Course ye ku Zwidiya Baibili i no Piwa ne Bafakazi ba Jehova Ndi Ipi?
Bafakazi ba Jehova ba no ku pa zila i nga ku batsha ku zwidiya chi no diyiwa ne Baibili. Ndongoloso yedu ye ku zwidiya Baibili i nga ku batsha ku:
Chila buchilo gu no shathisa
Be nkhwinya we Ndzimu
Zwidiya chi no thembesiwa ne Baibili ne kwe chibaka chi no zha
Mu zebe iyeyi
A ndi nga lika ku bona kuti thuto i no bakhwa chini kutanga?
Ha ndi duma ku zwidiya Baibili, a ndowo patikiwa ku be nngwe we Bafakazi ba Jehova?
A ku na zila dzingwe dza ndi nga zwidiya Baibili ku sina nthu u no ndi diya?
Ko shingikalani mu thuto ye Baibili?
Nthu u no ku diya u nowo ku batsha ku hwisisa Baibili, ne ku tobedzana kwe misholo. Ha u shingisa buka ye Baibili ye Shathila Buchilo Cha Chose! u nowo dwilila u zwidiya zibiso ye Baibili ne se kwa i nga ku batsha. Ku zwidiya kwa ka paphidzika, lingilila vidiyo iyeyi.
A nda ka fanila ku ruwelela thuto?
Aa. To tobela ndawulo Jesu ya a ka pa badiyiwa: I noti “Makapiwa musingalipisiwe, namwibo ipani musingalipise.” (Matewu 10:8) Ba no diya Baibili ha ba to ruwegwa, ngono ha u to ruwelela Baibili kene buka ye Shathila Buchilo Cha Chose!
Course i no tola chibaka chi ngapani?
Course yose i na dzithuto dzi li 60. Ko dwa mu kuli kuti u nga zwidiya ku ngapani, ngono badiyiwa banjinji ba no shathila ku zwidiya thuto i ngompela kene ku pinda mu viki.
Ndo tangisa chini?
1. Zhadza fomu i mu Inthanete. Towo shingisa zibiso ya u no ti pa ne kuko koga, ku zwishanganya nawe.
2. Wa u no zwidiya Baibili naye u nowo lebeleka nawe. Wa u no zwidiya Baibili naye u nowo chenesa kuti ko shingikalani mu thuto iyo ye Baibili, ne ku dabila buzo dzose dza u nadzo.
3. Iwe ne wa u no zwidiya Baibili naye mu zwithamila ndongoloso. Mu nga zwidiya mu li mose kene ne thelefouni, vidiyo call, likwalo, kene email. Thuto i nga na i ka tola awara, ngono i nga na i ka be futshwana kene i ka be ndefu ku dumana ne mamo a ka ku fanila.
A ndi nga lika ku bona kuti thuto i no bakhwa chini kutanga?
Ee. Ku thama u jalo, zhadza fomu i mu Inthanete. Wa u no zwidiya naye ha e lebeleka nawe, u mbudze kuti u no shaka lekeletsa thuto ku bona kuti u nowo wanana nayo. U nowo shingisa burouchara gwe Shathila Buchilo Cha Chose! gu na thuto dzi li 3 dzi no tangisa, ku ku batsha ku bona kuti a u nga shathila thuto.
Ha ndi duma ku zwidiya Baibili, a ndowo patikiwa ku be nngwe we Bafakazi ba Jehova?
Aa. Bafakazi ba Jehova ba no da ku diya bathu Baibili, ngono ha ti to pateletsa bathu ku be mu budumili gwedu. Mu bumo gwa ichecho, to leba chi no diyiwa ne Baibili ne malebeswa, ne kuti to ziba kuti nngwe ne nngwe u na fanilo ye ku zwishalulila cha a no shaka duma.—1 Pita 3:15.
A ndi nga shingisa Baibili yangu?
Ee, u nga shingisa shandulilo ye Baibili ya u no da. Nenguba ti shathila ku shingisa Baibili ye Thanolo ya Lefatshe le Lesha ya Dikwalo Tse di Boitshepo i no hwika kakale ya ka tambunuka, to ziba kuti bathu banjinji ba no shaka shingisa Baibili ya ba no da.
A ndi nga laletsa bangwe ku be mu thuto yangu?
Ee. U nga laletsa be nsha uwo kene bakhwinya babo.
Ku yingwi ha ili kuti nda ka tongo zwidiya Baibili ne Bafakazi ba Jehova? A ndi nga zwidiya nabo kakale?
Ee. Dumbu, u nga shathila thuto ya ngwenu ku pinda ya wa ka tongo zwidiya mu chibaka cha ka pinda ne kuti ya ka kwagwa buptshwa ku fanila chi no shetiwa ne bathu ngwenu. I no shingisa dzividiyo ne ku lebesana ku pinda dzithuto dze Baibili dza ka pinda.
A ku na zila dzingwe dza ndi nga zwidiya Baibili ku sina nthu u no ndi diya?
Ee. Nenguba bunji gwe badiyiwa be zwidiya butuka ha ku na wa ba no zwidiya naye, bangwe ba no shaka ku zwidiya bali boga gwe kutanga. Zebe ye Dzithulusi Dze ku Zwidiya i no longolosa dzithulusi dze mahala ne zwingwe zwi nga ku batsha mu thuto iyo ye Baibili. Dzithulusi dzingwe dzi nga ku batsha ndi yedzi:
Dzividiyo dze Baibili. Vidiyo idzedzi dzi futshwanana dzo chenesa zwidiyo zwi no sheteka zwe Baibili.
Buzo dze Baibili dzo Dabigwa. Dzi-article idzedzi dzo dabila buzo dza ka siyasiyana dze Baibili.
Ndimana dze Baibili dzo Chenesiwa. Ziba chi no legwa ne ndimana dze Baibili dzi no zigwa ne mangwe matama.