Kuzê ki bu pode prende ku kes múzika ki sta na Broadcasting?

Kal di kes múzika ki sta na Broadcasting ki bu gosta más txeu? Pamodi? Bu ta atxa ma kes vídiu ta mostra kuzas ki ta kontise na nos dia-dia? Dja ki es ten téma i stilu di múzika diferenti, tudu algen ta atxa algun ki el gosta. Má, kes múzika i vídius é ka sô pa divirti.

Kada un di kes múzika ta inxina-nu lisons ki nu pode uza na nos vida i na nos trabadju di pregason. Alguns di kes múzika ta pâpia di resebe otus dretu, di union, di amizadi, di koraji, di amor i di fé. Otus múzika ta pâpia sobri volta pa Jeová, púrdua, faze kuzê ki é dretu tudu dia i sforsa pa ten métas spritual. Nu ten ti un múzika ki ta pâpia di modi ki nu pode uza telemóvel dretu. Ki otus kuza dja bu prende ku kes múzika ki sta na Broadcasting?

ODJA VÍDIU PENSA NA KEL TÉNPU. DIPÔS RESPONDE KES PERGUNTA LI:

• Kes algen na vídiu sta ta pensa na ki bensons? — Gén 12:3

• Modi ki nos fé ma Jeová ta kunpri se promésas pode bira más fórti?

• Ki bensons na mundu novu bu tene gana pa kontise?

• Modi ki speransa na Reinu di Deus ta djuda-nu aguenta firmi óras ki nu ta pasa pa prublémas? — Ro 8:25