Li Jehobʼa naxkʼe qe jun aj Kolonel

29 Li xbʼeen musiqʼej yoobʼtesinbʼil xbʼaan li Yos aʼan joʼ jun xbʼeen alalbʼej choʼq re.

Li Yos kʼajoʼ naxra ut tixbʼaanu naq aʼan tixsachebʼ li maaʼusebʼ xnaʼlebʼ ut tixkolebʼ li nekeʼpaabʼank. —Juan 3:16, 36

30 Li Jehobʼa kixtaqla chaq li Ralal re naq tʼyoʼlaaq saʼ li Ruuchichʼochʼ. Jesus kixkʼabʼaʼin. Li xkʼabʼaʼ li xnaʼ aʼan xMaria.—Lucas 1:30-35

31 Naq li Jesus kiwinqiloʼk, kixkʼut naabʼal chaabʼil naʼlebʼ. Kixkʼut naq kaʼajwiʼ li Jehobʼa aʼan li tzʼaqal Yos. —Marcos 12:29, 30

Li Jesus kixye naq kaʼajwiʼ li Jehobʼa tqaloqʼoni.—Mateo 4:10; Juan 4:23, 24

Kixtzolebʼ ajwiʼ li poyanam chirix li xnimajwal awabʼejilal li Jehobʼa.—Lucas 17:20, 21

32 Li Jesus kixkʼirtasihebʼ li yaj ut kixbʼaanu naabʼal li usilal. Inkʼaʼ kixbʼaanu li maaʼusilal. —Hechos 10:38; 1 Pedro 2:21, 22

Abʼan, chan raj ru tooxkol chiru li maak ut li kamk?

33 Toj kixyeechiʼi jun mayej chiru li Yos re xkolbʼal li chaabʼilebʼ xnaʼlebʼ. Najter qʼe kutan, li Yos kixye rehebʼ li poyanam naq teʼxmayeja ebʼ li xul xbʼaan li xmaakebʼ. —Hebreos 7:25, 27

34 Li Jesus inkʼaʼ kixmayeja ebʼ li xul. Aʼan kixkʼe ribʼ choʼq mayej saʼ qakʼabʼaʼ. —Mateo 20:28; Hebreos 10:12

Ma nakanaw kʼaʼut?