Pamodi ki ta kontinua ta ten txeu géra na mundu?
Bíblia ta splika kuzê ki ta poi géra ta kontise i pamodi ki el ta kontinua ta kontise.
PEKADU
Deus kria nos primeru pai ku mai, Adon ku Eva, sima el. (Jénezis 1:27) Kel-li krê fla ma es ta pode mostraba kualidadis di Deus sima pas i amor di manera natural. (1 Koríntius 14:33; 1 Juan 4:8) Má Adon ku Eva ka obi ku Deus i es peka. Pamodi kel-li, nos tudu nu erda pekadu ku mórti. (Romanus 5:12) Pamodi nu erda pekadu, nu pode ten pensamentus mariadu, i pur isu txeu algen ta pensa i ta aji di manera violéntu. — Jénezis 6:5; Markus 7:21, 22.
GOVÉRNU DI ÓMI
Deus ka kria-nu pa nu governa nos kabésa. Bíblia ta fla: ‘Ómi é ka kapás di gia se kabésa.’ (Jeremias 10:23) Pamodi kel-li, govérnus di ómi ka ta pode kaba ku géra i violénsia.
SATANÁS I SES DIMÓNI
Bíblia ta fla ma “mundu interu sta na puder di Malvadu.” (1 Juan 5:19) Kel “Malvadu” é Satanás ki é Diabu, i el é un asasinu kruel. (Juan 8:44) El i ses dimóni ta influensia pesoas pa faze géra i pa ser violéntu. — Apokalipse 12:9, 12.
Nu ka ta pode kaba ku kes kuza ki ta poi géra i violénsia ta kontise, má Deus ta pode.