Deus ta preokupa ku bo
BÍBLIA ten kes midjór konsedju pa nos pamodi el ben di Deus. El é ka un livru di saúdi, má el pode djuda-nu lida ku situasons difísil, manera di pensa mariadu, tristéza na korason i prublémas di saúdi ki ta inkomoda-nu na korpu ô na menti.
Más inportanti inda, Bíblia ta garanti-nu ma nos Kriador, Jeová,a ta intende kuzê ki nu ta pensa i kuzê ki nu ta xinti midjór di ki kalker otu algen. El tene gana di djuda-nu lida ku kalker prubléma ki nu ta pasa pa el. Pur izénplu, odja dôs testu di Bíblia ki ta konsola-nu:
‘Jeová sta pértu di kes ki tene korason maguadu, el ta salva kes ki tene spritu dizanimadu.’ — SALMO 34:18.
‘Ami, Jeová, bu Deus, N ta pega bu mô direita; ami é kel ki ta fla-u: “Ka bu ten medu. N ta ba djuda-u.”’ — ISAÍAS 41:13.
Má modi ki Jeová ta djuda-nu lida ku prublémas di saúdi mental? Sima nu ta ben odja na kes otu artigu, Jeová ta mostra ma el ta preokupa ku nos di verdadi di txeu manera ki ta djuda-nu.
a Jeová é nómi di Deus. — Salmo 83:18.