Ma Naru Tqaye Rehebʼ naq Tooʼeʼrochbʼeeni?

Saʼ naabʼal chi Chʼutlebʼaal Kabʼl, wankebʼ laj puktesinel jwal chʼaʼaj chiruhebʼ xpuktesinkil li chaabʼil esilal xbʼaan naq nimebʼ xyajel malaj tiixebʼ chik (2 Cor. 4:16). Wi wankebʼ li hermaan aʼin saʼebʼ li qachʼuut, naru tqaye rehebʼ naq tooʼeʼrochbʼeeni chi xtzolbʼal junaq li poyanam chirix li Santil Hu. Wi junaq rehebʼ inkʼaʼ chik naru chi elk saʼ bʼe, naru tqakʼam li qatzolom saʼ li rochoch re naq aran tootzoloq. Maare wank sut tqakʼe qibʼ saʼ aatin rikʼin li hermaan aʼin re naq tooxik junpaataq chi puktesink malaj chi rulaʼaninkil jun malaj wiibʼ li poyanam. Ebʼ li qech aj paabʼanel li ak tiixebʼ chik wankebʼ naabʼal xnawom chirix li puktesink ut naq nokootzʼaq rikʼinebʼ nakawuuk li qapaabʼal (Rom. 1:12). Misach saʼ qachʼool naq li Jehobʼa tooxqʼajkamu wi naqakʼe qaqʼe chi xwaklesinkilebʼ xchʼool ut xraabʼalebʼ li qech aj paabʼanel aʼin (Prov. 19:17; 1 Juan 3:17, 18).