LI SANTIL HU NAXSUME EBʼ LI PATZʼOM

Ma tkuyeʼq rix li qamaak?

Li Santil Hu naxye naq laaʼo aj maak xbʼaan naq xqechani chaq rikʼin laj Adán. Joʼkan naq laaʼo naqabʼaanu li maaʼusilal ut nayotʼeʼk qachʼool. Abʼan li Ralal li Yos kixkʼe li xyuʼam saʼ qakʼabʼaʼ re naq tkuyeʼq qamaak. Saʼ xkʼabʼaʼ li xkamik li Jesús, li Yos naxkuy qamaak. Li xkamik li Jesús aʼan jun xmaatan li Jehobʼa. (Taayaabʼasi Romanos 3:23, 24).

Wankebʼ li kristiʼaan li xeʼxbʼaanu li nimla maak ut nekeʼxkʼoxla: «Ma tixkuy tawiʼ linmaak li Yos?». Li Santil Hu naxchʼolobʼ: «Li xkikʼel li Jesus li Ralal li Yos nokooxchʼajobʼresi chiru chixjunil li maak» (1 Juan 1:7, Li Santil Hu, Sociedad Bíblica de Guatemala, SBG). Joʼkan tzʼaqal, li Jehobʼa naxkuy qamaak wi naqayotʼ qachʼool ut naqakanabʼ xbʼaanunkil li maaʼusilal. (Taayaabʼasi Isaías 1:18).

Kʼaru tento tqabʼaanu re naq li Yos tixkuy qamaak?

Re naq li Yos tixkuy qamaak tento naq tqanaw ru: li xbʼaanuhom, li xnaʼlebʼ ut li xchaqʼrabʼ (Juan 17:3). Li Jehobʼa naxkuy qamaak wi naqayotʼ qachʼool ut naqayal qaqʼe chi xjalbʼal li qanaʼlebʼ. (Taayaabʼasi Hechos 3:19).

Moko chʼaʼaj ta xsahobʼresinkil xchʼool li Yos. Aʼan naxtaw ru naq laaʼo aj maak. Li Jehobʼa chaabʼil ut aj uxtaan. Ma inkʼaʼ narekʼasi aachʼool aʼin chi xsikʼbʼal xkomon laanaʼlebʼ re xtawbʼal rusilal? (Taayaabʼasi Salmo 103:13, 14).