Jun li maatan choʼq re li Jehobʼa

Chanru tooruuq xnujtesinkil li quqʼ re xkʼebʼal jun li mayej choʼq re li Jehobʼa? (1Cr 29:5, 9, 14). Arin tqil wiibʼ oxibʼ li naʼlebʼ re naq tooruuq chi tenqʼank saʼ li kʼanjel li naqabʼaanu joʼ aj Testiiw re li Jehobʼa saʼ li qateep ut saʼ jalan chik tenamit.

LI TENQʼ LI NAQAKʼE SAʼ INTERNET MALAJ SAʼEBʼ LI KAAX NAʼOKSIMANK SAʼEBʼ LI KʼANJEL AʼIN:

• 

  LI NABʼAANUMANK SAʼ CHIXJUNIL LI RUUCHICHʼOCHʼ

  xkabʼlankil ut roksinkil ebʼ li xmolam li Yos ut ebʼ li ochoch re jalok aatin

  jalan jalanq li tzolebʼaal

  li nekeʼxkʼe chixjunil li xhoonal saʼ li xkʼanjel li Yos

  tenqʼank naq nachalk junaq li rahilal

  xyiibʼankil ebʼ li bʼideo ut ebʼ li tasal hu chi huhil malaj saʼ ululchʼiichʼ

• 

  LI XSACHOMQ LI CHʼUUT

  xyiibʼankil li napoʼeʼk saʼ li Chʼutlebʼaal Kabʼl ut xtojbʼal li haʼ ut li kaxlan xam

  li tumin li kixkʼubʼ xtaqlankil li chʼuut saʼ li qamolam choʼq re:

  • xkabʼlankil ebʼ li Chʼutlebʼaal Kabʼl ut ebʼ li naʼajej re li Nimla Chʼutam saʼ chixjunil li ruuchichʼochʼ

  • li Nimla Kʼanjel re Tenqʼank

  • jalan chik li kʼanjel li nabʼaanumank saʼ chixjunil li ruuchichʼochʼ

NIMLA CHʼUTAM RE OXIBʼ KUTAN UT RE JUN KUTAN

Li tumin li naxokmank saʼebʼ li nimla chʼutam re oxibʼ kutan naʼoksimank choʼq re li kʼanjel li nabʼaanumank saʼ chixjunil li ruuchichʼochʼ. Rikʼin li tumin aʼin natojmank li xsachomq li nimla chʼutam re oxibʼ kutan, re jun kutan ut bʼarwiʼ nekeʼtzʼaqonk jalan jalanq chi tenamit.

Li tumin li naxokmank saʼ li nimla chʼutam re jun kutan nakʼanjelak re xtojbʼal li naʼajej, li xʼoksimank chisaʼ ut re xyiibʼankil ebʼ li naʼajej re li nimla chʼutam ut jalan chik. Naq ak xtojmank chik chixjunil, wankebʼ nekeʼxtaqla li tumin li inkʼaʼ tkʼanjelaq chiruhebʼ re naq t-oksimanq saʼ li kʼanjel li nekeʼxbʼaanu ebʼ laj Testiiw saʼ chixjunil li ruuchichʼochʼ.