Wiibʼ oxibʼ li naʼlebʼ
Saʼ li xbʼeen Sabado re Mayo tqasikʼebʼ li nekeʼraj tzolok
«Yooko chi aatinak rikʼinebʼ li qechkabʼal chirix jun li nimla chʼaʼajkilal. [Taakʼut li naʼlebʼ li wank toj chirix li hu La Atalaya 1 re Mayo.] Kʼaru nakaakʼoxla chirix aʼin?» Kanabʼ naq tsumenq. Taachʼolobʼ re li naʼlebʼ li wank rubʼel li patzʼom ut taayaabʼasi jun rehebʼ li raqal li Santil Hu. Taayeechiʼi re li tasal hu La Atalaya ut li ¡Despertad! ut taaye re joqʼe tatsutqʼiiq re xchʼolobʼankil chiru li jun chik patzʼom.
La Atalaya 1 re Mayo
«Naabʼalebʼ li qas qiitzʼin nekeʼwulak chiru xnawbʼal kʼaru tkʼulmanq saʼ li kutan chaalel. Ut laaʼaʼt, kʼaru nakaakʼoxla chirix li kutan chaalel? Ma nakaakʼoxla naq maakʼaʼ tkʼulmanq malaj naʼok aakʼaʼuxl? [Kanabʼ naq tsumenq. Chirix chik aʼan taayaabʼasi jun rehebʼ li raqal li Santil Hu li wank saʼ li kaaxukuut bʼarwiʼ naxye: «Lo que Dios dice del futuro.»] Saʼ li tasal hu aʼin naxchʼolobʼ wiibʼ oxibʼ li naʼlebʼ chirix li tkʼulmanq ut kʼaʼut chʼolchʼo chiqu naq tkʼulmanq?»
¡Despertad! Mayo
«Moko naqaj ta risinkil naabʼal laahoonal, yooko chi aatinak chirix kʼaru raj tqabʼaanu naq jwal yooq qakʼaʼuxl, rahaq saʼ qachʼool malaj yooq qajosqʼil. Ma nakaakʼe reetal naq saʼebʼ li qakutan jwal xnumtaak li chʼaʼajkilal aʼin? [Kanabʼ naq tsumenq.] Li chaabʼil naʼlebʼ li wank saʼ li Santil Hu naxtenqʼahebʼ naabʼal li poyanam re xtuqubʼankil ru li rahilal aʼin. Tinkʼut chaawu jun li eetalil. [Taayaabʼasi Mateo 6:34.] Li tasal hu aʼin naxchʼolobʼ chanru nokooxtenqʼa li naʼlebʼ li wank saʼ li Santil Hu re naq tooruuq xkuybʼal kaahibʼ chi chʼaʼajkilal li natikibʼank re li rahilal aʼin.»
Kʼe reetal: Li naʼlebʼ aʼin naru naxtenqʼahebʼ li wankebʼ saʼ li kʼayibʼaal.