Usta wank qachʼaʼajkilal tchaabʼiloʼq li qayuʼam
«Chanawaq naq saʼ rosoʼjikebʼ li kutan wank honal qʼaxal chʼaʼajkaq xnumsinkil» (2 TIMOTEO 3:1, LI SANTIL HU, SOCIEDAD BÍBLICA DE GUATEMALA, SBG).
MA AK XAAWIL malaj xaawabʼi junaq rehebʼ li rahilal aʼin?
● Junaq li nimla yajel li naxkamsi naabʼalebʼ li kristiʼaan.
● Naabʼalebʼ li kristiʼaan nekeʼkamk xbʼaan li weʼej.
● Chi mil ebʼ li kristiʼaan nekeʼkamk malaj nekeʼkanaak chi maakʼaʼebʼ rochoch xbʼaan jun li nimla hiik.
Saʼ li hu aʼin taataw xkomon li esil chirix li yook chi kʼulmank. Taatzol ajwiʼ naq li Santil Hu ak kixye chaq chixjunil li tkʼulmanq «saʼ rosoʼjikebʼ li kutan».a
Li hu aʼin moko naraj ta xyeebʼal aawe naq wank li chʼaʼajkilal saʼ Ruuchichʼochʼ, aʼin ak chʼolchʼo chaawu, naqaj bʼan naq taanaw li naxyeechiʼi qe li Yos. Tqil ajwiʼ chanru yook chi tzʼaqlok ru 6 li xpropesiiy li Santil Hu li naxkʼut naq chi seebʼ twulaq xraqik li «rosoʼjikebʼ li kutan». Moko chixjunilebʼ ta li kristiʼaan nekeʼxpaabʼ aʼin. Li hu aʼin tixchʼolobʼ chaawu kʼaʼut naru naqapaabʼ naq chi seebʼ tsachmanq li rahilal ut tqataw li sahil chʼoolejil.
[Kʼe reetal]
a Re naq taanaw kʼaʼut naq li Yos kixkanabʼ naq tqakʼul li rahilal chaawil li tzolom «¿Por qué permite Dios la maldad y el sufrimiento?» saʼ li perel 16 ut 17 re li hu aʼin.