Inxina bus studanti di Bíblia modi ki es ta studa dretu

Pa studantis di Bíblia ten un bon amizadi ku Jeová i faze prugrésu, sô prende kes verdadi ki nu ta inxina-s ka ta txiga. (Mt 5:3; He 5:12–6:2) Es meste prende modi ki es ta studa dretu.

Lógu na kes primeru studu, inxina bus studanti modi ki es ta pripara, i lenbra-s sénpri ma é inportanti faze kel-li. (mwb18.03 p. 6) Insentiva bus studanti pa faze orason sénpri antis di es kumesa ta faze ses studu pesoal. Mostra-s modi ki es ta uza nos site i kes aplikativu pa studa. Splika-s modi ki es ta kunpanha kes nobidadi ki ta sai na jw.org i na JW Broadcasting^®. Poku-poku, inxina bus studanti lé Bíblia tudu dia, pripara pa runions i faze piskiza óras ki es ten dúvida. Djuda bus studanti midita na kuza ki es sta ta prende.

ODJA VÍDIU DJUDA BUS STUDANTI DI BÍBLIA PRENDE STUDA DRETU. DIPÔS RESPONDE KES PERGUNTA LI:

• 

  Modi ki Nádia djuda Jael ntende ma studa é ka sô atxa respósta?

• 

  Kuzê ki djuda Jael ten sertéza ma Jeová ten razon di proíbi konportamentu seksual mariadu?

• 

  Modi ki Jael ntende ma é inportanti midita?