Jun li moy u li naxkawresi li qapaabʼal

9:1-7

Kʼoxla chanru kirekʼa tana ribʼ li Jesus saʼ li moy u naq kirabʼi li xchoxahil Yuwaʼ chi xyeebʼal naq nasahoʼk saʼ xchʼool rikʼin. Chʼolchʼo naq aʼin kikʼehok re xmetzʼew re xkuybʼal chixjunil li rahilal li tchalq saʼ xbʼeen. Li moy u aʼin kiwulak ajwiʼ saʼ xchʼool laj Pedro, laj Santiago ut laj Juan. Kixkʼut chiruhebʼ naq li Jesus aʼan li Mesiiy ut us naq teʼwanq choʼq xtzolom. Naq kinumeʼk tana 32 chihabʼ, laj Pedro toj naxjultika chaq chanru li moy u aʼin kixkawresi li xpaabʼal chirix li raatinebʼ li xpropeet li Yos (2Pe 1:16-19).

Usta laaʼo inkʼaʼ xooruuk rilbʼal li nimla moy u aʼin, abʼan yooko rilbʼal chanru natzʼaqlok ru. Saʼebʼ li qakutan, li Jesus ak wank joʼ jun Awabʼej nim xwankil. Chi seebʼ tqʼaxoq u ut tixxaqabʼ jun chʼinaʼusil akʼ ruuchichʼochʼ (Ap 6:2).

Chanru kixkawresi laapaabʼal rilbʼal chanru natzʼaqlok ru li kixye chaq li Santil Hu?