Ajʼooq aawu ut maakanabʼ kʼanjelak chiru li Yos naq tjalaaq laayuʼam

Naq najalaak li qayuʼam, maaʼani naru nachapok re, joʼkan tzʼaqal anaqwan saʼ xqʼehil li rosoʼjik (1Co 7:31). Usta naqoybʼeni malaj inkʼaʼ, malaj chaabʼil malaj inkʼaʼ, li jalaak aʼin naru naxyal rix li qapaabʼal ut li qawanjik rikʼin li Jehobʼa. Kʼaru tooxtenqʼa re naq ajʼooq qu ut inkʼaʼ tqakanabʼ kʼanjelak chiru li Yos naq tjalaaq li qayuʼam? Taawil li bʼideo Maakanabʼ xkawresinkil laapaabʼal, usta tento tatxik saʼ jalan chik naʼaj ut taasume ebʼ li patzʼom:

• Kʼaru li naʼlebʼ kixkʼe jun li hermaan re li yuwaʼbʼej?

• Chanru kitenqʼaak li junkabʼal xbʼaan li naʼlebʼ li wank saʼ Mateo 7:25?

• Chanru keʼxkʼubʼ li xxikikebʼ, ut chanru kitenqʼank aʼin?

• Kʼaru kitenqʼank rehebʼ chi kʼayk saʼ li chʼuut ut saʼ li teep?

Kʼaru tojaʼ xjalaak saʼ linyuʼam?

Chanru tinruuq xyuʼaminkil ebʼ li naʼlebʼ li naxkʼe li Santil Hu li naxkʼut li bʼideo aʼin?