Kʼaru tento taabʼaanu laaʼat?

50 Ma taawaj aayuʼam chi junelik saʼ li chʼinaʼusil sahilal naʼajej aʼin?

Chatzol chik chirix li naxye li Yos. Chakʼe aachʼool chi rilbʼal xsaʼ li Santil Hu. —Juan 17:3; Apocalipsis 1:3

51 Chatzol chik chirix li Jesus. —Deuteronomio 18:18, 19; Juan 3:16; Hechos 3:19-23

52 Chakʼe aachʼool chi xbʼaanunkil kaʼajwiʼ li chaabʼilal ut xpaabʼankil li Jehobʼa. —Romanos 6:17, 18, 22

53 Jultikaq aawe, li Jehobʼa naxye naq inkʼaʼ us kamsink. —Éxodo 20:13; 1 Juan 3:11, 12

54 Inkʼaʼ naru tqelqʼa li kʼaru rehebʼ li poyanam. —Éxodo 20:15; Efesios 4:28

55 Maajun winq naru nawank rikʼin junaq ixq chi moko yoklaak rikʼin, wi inkʼaʼ sumsukebʼ. —Éxodo 20:14, 17; 1 Tesalonicenses 4:3

56 Ma najultikoʼk aawe jarubʼ ixaqilbʼej naxkanabʼ li Yos twanq re junaq bʼelomej? Jarubʼ chihabʼ tento twanq li bʼelomej rikʼin li rixaqil? —Génesis 2:22, 24; Mateo 19:5, 6; 1 Corintios 7:2, 10, 11

57 Jultikaq aawe, naq kaʼajwiʼ li Jehobʼa tento tqaloqʼoni. —Mateo 4:10; 1 Corintios 8:6

58 Li pechʼbʼil yos ut li jalam u inkʼaʼ nekeʼruhank qatenqʼankil. Kʼaʼut? —1 Corintios 8:4

Ma us naq wank li pechʼbʼil yos? —Deuteronomio 27:15; 1 Juan 5:21

59 Kʼaʼut naq moko us ta roksinkil li pechʼbʼil yos ut li kʼaʼaq re ru li naʼoksimank choʼq re li inkʼaʼ us? —Deuteronomio 18:10-13; Apocalipsis 21:8

60 Li maaʼusebʼ anjel malaj maaʼusebʼ aj musiqʼej keʼxqʼet ribʼ chiru li Yos. Nekeʼxtaqla ebʼ laj qʼe re xbʼalaqʼinkilebʼ li poyanam. —Hechos 16:16

61 Tento naq tootijoq chiru li Yos. Tijok naraj xyeebʼal: aatinak rikʼin li Yos, xyeebʼal re naq tqaj kʼanjelak chiru ut xtzʼaamankil re qatenqʼankil. —Filipenses 4:6, 7

62 Tento naq tooʼabʼinq chiru li Jesus ut tqapaabʼ. —Hebreos 5:9; Juan 3:16

63 Jultikaq aawe naq aʼan kikamk re qakolbʼal. —Romanos 5:8

64 Jultikaq aawe naq li Jesus aʼan li qAwabʼej ut inkʼaʼ naʼilmank ru. Tento tqapaabʼ re. —Filipenses 2:9-11; Apocalipsis 19:16

65 Li Jesus kixye naq laaʼat tento tat-aatinaq rikʼinebʼ li poyanam chirix li chaabʼil naʼlebʼ li yookat chi xtzolbʼal ut ebʼ li teʼraj kʼanjelak chiru li Yos tento naq teʼsubʼeʼq saʼ haʼ (bautizarse). —Mateo 28:19, 20; Juan 4:7-15

66 Joʼkan bʼi laaʼat naru tat-aatinaq rikʼinebʼ laawamiiw chirix li chaabʼil naʼlebʼ aʼin. —Mateo 10:32

67 Wi laaʼat taatzol li ilok ru hu chiʼus, taatzol naabʼal li naʼlebʼ ut tatruuq xtenqʼankilebʼ li poyanam. —2 Timoteo 2:15

68 Li Jesus kixkʼut ajwiʼ chiruhebʼ li kokʼal chi xpaabʼankil li Yos. Maajoʼqʼe kiwank naabʼal xlaatzʼal re raatinankilebʼ. —Mateo 19:13-15

69 Ebʼ li yuwaʼbʼej tento naq rajlal kutan teʼxkʼut chiruhebʼ li ralal xkʼajol chi xpaabʼankil ut xraabʼal li Yos. —Deuteronomio 6:6, 7; Proverbios 6:20-22; Efesios 6:4

70 Wank naabʼalebʼ jalan jalanq rochochil tijok. Naabʼalebʼ li xtijlebʼ moko wank ta saʼ li Santil Hu. Li Jehobʼa naxye naq tooʼelq chisaʼ ebʼ li paabʼal li inkʼaʼ nekeʼxkʼut li tzʼaqal yaal. —Apocalipsis 18:4; Juan 4:23, 24

71 Li Jehobʼa wank aj kʼanjel chiru saʼ Ruuchichʼochʼ ut aʼanebʼ nekeʼru xkʼutbʼal chawu chirix aʼan. Ma nakanaw anihebʼ? —Hechos 15:14; Romanos 10:14, 15

72 Aʼanebʼ laj testiiw re li Jehobʼa. Wank tuqtuukilal saʼ xyanqebʼ. Ma nakanaw kʼaʼut? Xbʼaan naq nekeʼxra ribʼ chiribʼilebʼ ribʼ. —Isaías 43:10-12; Juan 13:34, 35

73 Xbʼaan naq nekeʼxra ajwiʼ li Jehobʼa, xeʼsubʼeʼk saʼ haʼ. Chi joʼkan nekeʼxkʼut chiruhebʼ li tenamit naq xeʼxkanabʼ li xyiibʼ ru aj naʼlebʼ ut nekeʼraj xnumsinkil li yuʼam chi kʼanjelak chiru li Yos. —Hechos 2:41

74 Ebʼ laj testiiw re li Jehobʼa nekeʼroybʼeni li wank saʼ li chʼinaʼus akʼ sahilal naʼajej. —Salmo 37:9-11, 29

Kʼaru naru taabʼaanu laaʼat re naq wanqat aran rikʼinebʼ? —Santiago 1:22, 25; 2:20-26

75 Tzol rikʼinebʼ kʼanjelak chiru li Jehobʼa. Aʼanebʼ nekeʼxra ut nekeʼxpaabʼ li Jehobʼa ut li Kristo Jesus. Ma nakarahebʼ laaʼat? Ma taawaj raj xtenqʼankilebʼ li poyanam re xnawbʼal ru li Yos? —Juan 6:45-47

76 Li Jehobʼa ut li Kristo Jesus nakateʼxra ut nekeʼraj naq wanq aayuʼam chi junelik saʼ li sahilal naʼajej. —Juan 3:16

Naq xaawil ebʼ li eetalil ut li esilal wank chisaʼ li hu aʼin, mare nakawaj xyalbʼal xsahil li yuʼam chi junelik saʼ Ruuchichʼochʼ. Wi taawaj chik xtzolbʼal naabʼal chirix aʼin, naqaye aawe naq tat-aatinaq rikʼin junaq aj testiiw re li Jehobʼa li nachʼ wank chakʼatq. Laaʼat naru tat-tzʼiibʼaq, malaj taaye re anihaq t-tzʼiibʼaq saʼ laakʼabʼaʼ, saʼ li xmolamil rehebʼ laj testiiw re li Jehobʼa, joʼ nakʼutmank saʼ li tuslebʼaal jayalil re li xkabʼ perel re li hu aʼin.