Modi ki nu debe uza “Ideias pa pâpia sobri Bíblia”

Organizason ta sforsa txeu pa pripara kes sujiston ki ta parse na párti Ideias pa pâpia sobri Bíblia. Txeu publikador sta ta ten bons rezultadu na pregason ku kes aprizentason. Má, dja ki situason é diferenti na kada tiritóriu na mundu, publikadoris pode uza un aprizentason diferenti na pregason ô pâpia sobri un asuntu ki ta txoma atenson di pesoas na ses tiritóriu. É klaru ki óras ki ten un kanpanha spesial nos tudu nu debe sigi kes instruson ki ta dadu. Nos obijetivu é sigi kel órdi di Jizus di prega kes notísia sábi di Reinu. — Mt 24:14.

Na diziginasons di studanti, publikadoris debe uza kel asuntu ki ta parse na párti Ideias pa pâpia sobri Bíblia na Folhetu di studu pa runion Nos vida i nos trabadju di pregason. Má, si ka dadu otu informason, publikadoris pode skodje un pergunta di tistimunhu, testu di Bíblia, pergunta pa revizita ô aprizentason di akordu ku situason di ses tiritóriu. Kel informason li, ta muda kel orientason ki dadu na folhetu di studu pa runion di junhu di 2020, na pájina 8.