Ma jultik aawe?

Ma xaakʼe aachʼool chi rilbʼal ebʼ li hu Laj Kʼaakʼalehom li tojeʼ xeʼelk? Kʼe reetal ma tatruuq xsumenkil ebʼ li patzʼom aʼin:

Kʼaru rusilal tqataw wi naqakʼe qahoonal chi aatinak rikʼin li Jehobʼa, chi rabʼinkil ut xkʼoxlankil li naxbʼaanu?

Tqasikʼ chiʼus li tqabʼaanu, tqatzol kʼutuk chiʼus, qʼaxal nakawuuk li qapaabʼal ut qʼaxal tqara li Jehobʼa (w22.01, perel 30 ut 31).

Kʼaʼut us naq tqatzol xkʼojobʼankil qachʼool rikʼin li Jehobʼa ut li kixxaqabʼ re qajolominkil arin saʼ li Ruuchichʼochʼ?

Anaqwan tzʼaqal li xhoonalil re naq kʼojkʼooq qachʼool rikʼin li naxbʼaanu li Jehobʼa. Naqakʼutbʼesi aʼin wi inkʼaʼ nawiibʼank qachʼool chirix li nekeʼxsikʼ xbʼaanunkil ebʼ li cheekel winq ut li naʼlebʼ li nekeʼxkʼe qe. Naq ttiklaaq li nimla rahilal moko tchʼaʼajkoʼq ta chiqu abʼink usta tqakʼoxla naq li naʼlebʼ li teʼxkʼe qe chʼaʼajkaq xpaabʼankil, inkʼaʼ tkʼanjelaq chiqu malaj maakʼaʼaq xyaalal (w22.02, perel 4 toj 6).

Kʼaʼut kixye li ánjel re laj Zacarías naq tril jun li kʼanjelobʼaal saʼ ruqʼ laj Zorobabel? (Zac. 4:8-10).

Li moy u kixkʼut chiru li xtenamit li Yos naq teʼxchoy xyiibʼankil li rochoch joʼ chanru naraj usta teʼxkʼoxla naq moko nim ta ru (w22.03, perel 16 ut 17).

Kʼaru tqabʼaanu re naq us tooʼaatinaq? (1 Tim. 4:12).

Chaabʼilaqat ut taawoxloqʼi ebʼ li junchʼol saʼ li puktesink, bʼichank chi sa saʼ laachʼool saʼebʼ li chʼutam ut maakanabʼ sumenk saʼebʼ li chʼutam, junelik taaye li yaal, xwaklesinkil xchʼool ebʼ li junchʼol ut maawoksi li aatin re maajewank (w22.04, perel 6 toj 9).

Kʼaʼut naq li josqʼ aj xul re Apocalipsis 13:1, 2 chanchanebʼ li kaahibʼ chi josqʼ aj xul (awabʼejilal) re li tasal 7 re li hu Daniel?

Li josqʼ aj xul re Apocalipsis 13 moko reetalil ta jun ajwiʼ chi awabʼejilal, joʼ Roma. Reetalil chixjunilebʼ li awabʼejilal li xeʼtaqlank saʼ xbʼeen li kristiʼaan chalen chaq najter qʼe kutan (w22.05, perel 9).

Chanru naqakʼutbʼesi naq naqapaabʼ naq li Yos traqoq aatin?

Wi xeʼxrahobʼtesi qachʼool malaj xooʼeʼxhobʼ, malaj xeʼmaakobʼk chiqu, tento tqisi saʼ qachʼool li josqʼil ut qakanabʼaq saʼ ruqʼ li Jehobʼa. Trisi chixjunil li rahilal li naxkʼam chaq li maak (w22.06, perel 10 ut 11).

Kʼaru wanq saʼ xchʼool li hermaan naq ttijoq saʼ li chʼutam?

Li tij maawaʼ re qʼusuk chi moko xkʼebʼal junaq li esil. Naq tiklaak re li chʼutam inkʼaʼ tixye «kʼiila aatin» (Mat. 6:7) (w22.07, perel 24 ut 25).

Kʼaru naraj xyeebʼal naq «teʼwakliiq chi yoʼyo re li tojbʼamaak [raqok aatin, TNM]» «li xeʼxbʼaanu li inkʼaʼ us»? (Juan 5:29).

Inkʼaʼ traqmanq aatin saʼ xbʼeenebʼ xbʼaan li xeʼxbʼaanu chaq naq toj maajiʼ nekeʼkamk. Teʼtzʼileʼq bʼan rix chirix li xnaʼlebʼ ut xbʼaanuhomebʼ naq ak xeʼwakliik chi yoʼyo (w22.09, perel 18).

Kʼaru li esil kixkʼe li hermaan Joseph Rutherford saʼ li nimla chʼutam re septiembre 1922?

Saʼ jun li nimla chʼutam aran Cedar Point (Ohio, Estados Unidos), kixye: «Kʼehomaq reetal li awabʼej ak yook chi Awabʼejink. Laaʼex laj yehol esil chirix aʼin. Joʼkan naq, yehomaq, yehomaq, yehomaq resil chirix li Awabʼej ut li Xʼawabʼejilal» (w22.10, perel 3 toj 5).

Joʼ naxye li tasal 30 re Isaías, rikʼin kʼaru oxibʼ chi naʼlebʼ nokooxtenqʼa li Jehobʼa re xkuybʼal?

Aran naxye naq li Jehobʼa 1) naxkʼe xchʼool chi qabʼinkil ut naxsume li qatij, 2) nokooxbʼeresi ut 3) nokoorosobʼtesi anaqwan ut saʼ li kutan chalkebʼ re (w22.11, perel 9).

Kʼaʼut naqaye naq Salmo 37:10, 11, 29 kitzʼaqlok chaq ru ut ttzʼaqloq ru ajwiʼ saʼ li kutan chalk re?

Li kixtzʼiibʼa laj David naxkʼut chanruhaq li yuʼam rubʼel li xʼawabʼejilal laj Salomón. Saʼebʼ li kutan aʼan ebʼ laj Israel keʼwank saʼ tuqtuukilal. Naq li Jesús kiʼaatinak chirix li chʼinaʼusil naʼajej kiroksi li raqal 11 (Mat. 5:5; Luc. 23:43) (w22.12, perel 8 toj 10, ut 14).