Kubʼsi aawibʼ

Li naxye li Santil Hu: «Teekubʼsi [ . . . ] eeribʼ ut teekʼoxla naq ebʼ li junchʼol nimebʼ cheeru» (Filip. 2:3).

Li kixbʼaanu laj Pablo

Li apóstol Pablo bʼakʼbʼo chi kareen rochbʼeen laj puubʼ, naraatina saʼ tuulanil li awabʼej Agripa, laj Festo li ruuchil awabʼej ut li xBerenice.

BʼIDEO: Laj Pablo naxkʼe chi naweʼk li yaal rikʼin li awabʼej Agripa

1. Taawil li BʼIDEO malaj taayaabʼasi Hechos 26:2, 3. Chirix chik aʼan taatzʼil rix ebʼ li patzʼom aʼin:

Chanru kixkʼutbʼesi laj Pablo naq naxkubʼsi ribʼ naq kiʼaatinak rikʼin li awabʼej Agripa?
Chanru kixkʼutbʼesi laj Pablo naq li Jehobʼa ut li Santil Hu wankebʼ xwankil ut maawaʼ aʼan? (Taayaabʼasi Hechos 26:22).

Kʼaru naqatzol rikʼin laj Pablo?

2. Wi naqoxloqʼihebʼ li qas qiitzʼin ut naqakubʼsi qibʼ naq naqakʼe chi naweʼk li yaal, moko chʼaʼajkaq ta chiruhebʼ xkʼulubʼankil.

Kʼam aawe rikʼin laj Pablo

3. Maabʼaanu naq nim aawankil. Maabʼaanu aawibʼ naq nakaanaw chixjunil ut naq aʼan maakʼaʼ naxnaw. Naq taawaatina, junelik taawoxloqʼi ru.

4. Kʼutbʼesi naq chixjunil li nakaakʼut chalenaq saʼ li Santil Hu. Li Raatin li Yos naru narekʼasi xchʼoolebʼ li qas qiitzʼin. Naq naqoksi li Santil Hu, naqatenqʼahebʼ re naq xeʼinbʼilaq chiʼus li xpaabʼalebʼ.

5. Tuulanaqat. Maamin ru chi xkʼulubʼankil li nakaaye. Li qakʼanjel maawaʼ wechʼink. Li kubʼsink ibʼ tatxtenqʼa re naq inkʼaʼ tatjosqʼoʼq saʼ junpaat ut chi xkʼebʼal reetal joqʼe tatxik (Prov. 17:14; Tito 3:2). Wi nakatsumenk saʼ qʼunil ut tuulanaqat, maare saʼ jun chik kutan traj qaatinankil.

TAAYAABʼASI AJWIʼ

Rom. 12:16-18; 1 Cor. 8:1; 2 Cor. 3:5