Oksi li aatin li teʼxtaw ru

1 Corintios 14:9

WIIBʼ OXIBʼ LI AATIN: Tenqʼahebʼ chi xtawbʼal ru li yookat xyeebʼal.

CHANRU XBʼAANUNKIL

• Tzol chiʼus li naʼlebʼ. Xbʼeenwa tento taataw ru chiʼus li naʼlebʼ li taachʼolobʼ re naq inkʼaʼ chʼaʼajkaq xtawbʼal ru ut re naq taaye rikʼin laawaatin.

• Oksi ebʼ li aatin kachʼin roq ut inkʼaʼ chʼaʼajkaq xtawbʼal ru. Usta tatruuq roksinkil ebʼ li aatin nim roq, abʼan naq taawaj xkʼutbʼal junaq xnimal ru naʼlebʼ us roksinkil ebʼ li aatin kachʼin roq.

• Chʼolobʼ ebʼ li aatin li inkʼaʼ nawbʼil ru chiʼus. Maawoksi kokʼaj xsaʼ ut misachk saʼ aachʼool xchʼolobʼankil li inkʼaʼ nekeʼxnaw ru joʼ naq tat-aatinaq chirixebʼ li eetalil li wank saʼ li Santil Hu, ebʼ li eetalil re bʼisok malaj li kʼaynaqebʼ chaq xbʼaanunkil najter qe kutan.