Kʼaru li Xʼawabʼejilal li Yos?

Jun li winq naxyaabʼasi li Santil Hu naq chunchu chixkʼatq jun li nimla ochoch

Naabʼalebʼ nekeʼxtzʼaama saʼ li xtij naq tchalq li Xnimajwal Awabʼejilal li Yos. Abʼan, kʼaru li Xnimajwal Awabʼejilal li Yos ut kʼaru tixbʼaanu chiqix?

CHAAWIL LI NAXYE LI SANTIL HU

Kʼaru li Xʼawabʼejilal li Yos?

Aʼan jun li awabʼejilal li wank saʼ choxa ut li awabʼej aʼan li Jesukriist (Isaías 9:6, 7; Mateo 5:3; Lucas 1:31-33).
Kʼaru tixbʼaanu li Xʼawabʼejilal li Yos?

Trisi chi junajwa li maaʼusilal ut tixbʼaanu naq toowanq saʼ tuqtuukilal (Daniel 2:44; Mateo 6:10).
Kʼaru naraj xyeebʼal xsikʼbʼal xbʼeenwa li Xʼawabʼejilal li Yos?

Naraj xyeebʼal naq tootzʼaqonq chirix li Xʼawabʼejilal li Yos ut chʼolchʼooq chiqu naq kaʼajwiʼ aʼan tixbʼaanu naq li Ruuchichʼochʼ ut li choxa twanq joʼ naraj (Mateo 6:33; 13:44).