«Li xlaqʼabʼahom li Yos...»

Li Xchaqʼrabʼ laj Moises naxtenebʼ saʼ xbʼeen li bʼeelomej li traj xraqbʼal li xsumlajik naq tixkʼubʼ jun li hu chiru li chaqʼrabʼ. Chi joʼkan inkʼaʼ tixraq li xsumlajik saʼ junpaat. Abʼanan, saʼ xkutankil li Jesus, ebʼ laj kʼamolbʼe saʼebʼ li paabʼal keʼxbʼaanu naq inkʼaʼ chʼaʼajkaq xraqbʼal li sumlajik. Ebʼ li winq nekeʼruuk xjachbʼal li xsumlajik saʼ xkʼabʼaʼ yalaq kʼaru chi naʼlebʼ (nwtsty xyaalalil li naʼlebʼ re tzolok Mr 10:4: «xhuhil li jachok ibʼ» ut nwtsty xyaalalil li naʼlebʼ re tzolok Mr 10:11: «tixkanabʼ li rixaqil» ut «tixmux li xsumlajik»). Li Jesus kixye naq li Jehobʼa kixxaqabʼ ut kixkʼulubʼa li sumlajik (Mr 10:2-12, SBG). Li sumsukebʼ tento naq «junajaqebʼ aj chik chi tzʼejwalej teʼkanaaq», malaj, inkʼaʼ teʼxjach ribʼ. Joʼ kixtzʼiibʼa laj Mateo, li Santil Hu naxkʼe jun ajwiʼ xyaalalil re naq twanq xraqbʼal ru li sumlajik, aʼan li koʼbʼeetak yumbʼeetak (Mt 19:9, Wy).

Saʼebʼ li qakutan, naabʼalebʼ li poyanam li inkʼaʼ nekeʼxloqʼoni li Jehobʼa nekeʼril li sumlajik joʼ ebʼ laj Pariseey, moko joʼ ta kiril li Jesus. Naq wankebʼ saʼ chʼaʼajkilal, nekeʼxjach ribʼ. Abʼan, li nekeʼxloqʼoni li Jehobʼa oxloqʼ chiruhebʼ li xeʼxye saʼ xkutankil li xsumlajik ut nekeʼxyal xqʼe chi xtuqubʼankil ru ebʼ li chʼaʼajkilal rikʼin xyuʼaminkil li naʼlebʼ li naxkʼe li Santil Hu. Naq ak xaawil li bʼideo Li rahok ut li oxloqʼink naxjunaji ebʼ li junkabʼal, taasume ebʼ li patzʼom aʼin:

• 

  Chanru taayuʼami saʼ laasumlajik Proverbios 15:1, ut kʼaʼut wank xwankil naq taabʼaanu?

• Chanru tatxtenqʼa Proverbios 19:11 re naq inkʼaʼ taakʼe aawibʼ saʼ chʼaʼajkilal?

• Wi kachʼin chik naraj re naq traqmanq laasumlajik, kʼaru ebʼ li patzʼom taakʼoxla re naq inkʼaʼ tkʼulmanq aʼin?

• Chanru tatxtenqʼa Mateo 7:12 re naq chaabʼilaqat joʼ bʼeelomej malaj ixaqilbʼej?