THUTO 45

Ku sa Tola Litabi ko Dwani?

Ya ka Tshambisiwa

Jesu wa ka diya batobeli babe kuti habazo fanila ku be “be shango ino.” (Johani 15:19) Ichecho cho shanganyila, ku sa tola litabi mu dzipolotiki ne nghwa dze shango. Malebeswa wuti, kwa ka sima ku gala ti si nga tole litabi, ne kuti ti nga sutiwa. Ngono ti nga dwilila chini ti si nga tole litabi kakale ti thembeka mu na Jehova Ndzimu?

1. Bakirisiti be malebeswa ba no linga chini mibuso ye shango?

Bakirisiti ba no hlonipha mibuso. To thama koga se kwa Jesu a ka leba eti: “Ipani Kaisara zwithu zwa Kaisara”—ku no dwa kuti, to tobela milayo ye shango, i nonga ye ku ruela makhetho. (Mako 12:17) Baibili i no diya kuti mibuso ye bathu i no busa ne kuti, Jehova wa ka i lechedzela kuti i buse. (Baroma 13:1) To amuchila kuti mibuso ye bathu i na ndaulo ya ka lizanyigwa. Ta ka lingilila ku Ndzimu ne Bushe gugwe, kuti a mise mathatha e bathu.

2. Ti nga lakidza chini kuti ha ti to tola litabi?

Sa Jesu, ha ti to nginilila mu dzipolotiki. Bathu ba ka tongo lika ku thama Jesu She yabo ha ali mu shango, ngono a ka lamba. (Johani 6:15) Ini a ka lamba? Ne kuti, shule kwa ikoko wa kati: “Bushe gwangu ate guli gwe shango ino.” (Johani 18:36) Se badiyiwana ba Jesu, to lakidza ku sa tola litabi ne zila dza ka siyasiyana. Ha ti lakidzila, ha ti to yenda ku nghwa. (Bala Mika 4:3.) To teta matshwayo e ichaba a nonga dzifolaga, ngono ha ti to a namata. (1 Johani 5:21) Kakale ha ti to tola litabi ku shalula phathi ye polotiki kene ba no shaka ku shalugwa. Ne zila iyeyi ne dzingwe, to lakidza kuti to thembeka kwa ka pelela mu hurumente we Ndzimu—Bushe gugwe.

ZWIDIYE KWA KA NGINILILA

Lingisisa mamo a nga thama kuti u simigwe ne ku sa tola litabi ngono u bone se kwa u nga shalula ku thama chi nowo shathisa Jehova.

Nlume a si nga tole litabi. Haazo teedza ba no shaka shalugwa be dzipolotiki ba no phikisana mbeli kwe bathu banjinji.

3. Bakirisiti be malebeswa ha ba to tola litabi

Jesu ne batobeli babe ba ka ti siila chilakidzilo. Bala Baroma 13:1, 5-7 na 1 Pita 2:13, 14. Ku dwa ipapo, zana VIDIYO, mu be mu lebesana ne kwe buzo dzi no tobela.

VIDIYO: Bakirisiti be Malebeswa ha ba to Tola Litabi—Ipithu 1 (4:28)

Ini ta ka fanila ku teta ba no busa?
I zila dzipi dza ti nga lakidza nadzo kuti to ba hwilila?

Ha ku na nghwa, zwichaba zwingwe zo ti, ha zwi to tola litabi, ngono zo batsha matabi ose a no gwisana. Ku sa tola litabi dumbu ini? Bala Johani 17:16. Ku dwa ipapo, zana VIDIYO mu be mu lebesana ne kwe buzo i no tobela.

VIDEO: Bakirisiti be Malebeswa ha ba to Tola Litabi—Ipithu 2 (3:11)

Ku sa tola litabi ko dwani?

Ku ingwi ha babusi be shaka kuti ti thame chingwe chi no thulana ne nlayo we Ndzimu? Bala Mishingo 5:28, 29. Ku dwa ipapo, zana VIDIYO mu be mu lebesana ne kwe buzo dzi no tobela.

VIDIYO: Bakirisiti be Malebeswa ha ba to Tola Litabi—Ipithu 3 (1:18)

Ha nlayo we bathu u thulana ne we Ndzimu, ta ka fanila ku tobela upi?
A u nga kumbula mamo mangwe a nga thama kuti Bakirisiti ba si hwilile babusi?

4. U si tole litabi mu nkumbulo ne mu na cha u no thama

Bala 1 Johani 5:21. Ku dwa ipapo, zana VIDIYO mu be mu lebesana ne kwe buzo dzi no tobela.

VIDIYO: Ini Bakirisiti be Malebeswa be Sheta Chibindi—Ku si Tole Litabi (2:49)

Mu vidiyo, ini Ayenge a ka shalula ku sa nginilila mu phathi ye polotiki ne mu mizano ye ichaba, i no shanganyila ku saluta folaga?
A u no kumbula kuti wa ka shalula zwibuyanana?

I zwimo zwipi zwi nga lika ku sa tola litabi kwedu? Zana VIDIYO, mu be mu lebesana ne kwe buzo dzi no tobela.

VIDIYO: Cha ti no Zwidiya mu Thungamakole—Dwilila u si Nga Tole Litabi mu Shango Iyeyi ya ka Thubukana (5:16)

Ti nga dwilila chini ti si nga tole litabi mu mizano ye zwichaba?
Ti nga dwilila chini ti si nga tole litabi nenguba ti amiwa ne chi no thamiwa ne mapolotiki?
Zwa ti no hwa mu dzikhani kene mu bakhwinya zwi nga ama chini ku sa tola litabi kwedu?

Zwitshwantsho: 1. Bathu banjinji ba zhele bugali ba ka bata matshwayo ne ku prothesta. 2. Nlume e khuza a ka milidza folaga ku nzano. 3. Ngwana we ikwele e mba lumbo gwe ichaba. 4. Sole la ka bata thobolo. 5. Ku phikisana kwe ba bili ba no shaka ku shalugwa be dzipolotiki. 6. Nkadzi u no lashila ndalama mu bokisi le ku shalula. — Nkirisiti wa ka fanila ku dwilila a si nga tole litabi mu mamo api, mu nkumbulo ne mu na cha a no thama?

UNGWE U NGANA A KATI: “Ini u si nga salute folaga kene mba lumbo gwe ichaba?”

U nowo dabila chini?

CHA WA ZWIDIYA

Bakirisiti ba no gwisa kwazo kuti ba si tole litabi mu dzipolotiki dumbu ne mu mikumbulo, matama, ne mu na cha ba no thama.

U Nga Tini?

Ini cha ta ka fanila thamila mibuso ye bathu?
Ini ta ka fanila ku dwilila ti si nga tole litabi mu dzipolotiki?
I mamo api a nga thama kuti ti simigwe ne ku sa tola litabi?

Thuto ya pela ne:

Zwimisile

Ku kumbula ne kwe chimo chi nga thama kuti u simigwe ne ku sa tola litabi, ngono u shalule ngwenu kuti u nowo thamani.

Ne:

Your other goal

SHAKISISA

Ti nga zwinyimani kuti ti dwilile ti si nga tole litabi?

Jehova Haazo Tongo ti Lasha (3:14)

Misha i nga thamani ku zwibaakanyila mamo a nga thama kuti ba simigwe ne ku sa tola litabi?

Ku sa Tola Letabi mu Ndawo Dze Bathu Bose (4:25)

Ini ku vikila shango kwe nthu i si chithu chi no thama kuti a tolegwe pezhugwi?

“Zwithu Zose zo Khoneka mu Ndzimu” (5:19)

Bona se kwa ti nga dwilila ti si “be shango ino” ha ti shalula nshingo.

“Nngwe ne Nngwe u Nowo Senga Ntolo Uwe” (Thungamakole, March 15, 2006)