Xtiklajik li tasal 14

Ebʼ li xbʼeen aj paabʼanel keʼxkʼam li chaabʼil esil chirix li Xnimajwal Awabʼejilal li Yos toj saʼebʼ li najtil tenamit. Li Jesus kixkʼut xbʼehebʼ re naq teʼxnaw bʼar teʼxik chi puktesink. Kixkawresihebʼ ajwiʼ rikʼin sachbʼachʼoolej re xkʼutbʼal li yaal saʼ raatinobʼaalebʼ li poyanam. Li Jehobʼa kixkawresihebʼ ut kixkʼehebʼ xmetzʼew re naq teʼxkuy li nimla rahobʼtesink.

Li Jesus kixkʼut chiru li Apostol Juan jun li moy u chirix li xloqʼal li Jehobʼa. Saʼ jun chik li moy u, kixkʼut chiru chanru naqʼaxok u li Xʼawabʼejilal li choxa saʼ xbʼeen laj Tza ut narisi chi junajwa li xwankil. Laj Juan kiril li Jesus choʼq Awabʼej ut li 144.000 nekeʼawabʼejink rochbʼen. Kiril ajwiʼ naq nachʼinaʼusoʼk li Ruuchichʼochʼ ut naq nekeʼxloqʼoni li Jehobʼa saʼ tuqtuukilal ut saʼ junajil.