Li Yos naxsach jun maaʼus aj ruuchichʼochʼ

18 Keʼnaabʼaloʼk ebʼ li ralal xkʼajol laj Adan. Joʼkan ajwiʼ keʼmaaʼusoʼk. Li Yos kixye naq tixsachebʼ.—Génesis 6:1, 5, 7

19 Abʼanan kiwank jun chaabʼil winq aj Noe xkʼabʼaʼ.—Génesis 6:8, 9

Li Jehobʼa li Yos kixye re naq tixyiibʼ jun nimla jukubʼ, re naq aʼan ut li wankebʼ saʼ li xjunkabʼal teʼkoleʼq naq ebʼ li maaʼusebʼ teʼosoʼq. Aʼ li jukubʼ aʼan chanchan jun nimla kaax. Jukubʼ kabʼl kixkʼabʼaʼin.—Génesis 6:13, 14

20 Aʼanebʼ keʼroksi naabʼalebʼ li xul chisaʼ li jukubʼ kabʼl.—Génesis 6:19-21

21 Li Jehobʼa kixtaqla jun kawil habʼ. Chixjunilebʼ li inkʼaʼ usebʼ xnaʼlebʼ keʼkamk. Li wankebʼ chisaʼ li jukubʼ kabʼl keʼkoleʼk. Ma nakanaw kʼaʼut? —Génesis 6:17; 7:11, 12, 21; 1 Pedro 3:10-12