LISHOMO 15

Tangola na wakika

1 Vateshalonika 1:5

IKUVAIKIDILE UTENDE DASHI: Lodya kenga shautangola ni shinu shiu na shinkuvanavo mana.

Lipanganiange shana. Shomya mpaka wigwe shana dimbande dikumene na mwashi mwalodedya maandiko kenga laiu. Lingangila kwigwiniya malove makumene la ntenga wako kwamalove mangwipi na lákakamadyanga. Kumbukila mwashi mwaulota kuvapwashalela vanu vakwigwilíla ntenga awo. Shwali ujugwa imumu yanashwe.

Lidyavalakedye imbande yako utangola kwa kumya lidi mpaka udyavalangile pakulota ukatende shana.
Tumila malove lalódya kenga unkuvanavo wakaki. Kuleka kushomya vila malove lavele mulibuku, Tumila malove lako umwene. Tandola malove lalodya kenga unkuvanavo wakika kwa ashilá shautangola.
Tangola bila kwambabidya na ntima wako uti. Tangola na lidi lyambone. Ikava kenga kwenu kunnola munu kumevo hashinava shinu shakunyata, valole vanu vakwigwilíla muwakati wautangola.

Haunakumbukile kenga kutangola na wakika ni kwova kwaishima, kuvapa vanu ding’ano, au kuvakanyalidya kukubali shosho shautangola wako. Ata ukatangola na wakika, vamanyie vanu vakwigwilíla na linagwaledyo.