LISHOMO 15
Mwaa shani wako unkuloteka uke mushu ulipundisha Ibibiliya?
1. Mwaa shani wako unkuloteka uke mushu ulipundisha Ibibiliya?
Kwa umwiu, vyaulipundishidye mu Ibibiliya mpaka nelo undyanjadyedya linagwaledyo lyako kumwe Yeova. Kanji, pakulota linagwaledyo lyako lyuke mushu, wako haunaleke kulipundisha Ibibiliya. (1 Patulu 2:2) Wako unkulula kunama mu shingumi shikamalilika. Kanji, pakulota itandeke davo, inkuloteka unanowange imbodi yako namu Yeova.—Shomya Nshuwau 17:3; Yudashi 21.
Wakati wauka mushu ulipundisha vya Nnungu, likulupililo lyako lindava lya dimongo. Likulupililo alyo linakupwashela kutenda ashilá shalota Nnungu. (Vabalaniya 11:1, 6) Wako unaleka kutenda vinu vyakunyata, na unatunduvanga kutenda vinu vyambone.—Shomya Vitendo 3:19.
2. Wako ulota kuvapwashela dashi vanu vanji?
Wako unkulula kulyunganiyanga mu likola limwe Yeova
Vanu uti inavanagwela kuvaimyangidya vanu vanji mitenga vyambone. Kwa umwiu, wako momo unkulota kuvaimyangidya vanu vanji mitenga vyambone vimwe Yeova. Wako haunaleke kulipundinsha Ibibiliya, pakulota ulule kuvapundisha vanu vanji áshila shaulipundishidye.—Shomya Valoma 10:13-15.
Wako unkulula kutunduvanga kuvalanga mitenga vyambone vya mu Ibibiliya uvavalangangila vavao na likola lyako. Haunavaulile vanavo kenga idini yavo ni yakushang’apa. Kanji, vaulile bai vinu vyambone vyalota kutenda Nnungu. Pamo na davo, tandedya vinu vyambone, mwaa vanavo valota kwona ashilá shautendedya wako, kuliko shautangola.—Shomya 2 Timoti 2:24, 25.
3. Kulipundisha Ibibiliya kulota kukupwashela dashi?
Wena mushu ulipundisha Ibibiliya pakulota imbodi yako namu Yeova ive yakunanowangika. Pamo na kuva mboni umwe Yeova, wako unkulula kulyunganiyanga mu likola lyake. Kwa umwiu, ashi ni shinu shambone namene!—Shomya 2 Vakolintu 6:18.
4. Likulupililo lyako lilota kuva dashi lyakunanowangika kula wakati?
Shitandi indikuvaikila uke mushu ulipundisha Ibibiliya. (Vabalaniya 5:13, 14) Wako unkulula kunjugwa Nshaidi wa Yeova pakulota akupundishe Ibibiliya kutumila libuku Ibibiliya Itupundisha Nyamani?. Muwakati paulota kúka mushu ulipundisha Ibibiliya, wako undavanavo lipuwilo lyoe.—Shomya Dimu 1:1-3;73:27, 28.
Wako yadavo unkulula kulyunganiyanga na venentete vamwe Yeova pakulota imbodi yako na Nnungu inanowangike. (Vabalaniya 10:24, 25) Yeova ankuvanavo mitenga vyambone kwako. Nae alota wako uvenavo shinamilo sha umwiu. Wako ukalikanyalidya kutandedya shalota Nnungu, undanama mu shingumi shikamalalika. Hashipali shinu shambone kuliko kuva mbodi umwe Yeova.—Shomya 1 Timoti 1:11; 6:19.