Modi ki ta uzadu kel folhetu li

Na kes otu pájina, bu ta ben atxa un testu di Bíblia pa kada dia i komentárius pa kel testu. Nbóra bu pode lé kel testu ku komentáriu kalker óra ki bu krê, txeu algen ta prifiri le-s di palmanhan. Asi, es ta pode pensa na kuzê ki es lé duránti kel dia. Izamina testu di dia na família ta traze bons rezultadu. Famílias di Betel na mundu interu ta faze kel-la di palmanhan, na óra di toma kafé.

Komentárius é tradu di revistas Sentinéla (w) di abril di 2021 ti marsu di 2022. Kes nunbru dipôs di data di Sentinéla krê fla pájina ô pájinas na kel revista i kes otu nunbru krê fla parágrafus undi kel matéria sta. (Odja izénplu dibaxu.) Bu pode atxa otus informason sobri kel asuntu na kel artigu di Sentinéla.