Ma tixsachebʼ li Yos li inkʼaʼ tiikebʼ xchʼool wiʼ chik?

22 Anaqwan ebʼ li poyanam inkʼaʼ chaabʼilebʼ ajwiʼ. Kʼaru li maaʼusilal yookebʼ chi xbʼaanunkil arin?

23 Wankebʼ li nekeʼkamsink. Li Yos naxye naq aʼin inkʼaʼ us xbʼaanunkil. —Éxodo 20:13; 1 Juan 3:11, 12

24 Wankebʼ nekeʼelqʼak. Li Yos naxye naq inkʼaʼ us elqʼak. —Éxodo 20:15; Efesios 4:28

25 Wankebʼ nekeʼsumlaak rikʼin naabʼalebʼ chi ixq. Jalanebʼ chik wankebʼ rikʼin wiibʼ malaj naabʼal chi ixq saʼ jalan jalanq ochoch. Wankebʼ yal laqʼlokebʼ moko sumsukebʼ ta. Chixjunil aʼin moko aʼan ta naxkʼut li Santil Hu. —Mateo 19:4-6; 1 Corintios 7:1-4; 1 Timoteo 3:1, 2

26 Ma najultikoʼk aawe naq li Yos kixkʼe jun ajwiʼ li rixaqil laj Adan? —Génesis 2:22, 24

27 Wankebʼ nekeʼxloqʼoni ru li pechʼbʼil yos. Li Yos naxye naq inkʼaʼ naru roksinkil li pechʼbʼil yos chi moko li jalam u saʼ li loqʼonink. —Éxodo 20:4, 5; Isaías 44:9-17; 1 Juan 5:21

28 Li Jehobʼa tixsachebʼ li maaʼusebʼ li inkʼaʼ nekeʼxjal xnaʼlebʼ. —Salmo 37:9, 10; Lucas 13:5; 1 Corintios 6:9, 10