Ajuda pa studa

Dikora létra di nos múzikas

“Óras ki N sta xinti dizanimadu, Jeová ta inkoraja-m através di kes múzika di JW Broadcasting^®.” — Lorraine, Mérka.

Sérvus di Jeová sénpri uza “múzikas” pa lova Deus. (Kol. 3:16) Si bu dikora létra di nos múzikas, es pode djuda-u sikrê óras ki bu ka tene un livru di kántiku ô un aparelhu iletróniku. Tenta sigi kes izénplu li pa djuda-u dikora kes múzika.

• Lé ku atenson pa bu intende kuzê ki kes létra krê fla. Si bu intende kuzê ki un kuza krê fla é más fásil bu lenbra di el. Létra di tudu nos múzika, ki ta inklui múzikas di Broadcasting i múzikas pa kriansas sta na jw.org. Bai na Bibliotéka i dipôs na múzikas.

• Skrebe kes létra na papel. Kel-li ta djuda-u lenbra más txeu di kes múzika. — Deut. 17:18.

• Trena ku vós altu. Lé ô kanta kes múzika txeu bês.

• Odja si bu ta lenbra di es. Tenta lenbra di kes múzika sen djobe létra na papel. I dipôs, djobe si bu ta konsigi kanta-s dretu.