jalo, fa o belaela gore Jehofa o a go rata, ema go se kae o bo o ipotsa go re: “A ke dumele ‘rramaaka’ kgotsa ke dumele ‘Modimo wa boammaaruri’?”​—Joh. 8:44; Pes. 31:5.

9. Jehova u no thembesani bathu ba no nda? (Ekezodo 20:5, 6)

⁹ Akanya kafa Jehofa a ikutlwang ka gone ka batho ba ba mo ratang. Akanya ka se Jehofa a ileng a se bolelela Moshe le Baiseraele. (Bala Ekesodo 20:5, 6.) Jehofa o solofetsa batho ba a ba ratang gore o tla ba bontsha lorato lo lo sa kgaotseng. Mafoko ao a re bontsha gore Modimo wa rona yo o ikanyegang o ne a ka se ka a amogela lorato lo baobamedi ba gagwe ba mo ratang ka lone, mme ene a bo a sa ba rate. (Neh. 1:5) Ka jalo, fa o simolola go akanya gore Jehofa ga a go rate, gopola gore wena o rata Jehofa. Go tswa foo, akanya ka seno: Fa e le gore o rata Jehofa e bile o dira sotlhe se o ka se kgonang go mo itumedisa, tlhomamisega gore o go rata fela thata. (Dan. 9:4; 1 Bakor. 8:3) Ka mafoko a mangwe, fa e le gore o rata Jehofa, goreng o tshwanetse go belaela gore ene o a go rata? O tla nna a go rata e bile ga a kitla a go tlogela.

10-11. Jehova u no shaka kuti ti linge chibayilo cha Jesu chini? (Bagalatiya 2:20)

¹⁰ Akanyetsa kwa teng ka thekololo. Jehofa o neile batho botlhe mpho e e botlhokwa tota fa a ne a romela Morwawe gore a tle go re swela. (Joh. 3:16) Mme gone, a Jehofa o ile a romela Morwawe gore a tle go go swela? Ee. Akanya ka se se diragaletseng moaposetoloi Paulo. Gopola gore pele e nna Mokeresete, o ile a dira maleo a a masisi, tota le morago ga foo o ile a tshwanelwa ke go tswelela a lwantshana le makoa a a neng a na le one. (Bar. 7:24, 25; 1 Tim. 1:12-14) Mme gone, o ile a tlhatswega pelo gore Jehofa o ntshitse Morwawe gore a mo swele. (Bala Bagalatia 2:20.) Gopola gore Jehofa o ile a tlhotlheletsa Paulo go kwala mafoko ao. Ka jalo, Jehofa o batla gore re ithute mo go se Paulo a ileng a se kwala. (Bar. 15:4) Se Paulo a ileng a se bua se bontsha kafa Jehofa a batlang gore o lebe thekololo gone. O batla gore o e lebe e le mpho e a go nayang yone. Fa o e leba jalo, o tla tlhomamisega gore Jehofa o a go rata.

¹¹ Re leboga Jehofa go bo a ile a romela Jesu mo lefatsheng gore a tle go re swela. Mme lebaka le lengwe la go bo Jesu a tlile mo lefatsheng e ne e le go bolelela ba bangwe ka Modimo wa boammaaruri. (Joh. 18:37) Boammaaruri joo bo akaretsa gore Jehofa o ikutlwa jang ka bana ba gagwe.

SE KWA JESU E TI BATSHA KU AMUCHILA LUDO GWA JEHOVA

12. Ini ti nga themba zila Jesu ya a ka chenesa Jehova nayo?

¹² Fa Jesu a ne a le mo lefatsheng, o ne a itumelela go bolelela batho gore Jehofa ke Modimo yo o ntseng jang. (Luke 10:22) Re na le mabaka a a utlwalang a go dumela se Jesu a ileng a se bua ka Jehofa. O feditse dingwaga di le dintsintsi a nna le Rraagwe kwa legodimong pele a tla mo lefatsheng. (Bakol. 1:15) Jesu o ne a itse gore Rraagwe o mo rata fela thata. Gape o ile a bona fa Jehofa a ne a bontsha gore o rata baengele ba ba ikanyegang mmogo le bomorwawe le bomorwadie botlhe ba ba ikanyegang mo lefatsheng. Jesu o thusa batho ba bangwe jang gore ba tlhomamisege gore Jehofa o a ba rata?

13. Jesu u no shaka kuti ti linge Jehova chini?

¹³ Jesu o batla gore re itse gore Jehofa o ikutlwa jang ka rona. Mo dibukeng tse nnê tsa Baebele tse di buang ka botshelo jwa gagwe, Jesu o bitsa Jehofa “Rara” ka makgetlo a le mantsi. Gape fa a ne a bua le balatedi ba gagwe, o ne a dirisa mafoko a a jaaka “Rraalona” kgotsa “Rraalona yo o kwa legodimong.” (Math. 5:16; 6:26) Pele Jesu a tla mo lefatsheng, batlhanka ba ga Jehofa ba ba ikanyegang ba ne ba mmitsa “Mothatayotlhe,” “Mogodimodimo” le “Mmopi yo Mogolo.” Le fa go ntse jalo, Jesu ene o ne a bitsa Jehofa “Rara” ka makgetlo a le mantsi. Lefoko leo le bontsha gore Jehofa o batla gore batlhanka ba gagwe ba ikutlwe ba atamalane le ene fela jaaka ngwana a atamalane le rraagwe yo o lorato. Ka jalo, Jesu o ne a re ruta gore Jehofa o re rata fela jaaka Rre a rata bana ba gagwe. A re sekasekeng dikai tse pedi tsa fa Jesu a ne a dirisa lefoko “Rara,” go tlhalosa Jehofa.

14. Jesu wa ka lakidza chini kuti Tate bedu ba kudzimu ba no ti tolela pezhugwi? (Matewu 10:29-31) (Bona itshwantsho.)

¹⁴ A re sekasekeng se Jesu a ileng a se bua mo go Mathaio 10:29-31. (E bale.) Dithaga ke dinonyane tse dinnye thata, e bile ga di kgone go rata Jehofa kgotsa go mo obamela. Le fa go ntse jalo, Jehofa o tsaya thaga e le nngwe e le botlhokwa mo e leng gore fa e wela fa fatshe o a e bona. Ka jalo, fa e le gore Jehofa o tsaya nonyane e nnye jalo e le botlhokwa, re ka tlhomamisega gore o kgathalela mongwe le mongwe wa rona fela thata ka gonne re mo rata e bile re mo obamela. Gape Jesu o ile a re Rraarona o a itse gore re na le meriri e mekae. E re ka Jehofa a itse dilo tse dinnye tse dintsi thata jaana ka rona, re ka tlhatswega pelo gore o re kgathalela fela thata. Go a bonala gore Jesu o batla gore mongwe le mongwe wa rona a tlhomamisege gore o botlhokwa thata mo go Rraarona yo o kwa legodimong.

15. Matama a Jesu a mu na Johani 6:44 a no ti diyani ne kwa Tate bedu ba kudzimu?

¹⁵ A re sekasekeng sekai sa bobedi se mo go sone Jesu a ileng a dirisa lefoko “Rara.” (Bala Johane 6:44.) Rrago yo o kwa legodimong o ile a go thusa gore o mo itse le gore o mo rate. Goreng a ile a dira jalo? Ka gonne o ile a bona dinonofo tse dintle tse o nang le tsone. (Dit. 13:48) Fa Jesu a ne a bua mafoko a a mo go Johane 6:44 a ka tswa a ne a bua ka se Jehofa a ileng a se bua mo go Jeremia 31:3. Jehofa o ile a raya batho ba gagwe a re: “Ke ne ka go gogela kwa go nna ka lorato lo lo sa kgaotseng.” (Jer. 31:3; bapisa le Hos. 11:4.) Akanya gore seo se kaya eng. Rraarona yo o lorato o bona dinonofo tse dintle tse o nang le tsone tota le fa o sa lemoge gore o na le tsone.

16. (a) Jesu u no ti diyani dumbu, ngono ini ta ka fanila duma cha a no leba? (b) U nga simisa ku duma kuko chini kuti Jehova ndibo Tate ba u no sheta? (Bona box li noti “Rre yo Rotlhe re mo Tlhokang.”)

¹⁶ Jesu o go rutile gore Jehofa ke Rraagwe le gore le wena ke Rrago. O batla gore o tlhomamisege gore Jehofa o a go rata le gore o amega ka wena fela thata. Ka jalo, fa ka dinako dingwe o sa tlhomamisege gore Jehofa o a go rata, gopola se Jesu a ileng a se bua mme o se dumele ka gonne ka metlha o bua boammaaruri e bile ga go na ope yo o itseng Jehofa go mo gaisa.​—1 Pet. 2:22.

DWILILA U SIMISA KU DUMA KUKO MU NA JEHOVA

17. Ini ta ka fanila dwilila ti simisa ku duma kwedu kuti Jehova u no ti da?

¹⁷ Re tshwanetse go dira sotlhe se re ka se kgonang go itlhatswa pelo gore Jehofa o a re rata. Gopola gore Satane o dira sotlhe se a ka se kgonang go dira gore re tlogele go direla Jehofa. O batla go re koafatsa. Ka jalo, o tla tswelela a leka go dira gore re dumele gore Jehofa ga a re rate. Mme ga re a tshwanela go dumela maaka ao a gagwe.​—Jobe 27:5.

18. U nga simisa ku themba kuko mu ludo gwa Jehova chini?

¹⁸ Mo setlhogong seno, o ithutile gore o ka dira eng gore o tlhomamisege gore Jehofa o a go rata. O ka mo rapela o mo kopa gore a go thuse go bona dinonofo tse dintle tse a di bonang mo go wena. Akanyetsa kwa teng ka ditemana tsa Baebele tse di tlhalosang gore Jehofa o amega thata ka batho ba ba mo ratang. Gopola gore Jehofa o tla nna a rata batho ba ba mo ratang. Le ka motlha o se ka wa lebala gore Jehofa o go neile mpho ya thekololo. Gape se belaele gore Jehofa ke Rrago fela jaaka Jesu a ile a bua. Go tswa foo, fa mongwe a go botsa go re: “A o tlhomamisegile gore Jehofa o a go rata?” o tla mo araba o tlhatswegile pelo o re: “Ee, o a nthata e bile ke dira sotlhe se nka se kgonang letsatsi le letsatsi go mmontsha gore ke a mo rata.”