Ka bu xinti medu di pâpia

Kuzê ki Jizus faze

VÍDIU: Jizus prega pa Zakeu

1. Odja VÍDIU, ô lé Lukas 19:1-7. Dipôs pensa i responde kes pergunta li:

1. Pamodi ki alguns algen talvês staba ta ivita Zakeu?

2. Pamodi ki simé Jizus pâpia ku el sobri notísias sábi?

Kuzê ki nu ta prende ku Jizus?

2. Nu meste ten koraji pa prega mensajen di Reinu pa tudu algen.

Imita Jizus

3. Kunfia na Jeová. Spritu di Deus da Jizus forsa ki el mesteba pa prega, i el pode djuda-u tanbê. (Mat. 10:19, 20; Luk. 4:18) Pidi Jeová pa da-u koraji pa bu prega pa kes algen ki bu pode xinti medu di es. — Atus 4:29.

4. Ka bu julga otus algen. Nu pode ka krê pâpia ku un algen pamodi se aparénsia, se puzison na sosiadadi ô dinheru ki el ten, ô pamodi se krénsas i manera ki el ta leba se vida. Má lenbra di kel-li:

1. Jeová ku Jizus pode odja korason, má nos, nu ka ta konsigi.

2. Jeová ten puder di djuda kalker algen, ka ta inporta se situason.

5. Mostra koraji má ku ruspetu i ku kuidadu. (Mat. 10:16) Ivita diskuti. Si bu odja ma un algen ka krê obi notísias sábi ô si bu ka sta xinti suguru, tirmina kel konbérsu di manera idukadu. — Pro. 17:14.