THUTO 55
Batsha Gubungano Lenyu
Mu shango yose, dzimiliyioni dze bathu ba no shathila ku namata Jehova mu makubungano manjinji. Ba no shathila ku diyiwa ne ku kumbuludziwa, kakale ba no batsha gubungano ne zila dzinjinji. A u no zwiwa ne zila i no fanana ne kwe gubungano la u no shanganyila nalo?
1. U nga shingisa chibaka ne masimba awo ne zila dzipi ku batsha gubungano?
Tose ti nga batsha mu gubungano. Ha ti lakidzila, a kuna bangwe ba ka kwegula kene ba no gwala mu gubungano lenyu? A u nga ba batsha ku yenda ku zwidiyo? Kene a u nga ba batsha ne zwithu zwa ba no sheta se, ku ba yendila ku dzishopo kene ku batsha ne mishingo ye mu nzi? (Bala Jakuba 1:27.) Kakale ti nga tshwaila Holo ye Bushe ne ku ibaakanya. Akuna u no ti patika. To “zwipa” ne kuti to da Ndzimu ne bazwalani bedu.—Pisalema 110:3.
Bafakazi ba ka dubikiwa ba nga batsha gubungano ne zila dzingwe kakale. Bazwalani ba na dzifaniliko dze Hwalo, ba nga be balanda ba no shingila ngono shule kwe chibaka, bakugwana. Bazwalani ne dziazwadzi ba nga batsha mu ku rera ili bazhulazila. Bangwe Bafakazi ba nga batsha ne ku baka mibako ye ku namata kene be fulukila ku gubungano li no sheta batsho.
2. Ti nga shingisa chini zwa ti nazo ku batsha gubungano?
Ti nga “kudza Yahwe ne zwa [ti] nazo.” (Zwiani 3:9) To shathila ku dusa mari edu ne zwingwe zwa ti nazo ku batsha gubungano ledu ne ku rera mu shango yose. (Bala 2 Bakorinta 9:7.) Zwipo zwedu kakale zo batsha ba ka wigwa ne dzingozi. Banjinji ba no shalula kuti nako dzose ba “bigile tjimwe ntome” ili chipo. (Bala 1 Bakorinta 16:2.) Ti nga longa zwipo mu mabokisi a ku ndawo dzedu dze ku namata kene ti shingisa inthanete ku donate.jw.org. Jehova u no ti pa chibaka che ku lakidza kuti to nda, ne zila ya ti no shalula ku shingisa zwa ti nazo.
ZWIDIYE KWA KA NGINILILA
Bona zila dzingwe dza u nga batsha gubungano nadzo.
3. Ti nga shingisa zwithu zwa ti nazo
Jehova na Jesu ba no da nthu u no pa ku dwa mu moyo. Ha ti lakidzila, Jesu wa ka bona mazwimisilo e ku dusa chipo e nkadzi we nshayi wa ka be a figwa ne nlume. Bala Luka 21:1-4, mu be mu lebesana ne kwe buzo dzi no tobela:
A to sheta ku dusa zwipo zwinjinji kuti ti shathise Jehova?
Jehova na Jesu ba no zwiwa chini ha ti pa ku dwa mu moyo?
Ku zwidiya ne kwe se kwa zwa ti no dusa zwi shingisiwa, zana VIDIYO.. Mu be mu lebesana ne kwe buzo i no tobela.
Mari a ti no dusa a no shingisiwa chini ku batsha makubungano mu shango yose?
4. Ti nga zwipa ku batsha
Mu misi ye Baibili, balanda ba Jehova ba ka be be shinga kwazo ku thokomela mibako ye ku namata. Ngono ya ka be isi ne ku dusa mari koga. Bala 2 Shingikalo 34:9-11, mu be mu lebesana ne kwe buzo i no tobela:
Nngwe ne nngwe ku Iziraela wa ka be e batsha chini ku thokomela ngumba ya Jehova kene mbako we ku namata?
Ku bona kuti Bafakazi ba Jehova ba no tobela chini chilakidzilo ichecho, zana VIDIYO. Mu be mu lebesana ne kwe buzo dzi no tobela.
Ini ti tolela pezhugwi ku thokomela ne ku baakanya Holo dzedu dze Bushe kene ndawo dze ku namata?
U nga batsha ne zila dzipi?
5. Bazwalani ba nga shingila ku amuchila mazwidabililo a ka paphidzika
Hwalo dzo kumbuludza balume be Bakirisiti ku thama kose kwa ba nga khona ku batsha gubungano. Ku bona chilakidzilo, zana VIDIYO. Mu be mu dabila buzo i no tobela.
Mu vidiyo, Ryan wa ka thamani ku batsha gubungano kwa ka paphidzika?
Baibili i no chenesa dzifaniliko dze balanda ba no shingila ne bakugwana. Bala 1 Timoti 3:1-13, mu be mu lebesana ne kwe buzo dzi no tobela:
Kwa ka lingiligwani mu bazwalani ba no gwisila ku be balanda ba no shingila kene bakugwana?
Kwa ka lingiligwani mu misha yabo?—Bona ndimana 4 ne 11.
Ha bazwalani be thama kose kwa ba nga khona ku be ne dzifaniliko idzedzi, ko batsha chini nngwe ne nngwe mu gubungano?
UNGWE U NGANA A KATI: “Bafakazi ba Jehova ba no tola ngayi mari?”
U nga dabila u tini?
CHA WA ZWIDIYA
Jehova u no bokela kwazo cha ti no thama ku batsha gubungano ti shingisa nako yedu, masimba edu, ne zwa ti nazo.
U Nga Tini?
Ti nga shingisa chini nako yedu ne masimba edu ku batsha gubungano?
Ti nga shingisa chini zwa ti nazo ku batsha gubungano?
I zila dzipi dza u nga da ku batsha gubungano nadzo?
SHAKISISA
Lingisisa kuti ini Ndzimu a si nga cha lingilile kuti ba no nnamata ba duse che bugumi.
Baibili i no lakidza kuti mishingo engwe i no piwa balume ba ka dubikiwa. Ngono ku yengwe haile kuti ko sheteka kuti hazwadzi wa ka dubikiwa a thame mishingo i yeyi.
“Ku Hwisisa Ndongoloso ye Butungamili mu Gubungano” (Thungamakole, February 2021)
Shangana ne Bafakazi ba na chibindi, ba no zwidusa chibayilo ku batsha ba no namata nabo ne ku ba yesila dzitshambiso.
Bona kuti nshingo wedu u no batshiwa chini ne mari ku sa fanana ne dzikereke.