Modi ki bu pode ser un bon studanti di Bíblia

Daniel pasa pa txeu prubléma, má el kontinua fiel. Bu ta gostaba di ser sima el? Daniel éra un bon studanti di Palavra di Deus. El ta studaba ti kes profesia más difísil. (Da 9:2) Tanbê bu pode kontinua fiel si bu ser un bon studanti di Bíblia. Pamodi? Pamodi el ta djuda-u ten más fé na promésas di Jeová. (Jos 23:14) Tanbê bu amor pa Deus ta fika más fórti i bu ta xinti más vontadi di faze kel ki é dretu. (Sal 97:10) Má, modi ki bu pode ser un bon studanti di Bíblia? Odja kuzê ki bu pode faze.

• Kuzê ki N debe studa? Bu meste ten ábitu di pripara tudu runion. Tanbê si bu ka ntende dretu alguns kuza na leitura di Bíblia ki bu ta faze tudu simana é bon bu piskiza. Alguns algen gosta di prende más sobri profesia i studa kualidadis di frutu di spritu di Deus. Otus gosta di studa sobri viaji di pregason di apóstlu Polu ô sobri kriason di Jeová. Si duránti dia bu pensa na algun pergunta sobri Bíblia, skrebe-l i dipôs faze piskiza na bu studu pesoal.

• Kuzê ki pode djuda-m studa? Odja vídiu Ferramentas de Pesquisa para Procurar Tesouros Espirituais i odja alguns sujiston. Bu pode uza kes feraménta li, pa faze piskiza. Pur izénplu, studa kuzê ki ta reprizenta kes animal ki sta na Daniel kapítlu 7.

• Kantu ténpu ki N debe ten ta studa? Pa bu ten un amizadi fórti ku Jeová bu meste ten ábitu di studa Bíblia. Na komésu bu ka meste dura txeu ténpu ta studa. Dipôs, poku-poku bu pode dura más ténpu. Studa Bíblia é sima djobe tizorus ki sta sukundidu. Óras ki bu atxa un tizoru bu ta xinti más vontadi di djobe más! (Pr 2:3-6) Ku ténpu bu ta xinti más vontadi di studa Bíblia i nunka bu ka ta dexa di faze-l. — 1Pe 2:2.

KUZÊ KI TA REPRIZENTA KADA UN DI KES FÉRA DI DANIEL KAPÍTLU 7?

• 

  Da 7:4

• 

  Da 7:5

• 

  Da 7:6

• 

  Da 7:7

MÁS UN PERGUNTA:

Modi ki Daniel 7:8, 24 kunpri?

PERGUNTA PA PISKIZA:

Kuzê ki ta reprizenta kes féra ki sta na Apocalipse kapítlu 13?